ساعدوني من فضلكم انا احترت

[thelegend7073]

بسم الله الرحمن الرحيم
يا جماعه ممكن مساعده لو سمحتوا
انا محتار ما بين معهد مساحه وكليه تجاره اسيوط
انا علمي رياضه وجايب 85 في الميه
وجالي في التنسيق تجاره اسيوط وانا من الفيوم وفيه ممكن ادخل معهد مساحه في الجيزه واكمل من بعده هندسه وكتير يقولي تجاره حلو وكتير يقولي مساحه احسن ممكن تساعدوني عايز ارائكم وبلاش حد يقولي اللي يعجبك او اللي انت شايفه صح او..... لاني لو كنت اعرف مكنتش سألت ارجوكم لو سمحتوا ومن فضلك قولي رايك في مشاركه وبعده ضيف رايك في الاستطلاع لو سمحتوا والله احترت حتى صليت استخاره ومش مرتاح لحاجه منهم

[Analyzer.Mn3m55]

ده رد مقتبس من عضوووو فى منتدى كده اثناء البحث ..
الاخ العزيز
انا خريج معهد المساحه دفعه1984 وسافرت بالخليج والحمد لله عملت فلوس كويسه ولكن عند عودتى لمصر مهما كان معك الملايين مازلت لاتحمل المؤهل العالى تريد الاشتراك فى نادى تجد اول شرط هو ان يكون المتقدم يحمل مؤهل عالى . تريد ادخال اولادك مدرسه كويسه او تريد ادخاله مجال من المجالات الهامه ان لم تكن انت ( والده ) حاصل على شهاده جامعيه عليا لن يلتفت الى طلبه لاننا ببساطه كمجتمع نعيش فى انفصام اللى حاصل عل شهاه جامعيه ينظر الناس له باحترام وكأنه حاصل على جائزة نوبل وانا اعرف اشخاص حاصلون على شهادات عليا ولايعرفون شيئا عن الدنيا ومن اجل هذا المجتمع الرائع والجميل قمت بالالتحاق بتجاره القاهره نظام التعليم المفتوح وحصلت على البكالوريوس الذى يريده المجتمع الجميل وانا عمرىاكثر من 40 عام ومن ثم اشتركت فى احد النوادى الشهيره عارف ليه علشان هذه الشهاده .
فيأخى العزيز سنك لسه صغير اكمل دراستك اولا حتى لاتعانى فى المستقبل وان شاء الله ستجد الفرصه المناسبه . وعلى فكره تفرق كتير من مساح الى مهندس مساحه .

اقرا الكلام ده و قرر و انا شااااااايف تجارة افضل و ذاكر فيها يا عم سهله و تجيب امتياز ده انت كنت علمى و متعود على المذاكره .. و للعلم انا كنت علمى ريااااضه و جبت 90 % و دخلت تجارة

[Eng.Ahmed Hagag]

تجارة طبعااااااااا

[ملك عاشقة الرياضيات]

تجاره طبعا طبعا