تقبلى تكونى زوجه تانيه؟!

[مرموور]

ازيكم يا احلى اعضاء؟
يارب تكونوا بخير ويارب دايما
انهارده عنوان موضوعى بيتكلم عن نفسه
تقبلى تكونى زوجه تانيه؟!!
يعنى اقصد ان فى يوم من الايام اتقدملك شخص
متجوز وعايز يتجوز على مراته مثلا لأنها مبتخلفش
او لأى سبب مهما كان!!!
تقبلى تتجوزيه
تقبلى تاخدى زوج من زوجته؟!
تقبلى تاخدى أب من اولاده؟!
وياترى ايه اللى بيدفع البنت انها تقبل ان تحصل على لقب
الزوجه التانيه..؟!
ياترى لما البنت بتكبر فى السن ده بيدفعها انها تقبل تكون زوجه تانيه؟!
كمان الشباب
نفترض ياسيدى انك اتجوزت
الف مبروك
ولا قدر الله مراتك مبتخلفش!!
ياترى هتتجوز عليها ولا هترضى بنصيبك؟!
ياترى فى نظر الشباب ما هو المبرر الذى يدفع الزوج الى الزواج على زوجته؟!
مستنيه ارائكم

[أبوبسملة ياسر خليفة الطحاوى]

موضوع جميل وممتاز
يستحق الشكر
وبالفعل سوف أرد عليه

[هاوى إبداع]

للللاسف مش هقدر اجاوب

بس حضرتك اثرت سؤال لابد منه ولابد من كل شخص ان يضعه ف الاعتبار

[Gamal Elnaggar]

"وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا"

[وردة امل]

ايه الموضوع اللى كله جواز ده مفيش فترة خطوبة عشان يدرسوا بعض الاول

[Observer]

ايه علاقة الموضوع بقسم النقاش الهادف وبالمنتدى اصلا؟!!!!!

[العقبى1010]

الزواج الثانى أمر أقرته الشريعة الإسلامية ومن يعارض ذلك ينكر ما هو معلوم من الدين بالضرورة
ويعرض نفسه للوقوع فى الكفر
وللأسف هذه الأفكار المسمومة من صناعة الإعلام المصرى الفاسد
فمثلا إذا تزوج الرجل زوجة أخرى فالزوجة الأولى تعتبر ذلك إهانة
أما إن زنا مثلا فعليها أن تسامحة وكلنا بنغلط
حرب واضحة على الدين من هؤلاء الفاسقين
أرجو أن تلاحظ ذلك كل الزوجات المسلمات ، وأن حقها على زوجها هو العدل ، وليس من حقها أن تُحَرم ما أحله الله

[T!to]

السبب اللى يخلى الزوج يتزج بثانية وتالتة ورابعة
ممكن يكون اسباب الحمل
وده بتبقى بين الزوجين يعنى
عاوز يتزوج تانى او لا
ولو الزوج شايف ان زوجته كويسة يعنى معاه بس نصيبها انها مابتخلفش
وحاسس انه لو تزوج هياثر عليها
فلافضل ان مايزعلهاش طالما كويسة وبنت ناس زى مابيقولوا
ولو تزوج ماتقدرش تمنعه
لانه حقه
وفيه ناس بتخلف وكله تمام
بس زوجته مطهقاه
بيحاول يدور على واحدة تانية تفهمه
اعتقد ان دول اقرب الاسباب يعنى
شكرا على الموضوع

[BaNZeR]

اي موقف بيحصل للواحد
رد الفعل فيه بيعتمد على الظروف المحيطة وقتها


فمثلاً ... كرجل متزوج

ان لم تستطع زوجتي الحمل ، فقد تطلب هي مني ان اتزوج بأخرى
وانا من يرفض لمشكلة معينة
سواء مادية او معنوية او كدا

وقد اوافق انا وهي من ترفض
لإنها ستشعر ان هذا سوف ينقص من حقها

ثم إن كان رقم الزوجة اهانة لها
فقد اهان الرسول معظم زوجاته !

[مروه]

المشاركة الأصلية كتبت بواسطة مرموور

تقبلى تكونى زوجه تانيه؟!!

Never

مهما تكن الأسباب إستحالة أرضى إنى أكون زوجة تانية

[Heartbeat]

حسب شرع الله
للزوج الحق فى الزواج من اتنين وتلاته واربعة

واكيد من الاسباب الرئيسية اللى تخلى البنت تقبل بان تكون زوجة تانية هو تأخر سن الزواج
واحساسهاا بانها غير مرغوب فيهاا
اما حديثك عن ان زواج الرجل باخرى مشروط بوجود عيب ما بزوجته انها لاتنجب مثلاا
فهذا ماكنت اظنه ايضا
لكن ماعرفته مؤخرا انه ليس بالضرورة وجود عيب بالزوجة كى يتزوج زوجها باخرى..!!


أشكرك

[englishmaster1]

هذا شرع الله و من لا تعجبها فتقول هذا لربها ..!!!!

[BaNZeR]

المشاركة الأصلية كتبت بواسطة mohamad fawzy

ايه علاقة الموضوع بقسم النقاش الهادف وبالمنتدى اصلا؟!!!!!

ياريت حضرتك لو شايف في مخالفة في الموضوع تبلغ عنها
اما علاقة الموضوع بالقسم ده يحدده مشرفي القسم

[مرموور]

1. المشاركة الأصلية كتبت بواسطة mohamad fawzy

   ايه علاقة الموضوع بقسم النقاش الهادف وبالمنتدى اصلا؟!!!!!

والله انا داخله مخصوص عشان ارد على حضرتك
ماله المنتدى؟!
هو حضرتك جديد فى المنتدى عمر حضرتك ما شوفت مواضيع
مثل هذه المواضيع؟!
ام ان موضوعى وبصريح العباره لم يعجب سيادتكم؟!
وبصراحه انا شايفه ان موضوعى نقاش ىمن الدرجه الاولى
وان هذا القسم هو القسم المناسب لموضوعى
وشكرا للمرور..

[مرموور]

المشاركة الأصلية كتبت بواسطة banzer

ياريت حضرتك لو شايف في مخالفة في الموضوع تبلغ عنها
اما علاقة الموضوع بالقسم ده يحدده مشرفي القسم

متشكره جدا لحضرتك
ولى عوده بإذن الله
عشان ارد على كل الاعضاء