ارجو التثبيت الوظيفة على الكادر والاقدمية لكل المعنين بعد الثورة

مصطفي ابوطلب · #1 19-09-2011, 05:38 PM

الحمد لله تم تعيينى فى 1/3/2011ولكن صحيفة الاحوال كانت معلم مساعد وبدون درجة ذهبت الى قسم الاحصاء بالادارة قالى روح شئون العاملين وهاتلى البيانات الجديدة بتاعتك وانا اغيرلك صحيفة احوالك وفعلا ده حصل وكتبلى الدرجة التالتة تخصصية ومعلم وكل حاجة ولكن تاريخ التعيين 1/3/2011 مع ان احنا على رأس العمل و3 سنوات بالعقد معلم مساعد من 1/4/2008فين الاقدمية ؟دى اول مصيبة !المصيبة التانية فى اخر صحيفة الاحوال مكتوب الوظيفة على الكادر الخاص للمعلمين( فاضية من غير حاجة) ولما قلت لموظف الاحصاء قالى دى من الاكاديمية هى لازم تبعتلنا الامر التنفيذى بتاع الوظيفة على الكادر وتاريخها واحنا نكتبهالكم.ده كل الموضوع الاكاديمية مش باعتة والادارة مش حاسبة الاقدمية وكله مطنش والموظفين الاداريين مش هاين عليهم اى حاجة كويسة للمعلم لازم يكرهوه فى عيشته ارجوكم يا جماعة ساعدونى كلنا لازم نقف مع بعض فى الموضوع ده انا مش لوحدى كل المعينين بعد الثورة اتحدى اى واحد لو الوظيفة على الكادر مكتوبة فى صحيفة الاحوال وده من اختصاص الاكاديمية اولا ثم الادارات شكرا واسف على الاطالة لكن الموضوع خطير للغاية

لوجين20 · #2 19-09-2011, 05:43 PM

انا رحت بنفسي غيرت صحيفة الاحوال بتاعتى
بس اخدت صورة فاكس الاكاديمية اللى فيه نتيجة نجاحى
وبقيت عالتالته
تعيين1-7-2011

مصطفي ابوطلب · #3 19-09-2011, 05:46 PM

انا محافظة قنا ادارة ابو تشت التعليمية طبعا ده بينطبق على كل المعينين بالقرارات المختلفة على مستوى الادارة ارجوكم شاركونى ولو فيه واحد مكتوباله الوظيفة على الكادر فى صحيفة الاحوال يقول محافظة ايه وشكرا

مصطفي ابوطلب · #4 19-09-2011, 05:50 PM

ماشى يالو جين بس احنا دخلنا امتحان الكادر 20/11/2009 معقول النتيجة تظهر بعد سنتين اذاى المفروض لينا حق صرف الكادر من سنتين بأثر رجعى فهمتى اللغز وبعدين ليه الاكاديمية مبعتتش الامر التنفيذى للادارات لحد دلوقتى اكيد لانهم محتارين علشان الفلوس بأثر رجعى

مصطفي ابوطلب · #5 19-09-2011, 05:54 PM

ارجو من كل واحد معين حديثا يدخل حالا على صحيفة احواله ويبص فى اخرها من تحت مكتوب الوظيفة على الكادر الخاص للمعلمين هيلاقيها فاضية واللى يلاقى فيها وظيفة وتاريخ يقول

سعيد علوم · #6 19-09-2011, 08:19 PM

نفس الكلام عندي

و اكتشفت في الصحيفة اخطاء بالجملة

لوجين20 · #7 19-09-2011, 08:59 PM

اقتباس:

المشاركة الأصلية كتبت بواسطة مصطفي ابوطلب

ماشى يالو جين بس احنا دخلنا امتحان الكادر 20/11/2009 معقول النتيجة تظهر بعد سنتين اذاى المفروض لينا حق صرف الكادر من سنتين بأثر رجعى فهمتى اللغز وبعدين ليه الاكاديمية مبعتتش الامر التنفيذى للادارات لحد دلوقتى اكيد لانهم محتارين علشان الفلوس بأثر رجعى

مش عارفه والله ايه سبب التاخير فى ظهورها على ايامكم
على فكرة
مش مكتوب وظيفه عندى
ولا ضافو الدبلومة التربوى بتاعتى
شكلى هاعمل زيارة تانى هناك

فيلوفيلو · #8 19-09-2011, 09:03 PM

احنا فى ادارة ادفو محافظة اسوان اصلا مش راضين يغيرو لنا الوظيفة لمعلم مع اننا تعين بقرار 53 ولسة فى صفحتنا ع النت معلم مساعد شوفتو المصيبة وللاسف ماحدش فاهم ولاراضين يفهمو اننا اتثبتنا شوية موظفين كل ماروح للادارة الاقيهم بيفطرو او غير موجودين بمكاتبهم وادور عليهم يمين وشمال حاجة تفلق

خير زاد · #9 20-09-2011, 03:58 PM

ياريت نتواصل مع بعض عشان نشوف المشكلة دى لانهها مهمة جدا بس لما نشوف الاضراب الاول ايه نظامه

biba200577 · #10 20-09-2011, 06:58 PM

عمرنا مهنتغير ياجماعة لسه زى مااحنا مش بنتقدم مفيش موظف عاوز يشتغل ويراعى ربنا ويخلص للناس مصالحها لسه (فوت علينا بكرة ياسيد) أأأأأأأأأأأأأأأأأأأأأأأأأه من الروتين اللى موقف المراكب السايرة فعلا "ان الله لايغير مابقوم حتى يغيروا مابأنفسهم" صدق الله العظيم يارب اهدينا واصلح حال البلد من جذورها مش من أوراقها .أنا ع فكرة متعاقدة بلأجر وكل ماأشوف كلامكم والله بزعل وبحس إن المشوار لسه طويل ع التعيين لك مفيش شىء مستحيل والله المستعان...