خايف من الاضراب

[shimyclas]

فى مدرستنا النهاردة الاثنين
قمنا بعمل كشف ومضينا عليه وتم تبليغ الادارة من قبل مدير المدسة
وصرف هو التلاميذ بعد الحصة الثانية وأضربنا عن العمل
بس يا جماعة انا شغال بالعقد العادى ابو 105
خايف انا وزاميلى نروح فى الرجلين بعد ما مضينا واضربنا نعمل ايه
المتثبتين مفيش عليهم خوف
حد يوضحلنا نعمل ايه بكرة
جزاكم الله خيراً

[heronet2500]

خليك على موقفك يا اخي كل هذا الاضراب لكي تعيش حياة كريمة

[marwasamy]

ممكن يلغوا التعاقدات بمنتهى السهولة او يعطوا انذار اولا لان فى دمياط بعض المدارس لا تتجاوز 40 مدرس او اقل هيتم خصم 3 ايام من مرتبهم

[ayman3body]

ممكن يلغوا التعاقدات بمنتهى السهولة او يعطوا انذار اولا لان فى دمياط بعض المدارس لا تتجاوز 40 مدرس او اقل هيتم خصم 3 ايام من مرتبهم

عشان موقفك السلبي ضد رجوع كرامة المعلمين
بتخوفي الراجل
يا شيخه حرام عليكي الأرزاق ع الله
ما أنا تعيين ( مش عارف بجد ولا لأ ) 3 / 2011
ومع ذلك هضرب ولو لوحدي

[نور البدور]

إذا كنت ذا رأي فكن ذا عزيمة فإن فساد الرأي أن تترددا وعلى فكرة أنا عقد عادي زي حضرتك ومضيت أنا وزملائي على الإضراب وبعدين لو جينا نحسبها بالورقة والقلم أنا في بورسعيد لو فسخوا العقد وده احتمال بعيد هيروح مني كام 160 جنيه هشتغل في الاستثمار أو أي مصلحة حرة وهقبض التلات أضعاف فيإما أشتغل شغلانة حكومية تحفظ ليه كرامتي وإنسانيتي يا إما بلاها

[يثرب28]

اؤيد رأي الاستاذة نور البدور كن علي موقفك فليس لديك ماتخسره

[فيلوفيلو]

لاتخف يا استاذ احنا كلنا مضينا فى مدارسنا ومش من حق اى حد فسخ التعاقد الا باسباب جامدة ودى حاجة جماعية بعدين دى اكتر من 85%من مدارس الجمهورية مضربين مش هايعملو اى شىء كل دة تهديد ليس اكثر

[SAMY8]

اطالب القائمين على المنتدى بحذف مشاركات مروة سامى لانها ليست محبطة فقط ولكن كاذبه ايضا فهى تحب ان تثبت صحة وجهة نظرها ولو كذبا يا اخى لا يستطيع احد ان يمسك والا يمشى كل معلمين مصر ربنا ينقذنا من الكدابين اللى مش فاهمين حاجة ملحوظه اعتقد ان رغبة 90% من اعضاء المنتدى ابعادها وانا افتح الموضوع للنقاش مع العلم انها لا نعلق الا على الاخبار المحبطة وتتجاهل اى خبر ايجابى انا اقترح لها اسما مروة "احباط"