مع الاعتذار للمعلمين الشرفاء الشجعان الواقع مؤلم

مصطفي ابوطلب · #1 15-09-2011, 05:08 PM

الاضراب لن ينجح لانه لن يكون هناك اضراب اصلا كله كلام لان المعلمين جبناء وخوافين هم جبلوا على ذلك تعودوا على الخوف من الجزاءات مع ان اخرها 3 ايام خصم والدليل على صدق كلامى المعلمين مطلعلهمش حس غير اخر فئه فى المجتمع بعد ما الحكومة خلصت كل فلوسها على الاطباء والبترول والمهندسين والبريد وكله وبعد الميزانية مااتوزعت يوم السبت كل واحد هتلاقيه فى مدرسته واتحدى اى واحد وايوه انا عندى احباط ويأس علشان اللى بيشتغل فى التربية والتعليم تجيله العقد النفسية اللى فى الدنيا كلها سؤال صغير فى حد ياخد الكادر على اساسى المرتب بتاع السنة اللى فاتت شوفتوا الحكومة بتستهزأ بينا اذاى بص على صورة المعلم فى اعلامنا القذر صوروه على انه جعان وشحات ومفجوع وجشع دروس خصوصية وفتان وبتاع نميمة ولبسه متبهدل وعبيط هاتى اى مشد من الافلام والمسلسلات وبص على نفسك حسبى الله ونعم الوكيل فى كل من ظلمنا .اسف على الاطالة

مصطفي ابوطلب · #2 15-09-2011, 05:13 PM

اعلى راتب واعلى مكانة فى جميع دول االعالم للمعلمين الا ام الدنيا علشان كده احنا بنتخلف ونتخلف ونعود الى الوراء حتى نذهب 7000 الاف سنة الى الخلف علشان احنا معتمدين على هذا الرصيد الحضارى الذى اوشك على النفاذ

فيلوفيلو · #3 15-09-2011, 05:59 PM

احنا كنا اقنعنا مديرنا على غلق المدرسة وتبلغ الاضراب بتاعنا وكان موافق لكن النهاردة غير كلامه وقال اننا لازم نتواجد كلنا يوم السبت للاستعداد للعام الدراسى وان الدراسة هاتبدأ فى معادها ومفيش اعتصام على رغم انه كان مؤيدنا لكن دة حال المعلم مفيش حاجة اسمها ترابط لان نقابتنا ضعيفة ووزيرنا فاشل قلل شأن المعلم الى ان دمره انا مش عارفة اعمل ايه كدة بقينا متفرقين لازم نتوحد والمظاهرة تبقى السبت عشان يعرف الوزير اننا مابنهزرش