نفسنا فى ابسط الاشياء - - -

[رجاء فكرى ابراهيم]

من اكثر من 35 سنه و انا طالبه فى الاعدادى و الثانوى - - اتذكر مدخل المدرسه الزرع على الجانبين و حديقة المدرسه مليئه بالزهور الجميله لان كان فيها جناينى - - اتذكر عم سيد و عم يونس كل منهم يرتدى ذى لونه كاكى - - و كانوا عمال فى المدرسه و كنت تلاقى المدرسه بتبرق من النظافه و كانوا فى غاية الاحترام - - تعالى بقى و اتفرج على مهاذل عدم وجود عمال و تلاقى الوكلاء بدل ما يهتموا بالعمليه التعليميه شاغلين نفسهم بالنظافه و الحمامات - -

[رجاء فكرى ابراهيم]

يا سلام على حجرات المعلمين و الدواليب الخاصه بيهم و نظافتها - - الكل يعرف مكانه الكل يلتزم بوظيفته - - المدير او الناظر له هيبته و احترامه - - المعلم له الف حساب لو ظهر فى فناء المدرسه - - كان المعلم بيه و كان دخله يكفيه - - لكن الزمن اختلف و اصبح الان كل شويه سياسه جديده للوزاره تهتم فقط بالظاهر - - و لكن لا تهتم و لا بتعليم صح و لا بالمعلم نفسه حتى فقدت المهنه العظيمه قيمتها - - نفسنا فى انسان يتقى الله فى مصر و مستقبلها

[شريف منير]

جدى رحمة الله عليه .. كان مدرس فى الخمسينيات والستينيات من القرن الماضى .. مرتبه كان 3 جنيه .. والله بنى من مرتبه منزل .. والمنزل ما زال موجود حتى الآن ..

[ام جبريل]

والله الواحد اتعقد من المهنة دى علشان يعجب الوزير المحترم اللى مش حاسس بهمومنا ولا بينا

[طه السعدني]

لقد أثرت في النفس شجون أيام ما كان في المدرسة حديقة و كل مربع في المدرسة مزروع بالورد و الحشائش الخضراء و مسابقة بين الفصول مين زرعه حيطلع و يحافظ عليه
و أيام ما كان في المدرسة حجرة تربية فنية و موسيقى و تربية رياضية صح
النهاردة مع عدم وجود العمال أصبحت المدرسة أصبح بخرابة لكن مهندمة شوية و لجان المتابعة داخلة على المدير ناقص تقوله ايه ليه ما بتمسحش المدرسة و تنظفها أنت و المدرسين لأنه في بعض المدارس الإدارة طلبت من إدارة المدرسة اللي معندهاش عمال تجمع من المعلمين أو ( ما يعرف بمجلس الأمناء ) فلوس و يتصرفوا و يجيبوا عمال المهم تدخل لجنة المتابعة تلاقي المدرسة نظيفة
فينك يا وزارة لما المدير يسيب شغله و يلف يشحت على المدرسة من أهل الخير و رجال الأعمال و أولياء أمور الطلبة
و في الآخر تحط المسئولين رأسهم في التراب لأنهم و الله عارفين كل حاجة لكن مطلوب منهم يردوا بأي رأي ينفيها .

[رجاء فكرى ابراهيم]

و الله كل كلمه من الى قالها حضراتكم صح - - و عمر التعليم ما هينصلح الا لو كل واحد فى المدرسه كرم و اتعرف قيمته من الدوله اولا - - لان للاسف ازاى الطالب يحب و يحترم حد و يقتنع بكلامه و هو ليس له قيمه عند اولى الامر - - يصيح و لا احد يحترمه او يسمعه - - و يوم ما يكلموا يحاولوا يظهروا المعلم او العاملين فى التربيه و التعليم انهم هيموتوا على الفلوس حرام عليكم