للمعيينيين

Abdelrahman Mousa · #1 13-09-2011, 07:55 AM

سؤال هل يحق للمعين فى الازهر انه يحول للتربية والتعليم كامعين وماهى الاجراءات ارجو الافادة من ذو الخبرة؟؟؟؟

حسن الامين على · #2 13-09-2011, 02:16 PM

هو انت يا عم اسلام مدمن طباشير و وجع قلب . الفروق بين الازهر والتربية والتعليم فروق بسيطة ولا تستحق

انا راى تحول فى وزارة الكهرباء لان المرتب حوالى 3الاف جنيه لمن اكمل حوالى خمس سنوات خدمة ودبلوم
او تحول البترول لان المرتبات اعلى من الكهرباء

او تحول مرفق مياه الشرب لان المرتب حوالى الف وخمسائة وبياخدو ارباح اخر السنة حوالى 4الاف حسب الاقدمية
او تنقل الحكم المحلى لانهم حاليا اصبحو اعلى من المدرسين فى الرواتب ولا طباشير ولا تحضير ولا وجع قلب ولا طابور صبح

ولو ينفع تحول هيئة البريد لانهم حاليا بياخدو حوالى ضعفى المدرس
وطبعا لن نتكلم عن البنوك لان الكل عارف كم مرتبات قطاع البنوك
وبرضه لو تقدر تروح السكة الحديد ينفع لان مرتباتهم حاليا اعلى من المدرسين كتير
وعلى فكرة لو ناوى تحول كهربا ولا بنوك ولابترول او مياه الشرب مش ضرورى موضوع المؤهل يعنى اذا لم تستطع ان تذهب بمؤهلك مش مهم سيبك من المؤهل لان الفراش بياخذ اكتر منك كمدرس حوالى مرتين او ثلاثة
والخلاصة تبعد من التربية والتعليم والصحة لان موظفى الصحة عندهم جفاف فى الدخل مثلنا -- طبعا باستثناء الاطباء

اما لو غاوى تل ووجع دماغ ويجيلك ضغط او سكر بعد الاربعين ويمكن قبل الاربعين وده على حسب الادارة عندك فى المعهد
خليك قاعد فى التربية والتعليم والازهر . على فكرة الضغط والسكر اسمها امراض المهنة لانها بتصيب فئة المدرسين خاصة اكثر من اى فئة اخرى
وشكرا لك

ادم ياسر · #3 14-09-2011, 12:45 AM

فكها حبتين

مش يمكن يصدقوا المرة دى

هههههههههههههههههه

ابواحمدومحمد · #4 14-09-2011, 01:01 AM

يمكن
بشرط البدل
يعني تعمل بدل مع حد في التربيه والتعليم يكون علي نفس الدرجه والتخصص
تجيب موافقه الموجه العام والتنسيق ووكيل الوزاره بالمنطقه
والاخر نفس الشئ
ثم ترسلوا الطلبات الي القاهره
وهي هتاخد اجرائتها
العمليه دي تستغرق حوالي 9 شهور

alaswed · #5 14-09-2011, 02:12 AM

إذا أمكنك انك تأخذ موافقة شيخ الأزهر على نقلك بدرجتك المالية - وده طبعا شبه مستحيل - كان النقل ساهل لأن التربية والتعليم حتقولك أنا ما عنديش درجات فاضية - حاجة كدة متعارف عليها ماليا - وبعدين يا سيدي آيه امتيازات التربية والتعليم عن الأزهر ما هو كله .................................. وانا اعرف ناس بالتربية والتعليم كتير نفسهم ينقلوا الازهر . رأيي خليك في مكانك وأخلص لله في مهنتك وادعي ربنا انه يغير الأزهر وتتغير معاه القيادات اللي عفى عليها الزمن ويتولى أمره خيرة الجيل اللي احنا فيه . بس والله أنا خايف لما نوصلوا للمكان ده نبقوا ألعن منهم ربنا يسترها