كارثة الدرجات بالشرقة

[naserhasan]

شوفو اللى حصل معايا اليوم بقى فى المديرية وادارة غرب قمة المهزلة
قدمت طلب باسم وكيل اول الوزارة طبعا كالعادة تاشيرة موجهة لمدير عام غرب لعمل اللازم حسب التعليمات
توجهت الى مدير عام ادارة غرب سامى عبد العزيز اشر على الطلب للتنسيق توجهت الى الاستاذ سمير بتاع تنسيق الابتدائى قال دى مش اختصاصى دى اختصاص التسويات روحت التسويات قالو احنا بنعمل تسوات درجات مالية مش وظيفية
رجعت للمدير العام قال روح الاحصاء عند محمود الصاوى اشر على الطلب قال ليس من اختصاص قسم الاحصاء تعديل المسمى الوظيفى
رجعت للمدير العام قال طيب سيب الطلب وعدى بكرة
محدش فاهم حاجة وكل واحد بيرمى على التانى
انا بقى ناوى اعمل اعتصام فى مكتب وكيل اول الوزارة يوم التلاتاء لان دا حقى ولا يضيع حق وراءه مطالب
ولو معلم قصر فى شغله بيشنقوه وبيعاملونا كاننا احقر ناس على ضهر الارض معرفش متى يكون التغيير متى نكون من تعترف الدوله بفضلنا عليها ونفنى عمرنا فى تعليم ابنائها
معزرة للاطالة بس للاسف من اللى شوفتو اليوم ورجعت عندى ياس واحباط وكرهت اليوم اللى اتمنيت اكون فيه معلم
اخوكم ناصر حسن معلم اول ادارة غرب الدرجة الاولى فى 1/7/2010
نتقابل يوم التلاثاء امام مكتب البيه وكيل اول الوزارة