|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
31-08-2011, 02:42 PM
|
|||
|
|||
للمنتقبات والملتزمات بالحجاب الشرعي ادخلوا بسرعة
 فتوكااااتي القمرات كل سنة وأنتنّ بخير تقبل الله منا ومنكنّ صالح الأعمال ده أوووووووول موضوع ليا في القسم هنا والموضوع لكل المنتقبات وكمان الملتزمات بالحجاب الشرعي نقاب - خمار - عبايات الموضوع ده لينا كلنااااااااااا  معلش بقى التصميم مكتوب عليه فتوكات الإسلامي بس اصله عاجبني قووي ولايق مع الموضوع  جمعت لكم صور للبس الشرعي اللي ينفع مع المنتقبات وكل الملتزمات بالحجاب الشرعي وأسأل الله أنه يكون سبب في إن أي فتوكة مش ملتزمة بالحجاب الشرعي تلتزم بيه بإذن الله ويفيدنا كلنا بإذن الله لأن كتير مش عارفين إيه اللبس المناسب للمنتقبات والملتزمات بالحجاب الشرعي أو اللي مش عايزة تلبس عباية ولا ملحفة ولا إسدال وعايزة حاجة تانية شرعية ومناسبة في كللللللللللل حاجة هنا متستعجلوووش يلا نبدأ وكفاية رغي  (1) الملحفة أو عباءة الرأس ودي جميلة جدا وبتكون وااااااسعة وفضفاضة ومريحة في اللبس لأنها بتبقى على الرأس وفي منها كذا شكل بس برده ليها عيوب وهى إنها ممكن تلخمك شوووية لو معاكي أطفال   اللون المووف ده في الملحفة ما انصحش بيه  بصراحة اعتقد إنه ملفت للنظر خاصة لو منتقبة    الملحفة ممكن تلبسي عليها النقاب اللي بيكون زي ده كده وتدخليه جوه الملحفة أو من زي الصورة  وممكن تلبسي عليها النقاب السعودي زي دي  اللي في الصورة ده نوع من النقاب السعودي بيكون طويل من ورا كده زي الطرحة وفي بيكون مش طويل من ورا كده وهو بيكون 3 طبقات وفي منه أشكال كتير طبعا كلنا عارفينه لأنه من أنواع النقاب المفضلة لينا كلنا   الصور من على النت 
__________________
 
|
|
#2
31-08-2011, 02:43 PM
|
|||
|
|||
|
( 2 ) كاب وعباية أو كاب وجيبه | بالتونسي درع وتنوره ده بقى عملي جدااااااا مع الكل طالبة في الجامعة أو معاكي أطفال أو أو أو حينفعك جدا لأنه مش بيلخم في الحركة وهو بيبقى زي خمار طويل تحته عباية كات أو جيبه  ^ الشكل ده مش حتلاقيه في المحلات هنا في مصر بس ممكن تفصليه عند اتيليه لأنه بينفع المنتقبات وغير المنتقبات لأن بيكون النقاب في الخمار نفسه وبترفعيه وتغطي وجههك بيه لو منتقبة وتنزليه عادي ولو مش منتقبة حينفعك برده على أساس لو لبستي النقاب ترفعيها لفوق بدل ما تشتري نقاب لأنه مش بيحتاج تلبسي نقاب توفييييييييير   ^ ده للعرض فقط بلاش اللون ده يا فتوكات خاصة مع النقاب حيبقى شكلك شبه الباذنجان  هههههههههههه  ده شكل مختلف شوية لأنه من غير كم زي الخمار بالضبط       نصيحة للفتوكات بلاش لبسك يكون لونين يعني بلاش النقاب لون وباقي اللبس لون تاني أو الخمار لون وباقي اللبس لون تاني يعني لو تلبسي أسود يبقى كله أسود مش أسود ونقاب بني مثلا لون واحد بيكون أحلى وأشيك وغير ملفت للنظر
__________________
|
|
#3
31-08-2011, 02:44 PM
|
|||
|
|||
|
(3) الجلباب والعبايات
الجلباب أوسع من العباية وأقل وسع من الملحفة والإسدال وبيتلبس عليه يا إما خمار يا إما طرحة كبيييرة وجميلة جدا في اللبس  ^ ولو لبستيها كده يبقى الأفضل تلبسي النقاب اللي بيدخل تحت الخمار أو الطرحة مش السعودي لأنه حتبقي كأنك لابسه كذا حاجة فوق بعض وحيبقى كتير قوي وحيتعبك شكلا ومع الحركة  طبعا العبايات معروفة بس بلاش طبعا العبايات العجيبة اللي بنشوفها اليومين دول  ^ دي لو كلها سادة يعني الأزرق ده يبقى أسود تبقى تمام إنما ألوان ملفتة لا
__________________
|
|
#4
31-08-2011, 02:46 PM
|
|||
|
|||
|
(4) الإسدال والإدناء
 الإسدال في منه أشكال كتييير ومنها اللي بيكون زينة في نفسه فنخلي بالنا يا فتوكاتي من الإسدالات اللي فيها زينة خصوصا اللي بتبقي فيها زينة زي ده  ^ طبعا حلو وجميل وكل حاجة وواسع وفضفاض بس زينة في نفسه البسيه بس في مكان مفيهوش اختلاط بالنسبة للنقاب مع الإسدال فلو الإسدال على الكتف زي اللي في الصور يبقى تلبسي طرحة كبيرة اللي بتبقي نفس لون الإسدال وبتكون مترين دي وبتغطي ككككككككككككله وتلبسي عليها النقاب ومش حيبقى حلوة مع الطرحة الكبيرة دي نقاب سعودي لأنه له 3 طبقات بنرجع طبقة أو اتنين منهم لورا فالبسي نوع نقاب تاني ميكونش بيرجع لورا أو تلبسي النقاب اللي بيكون طرحته فيه وده برده بيكون نقاب سعودي أو نوع تاني يعني المهم إن المنطقة فوق تكون متغطية تماما بطرحة أو بالنقاب الكبير أما الإسدالات اللي بتبقى على الراس زي الملحفة دي مع اي نقاب تبقى حلوة أما لو غير منتقبة فتلبسي الطرحة الكبييرة اللي قلنا عليها دي طيب ليه الطرحة الكبيرة ما الإسدال واااااسع ؟! آه طبعا واسع بس مع الهواء والحركة والمشى بيلزق على الجسم وبيجسم من فوق  ده اسمه الإدناء على حد علمي  
__________________
|
|
#5
31-08-2011, 02:48 PM
|
|||
|
|||
|
لو الملحفة أو الإسدال مع الهواء والحركة بطير وتلزق على الجسم ممكن تلبسي زي دول      مش عارفة بقى هما بيتباعوا فين بس هم ممكن يتفصلوا عند اتيليه خاص للمنتقبات والملتزمات واللي تعرف ممكن نلاقيهم في محلات تقول برده بس لما تلبسيهم يكونوا من نفس لون الملحفة أو الإسدال أو ممكن تلبسي جيبه تحت الملحفة تكون نفس اللون أو جينز على حسب اللي عندك بس تكون مش ضيقة عشان الغرض منها إن لما الملحفة تطير متبقاش مجسمة عليكي منقول
__________________
|
|
#6
02-09-2011, 06:09 AM
|
||||
|
||||
|
موضوع جميل جدااااا
البس اليومين دول بقى صعب جدااااا ومش عارفة البس ايه اساسا كنت بلبس اسدال بس مش عملى خالص فقررت انى هلبس عبايات ان شاء الله وربنا يستر بردو لان العبايات بقت عجيبة
__________________
Love as though you have never been hurt before ◄Ǻqцăмăяϊŋэ►
|
|
#7
04-09-2011, 11:24 PM
|
||||
|
||||
|
والخماااااار فين .. فين الخمار ها؟؟
يعني كله اسدال وعبايات ونقابات ؟؟؟؟
__________________
اللهم أدخلني مدخل صدق وأخرجني مخرج صدق واجعل لي من لدنك سلطانًا نصيرًا اللهم إني أستودعك ما علمتنيه وأسألك أن تذكرني به عند حاجتي إليه |
|
#10
07-09-2011, 05:50 PM
|
||||
|
||||
|
بارك الله فيكى
موضوعك رائع |
|
#11
11-09-2011, 05:25 PM
|
|||
|
|||
|
جزاك الله خيراً
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:52 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
