::::عندى شؤال علمى بالرغم من انى ادبي اما اشوف:::

[رومانسي بس منسي]

المعروف لدينا جميعا ان الميه بتتبخر عند درجة الغليان اللي هي 100 -104 سيليزيس .

ومعروف لدينا ان السحاب بيتكون من تبخر مياه البحار و غيرها .


طب ازاي مية البحر بتتبخر و هي موصلتش لدرجة الغليـان ؟؟؟ اللى يعرف يرد عليا

اخوكم الأدبي:

:::: رومانسي بس منسي::::

moon_light4140@yahoo.com

[basmala]

.........

[gomaa]

الماء مثل أى سائل يتبخر قبل درجة غليانه
فالماء يتبخر عند 30 و40 و50و........... وكلما زادت درجة الحراره زادت نسبة البخر حتى نصل لدرجة الغليان فتثبت درجة الحرارة حتى يتحول كل الماء لبخار
فمعنى أن الماء يغلى عند 100 درجه مئوية أنه لا يمكن أن يكون فى صوره سائله أعلى هذه الدرجه
ولكن ليس معناه أن البخر يبدأ عندها فالبخر يبدأ عند درجات حراره أقل بكثير من درجات الغليان
وشكرا"

[رومانسي بس منسي]

اولا اخى العضو الكريم جمعه انت تقريبا قربت من الاجابه لكن

عايزين اجابه علميه وواضحه شويه اوكى؟ ونا هسيب الموضوع

مفتوح لحد ما حد يحلها اوكى سلام::::

ارجو انك توضح مش اكتر.........

[Miss_CaR!zma]

اخى رومانسي بس منسي
احب اوضح ان استاذ جمعه مدرس كيمياء كبير
واظن اجابته لا تحتاج اكثر

[رومانسي بس منسي]

مع احترامى للأستاذ جمعه لكن انا قصدى انه يوضح الإجابه مش اكتر

على العموم انا آسف أستاذ جمعه

لكن اسمحلى بقي اشرح

الميه بتتبخر عند درجه حراره 100س وده صحيح ولكنه ده مش معناه

ان الميه لازم علشان تتبخر توصل لدرجه 100 س

الحقيقه ان تبخر الميه يعتمد على درجه الحراره والضغط

معا يعنى حكايه درجه حراره 100 س حاله خاصه عند ضغط جو

ى معين اللى هوه الضغط الجوى المعتاد

لكن اذا الميه تعرضت لضغط اقل ممكن تتبخر عند درجه حراره اقل من 100 س .

كلامك مظبوط ان التبخر بيعتمد على درجة حراره و ضغط بس فين الضغط اللي بياثر على مية البحر ؟؟

هل هو ضغط جوي ؟؟ اكيد لأ

هو ده السؤال ..............ايه؟؟؟

وشكرااا ليكوا على الاهتمام...

[gomaa]

يا أخى الفاضل الضغط ثابت هو الضغط الجوى محدش جاب سيرته
لو عندك وعاء ووضعته على النار قبل ما درجة الغليان تجى بتشاهد المياه بتتبخر
جميع السوائل بتتبخر قبل درجة غليانه
أفتح كتاب الصف الأول الثانوى الفصل الثالث (الكتاب القديم بتاعك وأنت فى أول ثانوى )
ص 57 تجد أن الكتاب يفسر عدم إستخدام التقطير العادى فى فصل مكونات زيت البترول لأنها سؤال
والسؤال جمبعها تتبخر قبل درجة غليانها


إذا الماء يتبخر قبل درجة غليانه

وبعدين دا أخر مشاركه لى فى هذا الموضوع
وحسيب مفتوح لأى حد عايز يشارك

[abada]

اوكى استاذ جمعه انا مش عايز حضرتك

تاخد منى موقف كده انا بس كنت عايز

اوضح الشرح مش اكتر على العموم

انا آسف لو كان كلامى ازعجك .

[رومانسي بس منسي]

اوكى استاذ جمعه انا مش عايز حضرتك

تاخد منى موقف كده انا بس كنت عايز

اوضح الشرح مش اكتر على العموم

انا آسف لو كان كلامى ازعجك .

على فكره اللى قال الكلام ده انا بس بعضويه

زميل آخر وانا اسف للمره التانيه.

[gomaa]

Originally posted by abada@Apr 22 2006, 12:35 PM
اوكى استاذ جمعه انا مش عايز حضرتك

تاخد منى موقف كده انا بس كنت عايز

اوضح الشرح مش اكتر على العموم

انا آسف لو كان كلامى ازعجك .

[snapback]99649[/snapback]

لماذا يزعجنى الكلام
فقط وجدت الحوار لا يفيد
وأحب أقولك لك أن زيادة درجة الحرارة تزيد من طاقة حركة الجزيئات فتزيد من سرعتها حتى تستطيع أن تفلت من سطح السائل ويصبح بخار
كما أن الضغط عند سطح البحار والمحيطات هو الضغط الجوى
ولن يزعجنى كلامك أبدا" فقط أن أحب أن تسأل ونستفيد وأن تتحدث بكل حريه وبكل كا تريد فقط
ولماذا يزعجنى

[استاذ احمد الكيميائى]

اخوانى :
كلامكم صحيح علميا انتم الاثنين
البخر يحدث للماء تقريبا فى جميع درجات الحرارة ولكن كميته تعتمد على الضغط ودرجة الحرارة
فمثلا اذا وضعت كمية من الماء فى اناء مغلق وتركته فترة ثم كشفت الغطاء بعد ذلك فستجد قطرات ماء على الجدار الداخلى للغطاء مما يثبت تبخر الماء
وتكون السحاب فى الطبقات العليا له علاقة كبيرة بنقص الضغط الجوى فكلما ارتفعنا الى اعلى يقل الضغط الجوى عن 76 سم / زئبق وعندما تقابل هذه السحب مناطق دافئة فانها تتحول الى ماء سائل على هيئة امطار

[hazemshehab]

الحكاية سهلة جدا الا و هى ان مية البحر مبتتبخرش و لكن ده بيكون تطاير لجزيئات الماء السطحية
اى خدمة

[محترف الأدسنس]

الاجابة:
قدرة الله.
حد عنده اعترض؟

[jolieet]

كل حاجه وليها تفسير علمى
الجزيئات دى بتتبخر عشان طاقة الحركه ليها عاليه من اقل كميه حراره بتقدر تهرب من سطح السائل وتتبخر
بدليل ان اول ما البراد يتحط على النار بيطلع منه بخار وجربوها وردو عليا