ايهما افضل مدرس تجارى ولا مدرس كمبيوتر ؟

[شريف الصعيدى 22]

السلام عليكم ورحمة الله وبركاته
انا عاوز منكم تساعدونى لانى واقع فى حيرة شديه
انا شغال حاليا معلم حاسب الى باحدى المدارس التابعة لادارة دسوق التعليمية
بمحافظة كفرالشيخ وتم تعينى فى 1/7/2011
انا معايا بكالوريوس تجارة وكمان سنه تمهيدى ماجستير محاسبة
وحاليا بعد رسالة الماجستير الخاصة بى فى كلية تجارة شبين الكوم
انا جاتلى فرصة دلوقتى انى اروح احول لمدرسة تجاريه بس مش فى بلدى
يعنى تبعد حوالى 20 كيلو بنظام الندب الكلى
وتوجيه التعليم الفنى التجارى اشترط عليا فى الاول موافقه توجيه الكمبيوتر
وقدرت اجيب الموافقه بس هاتكون على الاسبوع القادم لحين توفير بديل مكانى حاسب الى
بصراحه توجيه الحاسب ناس محترمين جدا معايا وكمان فى المدرسه
بس انا نفسى اروح مدرسة تجاريه علشان تساعدنى فى اعداد الرسالة بتاعتى
يعنى معلومه من هنا على معلومه من هنا اقدر اجمع معلومات كتيره
وبصراحه خايف الفرصه ديه متجليش تانى
انا هاروح ندب كلى تقريبا لمدة سنه
فانا بقول اروح مثلا اجرب السنادى
انا محتار جدااااااااا والله
وعاوز اعرف من حضراتكم ايه ميزة التعليم التجارى الفنى عن التعليم الابتدائى
ياااااااريت بجد اى حد يدخل يقولى رايه ايه
انا فى اشد الاحتيار
وهل فى حالة الندب الكلى هاخد مرتبى من مدرستى الاصليه عادى ولا من الجديده
لان كلمة حق مسؤل المرتبات عندنا زى العسل يمكن احنا اول ناس بتصرف مرتبات فى الادارة
ساعدونى الله يرضى عليكم باى كلمة او اقتراح
وبالتوفيق للمعلمين ان شاء الله يوم 10/9
وبالنسبة لليوم ده فاحنا الحمد الله عندنا فى البلد اربع عربيات طالعين وانا منهم باذن الله
يعنى اربع عربيات فى 14 يعنى 56 واحد من بلد بس علشان المدارس عندنا مش كتير
ودول كمان اغلب اللى جايين معانا معلمين صغار ياااااااارب معانا

[ramadan maher]

خليك فى بلدك احسن ماله الحاسب الالى انا مدرس حاسب الى

[waelfarouk]

خليك احسن لية في بلدك لو هتعرف تدي دروس روح لو مافيش اقعد وبلاش مصاريف ع الفاضي

[sadq]

خليك فى بلدك ووفر وقتك وجهدك لبحثك ودراستك ، التعليم التجارى ملاته كثيرة ولا تقارن بالتعليم الابتدائى خاصة وأنت تقول إن الموجهين يعاملون معاملة جيدة هذا قد تفتقده فى المكان الآخر ، حقيقة لا أجد مبررا لاختيارك التعليم التجارى وأيضا على سبيل الندب يعنى لا توجد ميزة.. لا تفكر كثيرا صل ركعتين استخارة وتوكل على الله ولا خاب من استخار .

[محمد حلمي الدالي]

اللهم ادم علي مصر الامن والايمان والسلامة والاسلام .... عاوز نصيحتي... اترك التربية والتعليم خالص وشوف وظيفة في بنك او المحكمة او الضرائب العامة او المبيعات او التليفونات او البترول .... يا راجل ياطيب حد يبقي معاه الشهادات الحلوة دي كلها ويدور علي العمل في الوزارة الهباب اللي اسمها التربية والتعليم اخرج من الهم اللي احنا فيه وشوف الوظائف الحقيقية... وظائف كلها احترام ومكانة ادبية قبل المادية وتتعامل مع اناس يقدرونك ولا يستهينون بك ...اسمع كلام واحد يعمل مدرس من 20 سنة وسوف تجد الطريق امامك مفتوح لطموحك وامالك اما المدرس فهو محلك سر والله المستعان .

[عادل الريس]

اتعب شوية واتحمل وكمل الماجستير
محدش عارف بكره فيه ايه
تسلح بسلاح العلم للغد
نصيحة مني واعتبرني زي والدك
بنتي كانت في نفس ظروفك وحاليا قربت تناقش الرسالة
ربنا معاك ويوفقك
توكل علي الله

[شريف الصعيدى 22]

الف شكر للجميع والله انا استفادت من كلامك كتير
وربنا يقدم اللى فيه الخير
الف شكر لحضراتكم استاذ رمضان استاذ وائل استاذ صادق استاذ حسين استاذ عادل
ربنا يوفقكم جميعا