|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
13-03-2008, 11:43 AM
|
||||
|
||||
الطالب Vs البطاله
بسم الله الرحمن الرحيم
دي احد المرات النادرة الي بكتب فيها موضوع في الركن العام ولكن لا اكتمكم حديثا ولا خليني اكتم شوية احتفظ بحاجة لنفسي  موضوعي عن الطالب والبطاله :- كلنا معظمنا دلوقتي في ثانوية وجامعة وقليل هما الي اتخرجو ... فيه كلمة قالها كريم في موضوع اغنى زبال بجد مقولكوش حزت في نفسي اوي او نقدر نقول استفزتني جامد؟؟ " يعني لما يبقى الدكتور ملوش لازمة والزبال يكسب مليون جنيه " كان بيتكلم على لسان الي كانو بيتريقو مش كلامو هو ... انا في الموضوع بتاعو رديت عليهم واحب بجد تروحو تشوفو الرد ... بس قلت هعمل موضوع نحاول ناخدو بنظرة شاملة هو الطالب والبطالة ؟؟!! هبدأ الاول بسؤالين وانا هجاوبهم وعاوزكو انتو كمان تجاوبوني ونتناقش كلنا ... بسم الله الرحمن الرحيم 1- هل المسؤول عن البطالة الشخص نفسه ولا عدم وجود فرص عمل .... والاجابة مع التعليل 2- هل لازم الي واخد شهادة كبيرة لازم يشتغل يها ولا ممكن يشتغل في حاجة تانية ... مع التعليل وانا هبدأ بالجواب من رايي الشخصي :- 1- المسؤول عن البطالة بشكل اساسي هو الطالب وبعدين اخر حاجة عدم وجود فرص العمل التعليل :- الطالب ده لو اجتهد واجتهد وجاب تقدير عالي هيشتغل غصب عن الجميع سواء شغل حكومي او قطاع خاص او غيره ... يا جماعة احنا الي مش بندور احنا اذا مجتلناش الحاجة جاهزة نقول بطالة احنا مش عاوزين نكلف خاطرنا ونقوم ندور .... عندنا في طب اسكندرية بياخدو اول 200 على الدفعة معيدين ونواب والناس كلها زعلانة ازاي 200 بس والباقي فين يبقى عاطل ومش عارف ايه طب ليه انت يالي قاعد تصوت كده ليه مت كونش من ال200 ليه الكلية كلها ميكونوش من ال 200 وعلى الرغم من كده طلع العميد وقال انه في مشروع بناء مستشفيات جامعية جديدة في الاسكندرية مما سوف يؤدي انه هيعين نص الدفعة معيدييييين طب عاوزين ايه بعد كده هيجي بقة الي طلع من النص التاني يقول شايفين انا دكتور ومش بشتغل وبروح ن****يات من اول اليل لاخر النهار بخمسة جنيه وبس ( اسمحلي اقولك احسن علشان الي بياكل على درسو بينف نفسو ) ومعلش انا ضربت على كلية الطب علشان ده الي شايفو بس امشو بالكلام على باقي الكليات ... 2- طبعا ممكن يشتغل في حاجة تانية ده اساسي انت ملقتش نفسك في شغلانة بالشهادة بتاعتك ايه تقعد على قهوة وتقول يا جماعة عاطل عن العمل !!!! لا اشتغل في حاجة تانية وفي نفس الوقت دور على حاجة تشتغلها بالشهادة بتاعتك ومتقولش مفيش هتلاقي الا لو كنت من النوعية الي فوق فيبقى احسن متشتغلش علشان شغلك هيبوظ الدنيا وخليك في الشغل الي من غير شهادات هتقولي يعني انا داخل جامعة وقاعد 4 او 5 سنين فيها ( الي قاعد اكتر من كده دي مشكلتو ) علشان تقولي مشتغلش بالشهادة اقولك حضرتك تقدر في شغلانتك الجديدة تستفيد من كليتك ومفيش معلومة انت درستها مش هتفيدك عاجل أم اجل واكبر مثال شرف استفاد من كلية العلوم في الزبالة ( مين يتوقع علاقة الزبالة بكلية العلوم علشان محدش يجي يقولي انا كليتي كذا لو اشتغلت بكذا ايه العلاقة بين دي ودي ) ده غير كمان ان احد الاسباب الرئيسية للبطالة هو امتناع الشباب عن العمل خارج نطاق شهاداتهم كل واحد يقولك انا مش عارف ايه ازاي اشتغل كده ... هضربلكو ميثال واحد كان من النوعية الي في السؤال الاول متخرج بردو من كلية طب او صيدلة مش فاكر ربنا هداه مشتغلش بالصيدلة او الطب لا فتح محل ادوات صحية واشتغل وبقة المحل بتاع اكبر محل في المنطقة والناس بتجيلي من نضافة المحل وشكلو ... وكان دكتور متخرج من كلية الطب او الصيدلة علشان محدش يقول حاجة ... طب سؤال يعني احنا ليه لما بنسافر بره في اوروبا وامريكا وكده ليه بنشتغل جرسونات في مطاعم وبنغسل صحون ولا هما الاشغال دي عندهم هيا الشهادات بتاعتنا ؟؟!! في الاخر ياريت كلكم تشاركوني ولو كلامي غلط نتناقش وكل واحد يقول رايو ممكن كلامي يطلع غلط استفيد منكو وممكن كلامي يطلع صح تستفيدو مني مغترب آخر تعديل بواسطة مغترب وبس ، 13-03-2008 الساعة 02:51 PM |
|
#2
13-03-2008, 11:54 AM
|
||||
|
||||
|
[CENTER][SIZE="4"][COLOR="Black"]كلامك صح ومش عارف اقولك ايه بعد الكلام الجميل اللي انا قرأته ده
هو صحيح العيب ديما بيكون علينا بس برده يا اخي الدوله عليها عبء الكوسه والوسايط وده بيعمل احباط عند بعض الناس بيكون والله الاول ويلاقي ابن الدكتور فلان اتعين وهو لاء خلي بالك من النقطه دي ونقطه تانيه المفروض ان الكل يطبقها ( مثال شرف ) بتاع كلية العلوم اللي بقي زبال بس احسن من كتيييييير دلوقتي يا جماعه الشغل مش عيب اي كان نوعه مادام حلال وعلي رأيك ايه فرق بين هنا وبره هون بره حلو وهنا كخه لما اسافر واتغرب اغسل اطباق وهنا لازم اشتغل واقعد علي مكتب انا راجل خريج كلية كذا دي من كليات القمه
طبعا بعد كلامك يا مغترب مفيش كلام عندي وجزاك الله كل الخير موضوعك ممتاز ربنا يبارك فيك
__________________
كما تدين تدااان
وعجبي  |
|
#3
13-03-2008, 12:02 PM
|
||||
|
||||
|
معاك ان الدولة عليها عبء في ازالة الكوسة والوسايط
وانا شفت بعيني حكاية انهم اخدو التاني عينوه في القسم الي الاول بيحبو علشان التاني عندو واسطة ده كلام صحيح مية في المية بس ده علشان حكومي لقيت وسايط انت لو بشهادتك وتقديرك انك طالع الاول وريتها لاي قطاع خاص واغلب القطاع الخاص مفيهوش وسايط علشان الراجل عاوز احسن ناس تكون عندو علشان شركتو او المستشفى بتاعتو تبقى احسن حاجة وفيها احسن ناس هيقبلك على طول والناس كلها هتتهافت عليك والكلام ده حصل مع واحد في كلية صيدلة عندنا طلع الاول ودخلو التاني في القسم الي هو عاوزو ساب الكلية ورفض التعيين ( مع اني كنت ضدو كان يشتغل فيه ) وراح قدم ورقو في الجامعة الالمانية الجامعة قبلتو على طول بمرتب ضفع المرتب بتاع الكلية مرتين ( انا كنت ضدو على اساس انو كان يشتغل في الوظيفتين بس قالي مينفعش معرفش ليه ) فالي عاوز اقولو البقاء للاصلح حتى لو فيه وسايط لو انك فعلا كويس الناس كلها هتتهافت عليك جزانا واياكم يا كريم ويبارك فيك انت كمان
|
|
#4
16-03-2008, 12:39 AM
|
|||
|
|||
|
1- هل المسؤول عن البطالة الشخص نفسه ولا عدم وجود فرص عمل .... والاجابة مع التعليل
عدم وجود فرصة عمل لاك لما تكون بكلوريوس او ليسانس وتتساوى بواحد امى او معاه الابتدائية ويمكن كمان يكون ريس عليك فى شغلك ساعتها ممكن تكره نفسك واهلك وبلدك والعيشة واللى عايشنها 2- هل لازم الي واخد شهادة كبيرة لازم يشتغل يها ولا ممكن يشتغل في حاجة تانية ... مع التعليل وهو انتا اساسا اخدت الشهادة ليه مش علشان انتا دخلت حاجة بتحبها وحاسس انك هتساعد وتفيد بيها انما لما تكون بكلوريوس هندسة وتشتغل ميكانيكى او دكتور وتشتغل فى عيادة ممرض يبئا ايه ساعاتها شعورك مفيش تكافا فرص الدولة هى السبب فى المقام الاول والاخير |
|
#5
16-03-2008, 01:15 AM
|
||||
|
||||
|
اقتباس:
دا كان ردى على موضوع مماثل له تقريباً
__________________
 Always remember two things Don’t' take any decision when you are Angry Don’t' make any promises when you are Happy |
|
#6
16-03-2008, 01:09 PM
|
||||
|
||||
|
طيب انا هرد عليك يا اسلام انت ومحمد في الاول هعمل حصر لنقاط التضاد بيني وبينكو
اولا نقاط اسلام :- 1- انك متكونش في مكانك الي انت شايف نفسك فيه في حين انك شايف ناس متستحقش واخدة المكان الي المفروض انت فيه .. 2- الفكرة الي انا ذكرتها في الموضوع وهيا انا بعد ما طلعت عيني في الدراسة واخدت الشهادة مش تغلش بيها .. ثانيا نقاط محمد :- 1- نفس نقطة اسلام وهيا الشهادة ... 2- الكوسة والواسطة ... اجي ارد على حضراتكم وباب المناقشة مفتوح للجميع اولا ردا على السلام على النقطة الاولى :- يا اسلام يا حبيبي انا معاك ممكن انت تكون احسن من رئيسك ورئيسك ولا بيعرف يقرا ولا يكتب وانت المتعلم الي معاه بكالريوس او ليسانس بس انت بجهدك واجتهادك ممكن توصل لمكانو بعد سنة او سنتين بس هتوصل طول ما انته شغال بذمة ... ويا اسلام مش لازم نبص عليه بص على التانيين الي تحتيك وانت احسن منهم ... طب قولي يا اسلام المغنيين دلوقتي احسن ناس بتكسب فلوس خلاص نروح نشتغل مغنيين ودول بقة فيهم المكوجي وفيه الي كان والي كان والمغنيات الواحدة تروح ...... ومرة واحدة تبقى احسن مغنية ويطلعة على التلفزيونات على انهم بقة شخصيات قومية خلاص البنات تشتغل مغنيات ولا رقاصات علشان بيكسبو فلوس اهو دول معهمش حاجة نيجي احنا نقول شوف الي معهومش شهادات معاهم فلوس قد ايه وانا الي تعبت عمري كلو بحوش قرشين بالعافية .... صدقني يا اسلام قبل ما تقول الكلمتين دول بص على الي تحتك بس على انك راضي ذمتك وضضميرك ومبادءك مش مهم اي حاجة تانية اتعب واشتغل صبح وبعد الضهر وانت الي هتكسب في الاخر متبصش على ريسك الامي الي بقى ريس كوسة بص على نفسك هتوصل لايه بجدك وعملك واجتهادك وصدقني حتى لو الكل مش عاوزك تكون حاجة وانت اجتهد ورضيت ربنا ثم ضميرك غصب عن الناس كلها هتبقى فوق الكل سواء دلوقتي او بعدين ومتستعجلي ( خلق الانسان عجولا ) ردا على النقطة التانية ودي مشتركة بين اسلم ومحمد :- ردي عليها مش شرط دلوقتي ولا كمان سنة شتتغل بشهادتك ممكن سنتين تلاتة بس متفضلش قاعد تقول انا مستني اشتغل بشهادتي وممكن الشغل الي مش تبع شهادتك انت تلاقي طريقة توصل بينو وبين شهادتك انت وشطارتك ... وبعدين يا اسلام هرجع واقول السؤال نفسو تاني ليه لما بنسافر بره بنوافق نشتغل اي حاجة وفي البلد لازم بالشهادة علشان بره بيدونا فلوس احسن ؟؟؟ بالله عليك ده سبب في ناس شايفاه سبب بس انا مش شايفو سبب مش الفلوس الي تخليك تسيب اهلك وناسك وتخليك تروح بره والناس تتريق عليك لا يا اسلام انا شفت واحد في السعودية شغال على عربية نقل كبيرة سواق خريج هندسة بتكلم معاه نفس السبب الي قلتهولك السواق في مصر بياخد كام وفي السعودية بياخد كام وقاعد بيبعت لاهلو الي بيحوشو وكده انت كده بردو مأرضتش كبرياءك واشتغلت بشهادتك بالعكس انت الناس بصالك على انك سواق وكمان بره بلدك خد كمية التهزيق والتريقة وللاسف مصريين كتير كده يا اسلام يا اسلام بيتريقو على المصريين بانهم خداميييييين عندهم ليه علشان سبنا بلدنا وروحنا شتغل عندهم سواقين وحلاقين وطباخين وخدامين والله لقيت خدامات مصريات هناك ده يرضي مييييين كل ده علشان الفلوس لا يا اسلام مش متفق معاك خااااااااااالص معلش يا اسلام انفعلت بس بجد انا شوفت مهازل هناك بالسبب ده اعذروني كلكم .. اخر نقطة هرد بيها على نقطة محمد الي هيا الكوسة :- يا محمد هاتلي بلد مفيهاش كوسة هاتلي بلد مفيهاش واسطة .... وبعدين زي ما قلت لاسلام متبصش ليهم بص انت بجدك واجتهادك هتوصل لايه بس كده مستني ردكم والاراء الجميع .... |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:23 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
