نفسي اصرخ بأعلى صوت

[ابو الخير حسن]

بعد 11 سنه تعيين وحصولي على الماجستير اخدت مرتبي قبل العيد 660 جنيه ونص شامل كل شئ اقسم بالله العظيم 660 جنيه فقط لا غير

660 جنيه يا حضرااااااااااااااااااااااااات
660 جنيه يا مسلمين
660 جنيه يا كفره
660 جنيه يا وزير
660 جنيه يا عصام يا شرف

يا رب انتقم منهم يا رب
يا رب زلهم يا رب
يا رب سلط عليهم من يظلمهم ولا يخافك

ليه انا اخد 660 جنيه ومعايا ماجستير وغيري واخد دبلوم بياخد 1800 جنيه و 2000 غير المكافأت ليه
لييييييييييييييييييييييه
حد يجاوبني
ليييييييييييييييييييييييييييييييييييييييييييه
انا عملت ايييييييييييييييييييييييييييييه

طاب هو بيعمل ايه وانا اعمل زيه
انا قصرت في ايه


نفسي احس اني بني ادم
نفسي احترم شغلي

[حسن لطيف]

وفر طاقة الغضب هذه...... لتفجرها السبت 10/9 في وجه من يظلموك حقك فلتقبل ولتنتصر لنفسك ولاولادك

[soleilgamila]

لازم تعرف تماماً يا دكتور ان الماجستير ده مالوش قيمة عند الجهلة اللى زى الوزير استاذ جامعى وعلى ما أظن لا يعرف معنى العلم لا هوا ولا اللى قبله

انا عن نفسى تعبت بل مت وانا لسه ما سجلتش للماجستير وطلعت روحى ولسه ما سجلتش امال سيادتك بقى شوف انت

احنا يا حضرة بنتعلم عشان العلم لكن المال مهم

ونفس السياسة الوضيعة بتاعة مبارك أجحمه الله فى الدنيا والاخرة موت العلم والعلماء عشان محدش يعيش والكل ياكل فى بعضه

الكل ياكل فى بعضه هو ده الاسلوب القديم القائم حتى الان

مش شايف ان الحكومة بتزود ناس فى المرتبات وناس لأ ليه عشان لسه الفساد قائم

الحمد لله بس من الأفضل تاخد أجازة وتشتغل فى أى مجال تانى بتخصصك أو سافر بره بيقدروا كويس عن هنا

شكراً

[محمدرخا]

بجوار المدرسة التى اعمل بها يوجد وحدة صحية المفاجاة بها عامل تعيين 2008مرتبه وصل بعد تطبيق حافز الاثابة730جنيه وللاسف انا مرتبى 400