أمنية : ياريت طلبة و خريجى الكليات الأخرى .......

[rehab rehab]

سبب كبير من اى كلام يتقال على حاسبات فيه تقليل منها ناتج من الطلبة نفسهم

يستنكروا اننا بلد شهادات و بعدها يتكلموا بنفس الفكر دا

دايما اى حد شفته فى حاسبات خصوصا فى اولها مش بيقول غير احنا هندسة او احسن من هندسة و الرد من معظم الناس بيكون لا مش هندسة و هندسة 5 سنين و دراسة مختلفة و النقابة و انتوا تبع علوم و النقاش يتحول لان اللى فى حاسبات يبتدوا يقولوا كلام مش منطقى دفاعا عن كليتهم و اللى مش حاسبات يتكلموا عليها كانها معهد سنتين


الجدال يبقى حوالين لقب بيتقال لسواق التاكسى فى مصر !!!


الواقع ان دراسة حاسبات غير دراسة هندسة حاسبات تمامااا و الهدف من الكلية اساسا باين من اسمها انها تطلع عالم حاسبات مش مهندس حاسبات
و حتى برا دول كليتين مختلفتين امواد مختلفة

و طبعا لان كلمة عالم دى مش ماشية فى مصر نتيجة التأخر اللى فيها و نتيجة لان مفيش حاجة بتتصنع فى مصر بردو نتيجة التأخر اللى فيها فمجالات شغل الكليتين دخلوا على بعض و بقى فيه شغل مشترك و الشغل المشترك دا للاسف ممكن يشتغله اللى خد كورسات و مدرسش فى كلية خالص و فعلا الشركات الصغيرة مش بتهتم بالشهادة و اللى يهمها اللى يعمل الشغل باقل مرتب

لكن الشركات المحترمة بتاخد حد فاهم فبتعمل اختبارات فى المجال اللى عايزاه و ساعات كتير بتاخد هندسة و حاسبات فى التقديم و اللى يعدى منهم
دا بيخلى كل اللى عندنا فى هندسة هدفه يشتغل فى المجالات اللى حاسبات ميعرفوش عنها حاجة لان كدا كدا احنا بنختار المجال و نمشى فيه مع نفسنا فملوش معنى نختار حاجة فيها منافسة الا اللى حابين المجالات دى اوى

و ملحوظة : المبرمج مرتبه اعلى من المهندس فى معظم الشركات المتوسطة اللى بيشتغل فيها اغلب الخريجين