|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
01-09-2011, 10:27 PM
|
||||
|
||||
۞░▒▓◄النصائح الذهبية لبتوع الثانوية العامة ۩ علشان تجيب مجموع►▓▒░۞
۞░▒▓◄النصائح الذهبية لبتوع الثانوية العامة ۩ علشان تجيب مجموع►▓▒░۞  النهاردة إن شاء الله هنقولكم على أسلوب مذاكرة لطالب الثانوية العامة (علمي - أدبي) يخليك تجيب مجموع "ممتاز" بدل ما تيجي آخر السنة تغني ظلموه  أولاً : الدروس الخصوصية *طبعاً الكل عارف إن الدروس سلاح ذو حدين .... بمعنى ..... قد توديك في داهية و في نفس الوقت مش هتجيب مجموع من غيرها  طيب و العمل  * الدروس كلها تبقى في يومين ــ نأخذ الرياضة كمثال علشان كله بياخدها ــ درس الرياضة بيبقى يومين في الأسوع و لنفترض السبت و الثلاثاء * يبقى باقي دروسك كلها يتوزعوا على السبت و الثلاثاء * و متقوليش مش هفهم حاجة و ههيس لأ هتفهم و مش هتهيس ... شيل الفكرة المتخلفة دي من دماغك * يبقى يوم السبت و الثلاثاء مش هتروح المدرسة .... و تاخد شنطتك على ظهرك و تحط فيها الملازم و الكتب الخاصة بالدروس اللي عليك في اليوم ده سواء السبت أو الثلاثاء و أكنك في المدرسة بتاخد حصص *هتتطلع من درس كذا على كذا و تراعي إن يبقى في فرق توقيت بين الإتنين علشان و أنت في الطريق تضربلك طبق كشري ولا كباية قصب و تروح بدري * مفيش حاجة إسمها مش هعرف أوفق دروسي كلها في يومين ... لأ هتعرف .... مدرسين الثانوية اللي بيدوا في سنتر شغالين 24 ساعة و لو مدرس هيجيلك البيت مثلاً أو عند صاحبك في بيته تتفقوا معاه * إوعى تبوظ مواعيدك و هنعرف ليه في الملاحظات الهامة في نهاية الموضوع. * اليومين اللي فيهم الدروس متذاكرش فيهم حاجة علشان هتبقى بتضحك على نفسك ... ما ينفعش 3 دروس مثلاً في اليوم و تروح تذاكر كمان .... عند أمه يا أدهم ثانياً : نظام المذاكرة * هتجيب فرخ جلاد من اللي كان الخطاط بيعمل عليه لوح الفصل * هتقسمه أربع أرباع * كل ربع تقسمه سبع أجزاء * بمعنى ... الشهر في أربعة أسابيع كل ربع يساوي أسبوع * و كل أسبوع فيه سبعة أيام اللي هما السبع أجزاء اللي حوا كل ربع  * طيب ... قلنا إن الدروس كلها في يومين ( السبت و الثلاثاء ) .... يبقى يوم السبت و الثلاثاء في الجدول تكتب فيهم ( دروس ) * باقي الأيام بقى ــ ناخد الأحد كمثال ــ تكتب في خانة يوم الأحد مثلاً ( واجب العربي + إمتحان إنجليزي + نصف واجب الرياضة + أي حاجة على حسب دماغك ).... و إوعى تنام قبل ما تخلص اللي عليك في اليوم * مش شرط تكتب من الساعة كذا للساعة كذا هذاكر عربي و من الساعة كذا للساعة كذا هذاكر إنجليزي ..... لأ ده نظام فاشل .... أنت عيش براحتك بس أهم حاجة قبل ما تنام تكون مخلص اللي عليك في اليوم ده. ثالثاً : الترفيه يا توتو  *طبعاً مش معقول مش هنرفه عن نفسنا .... مستحيل * إبتعد كل البعد عن ألعاب الكمبيوتر و السايبر ..... خراب ديار ياباااا * و بالنسبة لسيلك رود متقوليش بوت و مش بوت .... اللعبة في دماغك برضه و شغلاك * عاوز تستمتع بجد إنزل إلعب حاجة بدنية .... يعني كورة .. إضرب أخوك و غلس عليه .. كده يعني * لو متابع حاجة في التلفزيون زي برنامج مثلاً أو مسلسل على الـ MBC Action مفيش مانع بس متكملش بعديها و تقول إيه ده ده الفيلم الفلاني جاي النهاردة  رابعاً : ملاحظات هامة كيييك * إوعى تفرش دروسك على مدار الأسبوع علشان لو عندك درس فرنساوي مثلاً يبقى مش هتذاكر حاجة قبليه غير الفرنساوي و ده طبيعي و غير كده أنت بعد الدرس فيها ساعة وقت ضايع عقبال ما تروح أو توصل صاحبك مثلاً و هتروح البيت منهك و هتاخد وقت علشان تعرف تفوق و تبدأ تكمل مذاكرة * إحنا فرضنا إن الدروس هتبقى السبت و الثلاثاء .... يبقى أنت تيجي يوم الجمعة و الإثنين تراجع علشان لو عندك تسنيع كلمات أو إمتحان حصة * لو مدرس قالك عاوزين نغير ميعاد الدرس نخليه يوم خميس مثلاً ( و أنت الخميس عندك فاضي مفهوش دروس تانية ) قولوا لأ و إوعى توافق ... و إذا أصر متروحش و روح حصة تانية .... صدقني لو وافقته هتخسر أكتر ما هتكسب * الكت من الدروس .... إحذر إحذر إحذر إحذر إحذر ....ليه 5 إحذر؟؟ ... علشان لو كتيت حصة و قلت هعوضها بعدين هيحصل كالآتي - هتتسحب تاني و هتكت مرة و إتنين و تلاتة بعد كده .... هو الموضوع واقف على مرة و صدقوني في دي بالذات أنا إختبرتها - هتضطر تنزل في يوم مخصوص علشان تعوض الحصة اللي فاتتك فبالتالي هتبوظ يوم من الجدول علشان دلع سعادتك - هييجي واحد يقولك ده كان يوم جامد و فلان و فلان و فلان جايين معانا يابني تعالى معانا دي حصة ملهاش لزمة أهو ده بقى كده لو سمعت كلامه هتبقى ــ على رأي هاني رمزي ــ لبست خاذوق كبيييييييير و مغري هيبقى كسرلك حاجز البداية و هتكت بعدها تاني و تالت و عيش * إحذر إحذر إحذر برضه العادة السرية .... دي بقى أُس كل المصايب .... علشان دي بتعمل إحساس شديد بالملل و ده هيخليك تكت من الدروس علشان تفرفش و برضه هتروح كاتت بعديها تاني و تفتح معاك * ما تفكرش نفسك سوبرمان .... بمعنى متجيش تقول أنا النهاردة تعبان و تبوط يوم في الجدول و تقول هدوس على نفسي و أعوضه مع اليوم اللي بعده .... مش هتعرف * مش علشان مدرس قالك إن أنت ذكي و دماغك نضيفة تفتكر برضه نفسك سوبرمان .... هع هع هع كان ملايين غيرك أشطر .... برضه متفوتش يوم في الجدول ..... أو تعمل العادة السرية و تقول لأ مش هتأئر بيها و هذاكر بعدها .... لأ هتتأثر و مش هتذاكر * و لعلمكم العادة السرية دي زي الكت .... المرة الأولى هتكحورك خالص و تجرجرك لمرة تانية و تالتة * سواء كنت مسلم أو مسيحي صلي و إدعي .... الصلاة بتفصل البني آدم و تهديه نفسيأً و تعمل حاجز بينه و بين المشتتات ( العادة السرية ) و بتخش تاني على المذاكرة تلاقي نفسك مفتوحة ملخص الملاحظات الهامة 1- حافظ على مواعيد دروسك في اليومين اللي أنت ضبطهم فيهم ( مهما حصل ) 2- تراجع في اليوم اللي قبل يوم الدروس ( يعني تكتب في خانة اليوم اللي قبل يوم الدروس " مراجعة الدروس " ) علشان لما تراجع و تكون مخلص الواجب أنت هتبقى نفسك تروح الدرس و لو جه واحد قالك نزوغ أنت هترفض علشان هتبقى عاوز تسلم الواجب و المدرس يعرفك أكتر و أكتر 3- إوعى تكت أو تزوغ من الدروس حتى لو أتفه حصة في الوجود 4- إبتعد عن العادة السرية لأنها تؤدي إلى إحساس شديد بالملل 5- متفتكرش نفسك سوبرمان و عبقري زمانك و تقول لأ أنا هعرف أذاكر الحاجات بتاعة يومين في يوم واحد 6- كل أول شهر تجيب فرخ جلاد و تقسمه و ده شئ أساسي 7- لما تكون في درس إوعى ترغى مع صاحبك أو اللي جنبك .... هتفصل نفسك و دماغك و هتحس إن الحصة وقعت منك 8- إوعى تعمل عكس أي حاجة من الـ 7 قواعد اللي فاتوا. ملخص الموضوع 1- تنظيم مواعيد دروسك بحيث تكون في يومين بس مثلاً (السبت : عربي و رياضة و كيمياء و إنجليزي) .... (الثلاثاء : فرنساوي و كيمياء و رياضة ) و طبعاً بتوع أدبي هيكون عندهم مكان الكيمياء تاريخ أو زي ما هو مختار 2- فرخ الجلاد تجيبه و تقسمه و تمشي على اللي أنت كاتبه و إوعى يقع منك يوم 3- إوعى تزوغ من الدروس 4- إبتعد عن الألعاب ( الأون لاين و السايبر ) علشان بتشد أووي و مش بيتشبع منها بسهولة 5- إبتعد عن العادة السرية 6- ما تفتكرش نفسك سوبرمان 7- حاول ما تكلمش أي حد جنبك في الدرس و تفكك من العيال اللي بيقعدوا يعلقوا على كل كلمة ( إبقى أقعد قدام علشان العيال اللي بيعلقوا دول بيقعدوا ورا دايماً ) 8- خليك راجل مع نفسك و حافظ على الـ 7 قواعد دول و أضمنلك بشرفي والله والله والله لتجيب فوق الـ 98% حاجة أخيرة لو حسبتوا إن الشهر في أربع أسابيع و كل أسبوع في 7 أيام يعني الشهر فيه كده كام يوم 4x7=28 مش 30 يعني أنت لو مشيت على الجدول هتلاقي نفسك خلصت اللي مطلوب منك في الشهر و لسة فاضل يومين أو تلاتة عقبال اشهر الجديد ما يبدأ اليومين دول بقى يا معلم عيييييييييييييييييييييييييييش فيهم زي ما أنت عاوز روح دريم بارك في يوم منهم و دي نصيحة ممتازة و اليوم التاني شوف بقى أنت عاوز تعمل فيه إيه بس حاول ما تروحش فيهم سايبر أو كده أو تلعب فيهم أي لعبة من تاني علشان ما تتشدش تاني   الموضوع ده منقول من ( سيلك رود فور عرب )
__________________
|
|
#2
01-09-2011, 11:32 PM
|
|||
|
|||
ألف شكر,,,,,,,,
|
|
#3
02-09-2011, 12:17 AM
|
||||
|
||||
|
الموضوع حلو و فيه حاجات كويسة و اجمد نصيحة فى نظرى موضوع سلكرود و البوت لان انا معرفش اى حد كان بيلعب اللعبة دى باى شكل و جاب درجات كويسة
انا بالنسبة ليه انا عمرى ما عملت جدول و مش هعمل علشان انا بحس ان الجدول بيخلى الواحد strict و انا باحب اليوم يبقى فيه مرونة انا لو كنت ذاكرت بالنظام ده كان زمانى جبت 120 % يلا الحمد لله و شكرا على المساهمة
|
|
#4
02-09-2011, 12:23 AM
|
|||
|
|||
|
عندك حق مكنش حد خلب ولكن الطبع يغلب التطبع
|
|
#5
02-09-2011, 03:16 AM
|
|||
|
|||
|
موضوووووووووووووووووووووووووووع راااااااااااااااااااااااااائع و ممتع اتمنى ان استفاد منه فى السنادى و اجيب مجموع حلو باذن و احد احد
شكرا لك و جعله فى ميزان حسناتك تقبلو مرورى
|
|
#6
02-09-2011, 06:33 AM
|
||||
|
||||
|
اقتباس:
 متفولش فى وشى ياجدع دنا حتى شغال كونتر سترايك اون لاين معاهم
__________________
|
|
#7
02-09-2011, 06:38 AM
|
|||
|
|||
|
اقتباس:
|
|
#8
02-09-2011, 12:35 PM
|
||||
|
||||
|
اقتباس:
اقتباس:
اقتباس:
اقتباس:
__________________
|
|
#9
02-09-2011, 12:52 PM
|
||||
|
||||
|
اقتباس:
__________________
|
|
#10
02-09-2011, 04:18 PM
|
|||
|
|||
جزاك الله خيراً ع النصائح
بس عايزة اقول حاجة انا عندى الاحياء والفيزياء تلات ايام ف الاسبوع والباقى يومين بس ومش هينفع اخلى خمس دروس ف اليوم لان كده حرام المجهود ده ع جسمى وكمان الصلاة هتضيع  ليه؟؟ لان كل درس ساعتين يعنى اقعد 10 ساعات بره البيت  فبلاش حكاية انه لازم يومين بس للدروس صعبة اوووى اووى بصراحة انا مش باتكلم عن نفسى بس فيه ناس كتيير كده بالذات 3ث  فيه مستوى ومواد مختلفةومع ذلك باقى الموضوع ممتاز جدا  التقييم م م ت ا ز
|
|
#11
02-09-2011, 04:46 PM
|
|||
|
|||
|
اقتباس:
بل مستحيل عمل التقسيمه دى
|
|
#12
03-09-2011, 03:09 AM
|
|||
|
|||
|
السلام عليكم ..
شكراا جدا لصاحب الموضوع لكن بصراحة عندي تحفظات شديدة علييه حضرتك رابط النجاح والتفوق طول الموضوع دا بحاجتين اساسيتين وانا ضدهم هما الاتنين اول حاجة ان الدروس تبقا في يومين بس وتاني حاجة الجدول المقيد جدااا اللي مستحيل بشر يقدر يستحمله ويمشي عليه .. نيجي لأول نقطة هي الدروس في اليومين طيب عند حضرتك مثلا كل مادة ليها يوم واحد في محافظات كل مادة يومين او تلاتة في الاسبوع لو ركزناهم في يومين بس هيبقا اليومين فيهم 5 درووس تخيل مثلا في ظرف مرض او اي حاجة تانية في يوم معين هنتغيب عن 5 درووس لانها في يوم واحد ؟؟ طب مش الافضل يبقوا واحد ولا اتنين ؟؟ وكمان الاستيعاب هيبقا وحش جدااا وهيبقوا يومين ضايعين بالكامل وحضرتك اللي قلت مش هيتذاكر فيهم حاجة ابدااا ودا غلط اني اضيع يومين كاملييييين كل اسبوع منغير مذاكرة اما لو مثلا في اليوم درسين هيخلصوا في 4 ساعات وهيتبقا اليوم كله بالنسبالي فاضي للنوم والاكل والشرب والمذاكرة والراحة النفسية اكيييد .. لو مثلا تعبانة في يوم ومش قادرة اركز هيبقا ضاع عليا فهم الـ 5 دروس في الـ5 موااااد ؟؟ وهيبقا صعب مراجعة الـ5 مواد قبليها بيوم واحد مع بعض هيبقا في 5 ايام من الاسبوع فاضيين في البيت بس للمذاكرة ودا هيولد ملل شديييييد من المذاكرة بس هتبقا حاجة اجبارية مهو لازم يخلصوا الـ 5 مواد في الايام دي اما مع الدروس فأول حاجة المواد هتتنوع يوميا وهحس اني مش محبوسة في البيت في معسكر ثانوية عااامة كله مذاكرة وبس .... اما النقطة التانية فأنا شايفة موضوع الجدول الشهري دي حاجة صعبة ان الواحد يمشي عليها بل مستحييييلة لان اثناء الشهر مثلا بيحصل مليووووون ظرف يخليني اغير في الجدول يبقا مش هيبقا جدول بقا ؟؟ بفضل الجدول اليومي واحيانا الاسبوعي عشان الطالب ميحسش بكم المذاكرة الكبييير مرة واحدة ويبدأ يحس بالاحباااط .. وفي النهاية الاختلاف في وجهات النظر لا يفسد للود قضية .. لكن اتمنى ان حضرتك متربطش التفوق بهذه النقاااط التي قد تصيب وقد تخطئ حتى لا تقلل من عزيمة من لا يلتزم بها وانا اعرف ناس كان بيبقا عندهم دروس كل يوووم وهما دلوقتي دكاترة ..... والسلام عليكم
__________________
حسبي الله ونعم الوكيل ..... وكلتك يارب ...
|
|
#13
03-09-2011, 12:22 PM
|
||||
|
||||
|
اقتباس:
اقتباس:
__________________
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:17 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
