الوزير والزياده

[الامير الصعيدي]

مازال الوزير مصر ان جموع المعلمين لن تشارك في اي شي وان الذين يدعو للمظاهره هم قله مندسه
نفسي كلنا نكون قله مندسه
ونكسف الوزير الي قاعد وحاطط في بطنه 100بطيخه صيفي وننزل نطلب اقل القليل
ان مرتبي يبقا زي الفراش في اي مصلحه اخري

[hany himada]

ان غدا لناظره لقريب
وسوف ترى سيدى الوزير ماذا سوف تفعل هذة القلة على حد زعمك يوم 10/9 ان شاء الله
وسوف نتنظر بعدها تصريحاتك الوردية التى تتحفنا بها لنعرف هل كانت فعلا قلة ام انها كانت طوفان سوف يبتلع بأذن الله تعالى كل من جار علينا وسلب حقوقنا وصورنا امام الرأى العام على اننا حفنة من الطماعين والبلهاء الذين لا يقدرون حجم النعيم الذى يعيش فيه المعلم فى ظل ولايتك الميمونة .

[هيما2011]

حسبي الله ونعمة الوكيل

[رضا عبد الحميد عبد الرازق]

حسبى الله ونعم الوكيل فيه

[أبوبسملة ياسر خليفة الطحاوى]

اضغاث أحلام وما نحن بتاويل الأحلام بعالمين

[هيما2011]

أخــى المعلــم ...................... أختــى المعلمــة
اعرف حقك :لماذا ثورة معلمي مصر يوم 10/9/ 2011 ؟ ولماذا عام دراسي بلا معلمون ؟
1- لما تعرف ان انته اقل واحد فى المرتبات بحرمانك من حافز الإثابة 200% المستحق صرفه لجميع العاملين بالدولة بحجة الكادر الخاص ومكافأة الامتحانات مع أن هذا مخالف لنص المادة 89 من القانون 155 لسنة 2007 الخاص بالكادر الخاص للمعلمين . مع العلم بان مرتبات بعض المعلمين لا تتجاوز 500جنية شاملة الكادر والحوافز الخ للدرجة الثالثة وفى نفس الوقت لا نكمل نصف مرتب عامل ف...ى المصرية للاتصالات أو عامل في وزارة الكهرباء على الدرجة السادسة .
2- كان النظام السابق يتبنى إفساد التعليم وعدم الاهتمام بحقوق العاملين به وظهر هذا جلياً على مدار عقود من الزمن أما بعد الثورة زاد الأمر سوءا وصار العامل أفضل حالا من المعلم وصار المعلم يتمنى لو أصبح عامل بأي وزارة أخرى
3- لما دراجتك وترقياتك تتاجر عن ميعادها وتتذلل فى امتحانا...ت مهينة يبقى لازم تعرف
4- لما نصابك من الحصص يزيد بحجة الكادر الى مفيش منه فايدة يبق لازم تعرف
5- لما تكون بتأخد 200يوم مكافآءة وأقل واحد فى ديوان الوزارة بياخد 500 يوم يبق لازم تعرف
6- لما تكون فى المدرسة بتعمل كل حاجة (مدرس – مشرف- عامل – أمين عهدة – أمن ) يبق لازم تعرف إن داه مش شغلك .
7- لما تطلع معاش ويكون معاشك ومكافأتك اقل من اقل عامل فى مصلحة تانية يبقى لازم تعرف
8- لما متعرفش تشترى لأولادك ملابس جديدة للعيد يبقى لازم تعرف انك معلم
متفكرش فى نفسك وتقول ياعم انا بدى دروس مليش دعوة ......ياعم كبر ...
لقد فاض بنا الكيل ولابد من إيجاد حل .................... لـذا
علشان كرمتك لازم تشارك إحنا مش عاوزين غير حقوقنا عايزين أصلاح لحال المعلم وحال التعليم ....من حق أولادنا لازم نشارك لازم نرجع حقوقنا المنهوبة وكرامتنا .......لازم توصل الثورة الى وزارة التربية والتعليم وتعرف ان فى حاجة اسمها عدالة اجتماعية
السبت 10/9/2011 أمام وزارة التربية والتعليم والمديريات التعليمية بالمحافظات فى تمام العاشرة صباحا لازم تشارك ومتبقاش سلبى من حق أولادك ان تشارك
وفي بداية العام الدراسي لابد ان يكون في إضراب وبشكل جماعي نستميت فيه هو الحل الذى لا حل بعده ولا بديل سواه ....فيه ننال كرامتنا ونقضى على الذل والامتهان الذى عشناه طويلا ...به ستخضع الحكومة طواعية الى كل مطالبنا التى ستعيد لنا الحياة من جديد
نجعل شعارنا ونكتبه على المدرسة عفوا . المدرسة فى حالة إضراب لحين تنفيذ مطالب المعلمين

[Mr.Ahmed Awad]

حسبي الله ونعمة الوكيل