أشهر زبال فى مصر..خريج كلية العلوم ويكسب مليون جنيه سنويا

مغترب وبس · #1 13-03-2008, 11:10 AM

اقتباس:

المشاركة الأصلية كتبت بواسطة كركركوكو

انا معاك بس انا حاسس انهم ميقصدوش كده
بس بيقولوا يبقي انت اكيد في مصر
لما الدكتور يبقي ملوش لازمه ومش قادر يعيش
والزبال يكسب مليون جنيه في السنه
يبقي لازم نتريق علي ايه علي الزبال لاء
علي حالنا

جزاكم الله كل الخير جميعا

طب سؤال يا كريم هو كل الزبالين بيكسبو مليون في السنة ؟!!!
وكل الدكاترة ملهمش لازمة ؟!!!
يا كريم شرف ده هو الي مجتهد وشغل دماغو اشتغل زبال المهنة الي مش بتجيب فلوس وعرف ازاي يجيب فلوس منها هل معنا كده كل الزباليين بيكسبو كده زيو ده واحد بس الي حصل معاه كده والسبب ايه علشان شغل دماغو وفكر صح !!!!

ونفس الفكرة للدكاترة والمهندسين وكلهم بص يا كريم فيه كلمة حلوة اوي بتقول ايه " البقاء للاصلح "
في اسكندرية اسمع ان كلية الهندسة بتخرج 3 آلاف خريج طب سؤال كده بالله عليك هل كلهم ينفعو يبقو مهندسين !!!

انا معتقدش بس بما اني مش في هندسة هخلي الي في هندسة يجاوب
انا هجاوب على الحاجة الي شايفها الدكتور الي ملوش لازمة يا كريم عندنا في الكلية عيال بجد لو طلعو دكاترة هيبوظو الدنيا كلها وحرام يطلق عليهم دكتور مه مش كل من دخل كلية طب يتقالو دكتور مش علشان جاب مجموع عالي في الثانوية يبقى خلاص يا كريم ...

لما دكتور في الجامعة يعاكس البنات الي داخلين يمتحنو عندو شفوي ده يتقال عليه ايه ده يا كريم ده يستحق يبقى دكتور ؟!؟!!

لما دكتور كبير يقول لمريضة من محدودي الدخل اعملي اشعة مقطعية على الدماغ علشان انت عندك كذا كذا في الدماغ وهيا معندهاش حاجة ( الاشعة المقطعية على الدماغ غالية اوي ) ده تسميه دكتور ؟؟!!

لما الدكتور يشرب سجاير في الكورس مع الطلبة لا والي يحزنك يتنافس هو والطلبة على مين يعرف يطلع شكل الدخان ازاي ولا ولما يقعدو مع بعض يشيشو ده دكتور ده الي المفروض يبقى قدوة ؟؟!!!

طب سيبنا من الدكاترة نروح على الطلبة الي هما مشاريع دكاتره لما تلاقي السجاير في ايديهم نبوني ده دول دكاتره !!؟؟!!

لما تلاقي الولد ماشي كل يوم مع بنت والبنت نفس الشيء دول دكاترة ؟؟!!!

لما تلاقي البنت بتشتم و بتقول الفاظ وبتعمل حركات مش كويسة ( بلاش تفصيل ) ويارتها مع صاحبتها لا دي مع صحابها الولاد دي مش دكتورة دي دخلت غلط ؟؟!!!

لما تلاقي الهزار بين الولد والبنت اطرق لحاجات ملهاش داعي ده يبقى ايه ؟؟؟!!!

والله يا كريم فيه شوية طلبة عندنا مينفعش يكونو دكاترة لو بقو دكاتره بجد قول يا رحمن يا رحيم
هما دول الي ملهومش لازمة وفي الاخر يقعد يقولك شوفت انا دخلت كلية الطب احسن كلية ( مع انها دلوقتي لمت اوي ) واهو اتخرجت مش لاقي شغل ايوة وعمرك ما هتلاقي شغل واحسن انك متلاقيش شغل احسن ما اتنين تلاتة يضيعو على ايديك ...