تغيير المسمى الوظيفى بالسويس

[اسماء بلال (السويس)]

يا جماعة محدش عايز يغير المسمى الوظيفى فى السويس ولا اية
انت فين واية ار الاخبار

[رانيا محمود]

لو حضرتك أى مادة تقدرى تغيرى المسمى. قدمى فى شئون العاملين وإعرفى إيه الأوراق المطلوبة . ولكن عدا الإنجليزى لأن الموجهين رافضين أى تغيير لأن الوسايط مش هتلاقى مكان . قدمت الطلب ورفضوا يوقعوه وهددونا كمان حسبى الله ونعم الوكيل .

[عرفةابومنى]

ربنا يسهل فى الشرقية بنحاول وبكرة الخميس 25/8/2011
ان شاء الله هنسجل اسمائنا فى المديرية

[اسماء بلال (السويس)]

انا انجليزى ومفيش ولا مادة ليها المشكلة دى غيرنا وبعدين يعنى اية هددوكم على فكرة انا كنت نازلة الخميس لما روحتو ووملقتوش جمال الباشا وقلتو انكو نازلين التوجية معلش دى كانت خطوة غلط التوجية هيقول لا احنا لازم نتجمع عند المحافظة ولاقى حل لان حلها عند المدير العام او المحافظ

[monamode]

ربنا معانا انا بعتلك رساله اقريها يا اسماء فعلا بتوع الرياضه والعلوم والعربي العام كلهم اشتغلوا اعدادي الا احنا طبعا

[اسماء بلال (السويس)]

احنا عايزين نغير وبعد كدة حتى يعملولنا انتداب بس نضمن حقنا فى المستقبل لان ببساطة وقت ما يكون فى عجز هيطلبو ناس جدد وبكدة نكون احنا الخسرانين فاحنا عايزين نقترح اننا نكون زى اللى درسو لنا انجليزىزمان اول ما نزل فى 4 ابتدائى مدرسين اعدادى وننتدب وبعدين فى ناس بتحب شغل الابتدائى يعنى مسش هتفرق معاهم

[ناصر ريفا]

معلش يا حماعه سؤال

هو تغيير المسمي الوظيفي لمعلمين السويس فقط و لا في كل المحافظات

[اسماء بلال (السويس)]

لكل المحافظات طبعا اسال فى المديرية او الادارة اللى حضرتك تابع لها

[mouiss]

يا أستاذة / أسماء
ايه الخطوات اللى نمشى عليها عشان نغير المسمى الوظيفى
ياريت الخطوات من البداية
أبدأ من فين ؟؟ وإزاى ؟
ياريت الرد بارك الله فيكم

[عرفةابومنى]

احنا فعلا فى الشرقية الموجه العام اخد اسمائنا وجارى التوزيع حسب اماكن العجز وربنا يسهل الامور



عرفة ابو منى معلم رياضيات ادارة شرق الزقازيق التعليمية
مدرسة كفر موسى عمران

[اسماء بلال (السويس)]

اسال فى المديرية او الادارة اللى حضرتك تابع لها بصراحة انا معرفش اكتر من كدة لانهم اصلا مسبولناش فرصة حتى مجرد تفكير