الوزير ضحك على معلمى الاخوان فى اللقاء الذى تم بينهم

[ابوعبدالله2000]

خلال لقائه اليوم بمعلمى "الإخوان" و"تنسيقية مدرسى مصر"..

وزير التعليم يتعهد بإنهاء "أزمة الكشوف" بانتخابات نقابة المعلمين

السبت، 27 أغسطس 2011 - 20:24

الدكتور أحمد جمال الدين موسى وزير التربية والتعليم
كتب حاتم سالم

أكد الدكتور أحمد جمال الدين موسى، وزير التربية والتعليم، أنه سيجرى اتصالات بمديرى المديريات التعليمية فى المحافظات لإلزامهم بالإعلان عن أسماء المرشحين لانتخابات نقابة المهن التعليمية المقبلة، والتى تبدأ 14 سبتمبر القادم، وأسماء الناخبين من المعلمين وكشوف بمقار التصويت، يأتى ذلك بعدما أخطره معلمو جماعة الإخوان المسلمين بامتناع المديريات حتى الآن عن إعلان هذه الكشوف رغم قرب موعد انطلاق الجولة الأولى على مستوى الإدارات التعليمية.
وأوضح الوزير، خلال لقاءٍ جمعه بمعلمى الإخوان واللجنة التنسيقية لمدرِّسى مصر واستمر 3 ساعات مساء اليوم داخل وزارة التعليم، أنه يؤيد تحديد 1200 جنيه كحد أدنى لأجور المعلمين إلا أن الأمر، وفق قوله، يحتاج إلى برلمان يقره مما يحول دون تطبيقه قبل الانتخابات التشريعية القادمة.
وأضاف الوزير، أن المعلمين سيحصلوا على إجمالى حوافز يزيد عن 200 % شهرياً أسوة بجميع العاملين بالدولة، وذكر أن نقص التمويل هو العائق أمام تعيين كل المعلمين، مشيراً إلى تعديل منظومة اختبارات الكادر وتحويلها إلى تدريبات بالأكاديمية المهنية للمعلمين إضافةً لتقارير سنوية من المدرسة والموجِّهين.
من جهته قال عبد الناصر على، ممثل حركة "معلمون بلا نقابة" التى شاركت فى اللقاء، أن المعلمين طلبوا من الوزير إعفاءهم من مصروفات التدريب للترقية داخل أكاديمية المعلم، واستطرد "طالبنا الوزير بمزيد من التواصل الميدانى مع المدرسين والاعتماد على الجولات الميدانية خاصةً أننا لاحظنا وجود فجوة بينه وبيننا وهو ما ظهر بوضوح أثناء الحديث عن انتخابات النقابة".


http://www.youm7.com/News.asp?NewsID=482119&SecID=65&IssueID=168

[ابوعبدالله2000]

كمان طلبات الاخوان لا ترقى لأن تعبر عن طموحات جموع المعلمين واضح إنها طلبات لزوم السياسة

[marinamero]

احنا مش عاوزين اى ذكرللاخوان فى اى شئ فى هذه البلد راعوا ان فى البلد اخوان لكم من الاقباط ماتفرضوش عليهم ناس واراء لا تناسبهم احنا عاوزين نعيش فى محبة واخاء بدون تدخل الدين فى الحياة كل واحد له دينه فى بيتهومكان عبادته فقط وليس فى العمل

[صفوت حمادة]

هى المشكلة مشكلة كشوف وانتخابات نقابة وبس يا اخوان وبعدين ايه حكاية اجمالى حوافز 200% طبعا هيضيف المكافاة والكادر للحوافز والاخوان اهم حاجة عندهم الانتخابات والكشوفة .... اه دى لعبتهم اساسا ( حب المناصب )

[سيف سالم]

هكذا هم الاخوان معلمين واو سياسيين
فاحذروا

[محمود حسن حرب]

(احنا مش عاوزين اى ذكرللاخوان فى اى شئ فى هذه البلد راعوا ان فى البلد اخوان لكم من الاقباط ماتفرضوش عليهم ناس واراء لا تناسبهم احنا عاوزين نعيش فى محبة واخاء بدون تدخل الدين فى الحياة كل واحد له دينه فى بيتهومكان عبادته فقط وليس فى العمل [ إنت شكلك لا أنت فاهم الإسلام ولا عارف الإخوان وذكرتنى بقولة تعالى ( وكنا نخوض مع الخائضين) يا ريت قبل ما تصدر أحكام تعلم أولا.

[Minamira]

المشاركة الأصلية كتبت بواسطة محمود حسن حرب

(احنا مش عاوزين اى ذكرللاخوان فى اى شئ فى هذه البلد راعوا ان فى البلد اخوان لكم من الاقباط ماتفرضوش عليهم ناس واراء لا تناسبهم احنا عاوزين نعيش فى محبة واخاء بدون تدخل الدين فى الحياة كل واحد له دينه فى بيتهومكان عبادته فقط وليس فى العمل [ إنت شكلك لا أنت فاهم الإسلام ولا عارف الإخوان وذكرتنى بقولة تعالى ( وكنا نخوض مع الخائضين) يا ريت قبل ما تصدر أحكام تعلم أولا.

فهمنا انت يا فاهم

[احمد سعيد11]

المشاركة الأصلية كتبت بواسطة minamira

فهمنا انت يا فاهم

هو انت مش فاهم؟ هو كمان مش فاهم
أفهمك أنا؟
مش فاهم حاجة
لكن بكرة هنفهم كلنا لما تطلع النتيجة من الكنترول بتاع الوزارة قصدى......................
فهمت حاجة؟
أحسن

[mrhamdy89]

المشاركة الأصلية كتبت بواسطة احمد سعيد11

هو انت مش فاهم؟ هو كمان مش فاهم
أفهمك أنا؟
مش فاهم حاجة
لكن بكرة هنفهم كلنا لما تطلع النتيجة من الكنترول بتاع الوزارة قصدى......................
فهمت حاجة؟
أحسن

وانت بقه فاهم ان هذا الوزير سيحقق لنا شىء .أشك وان كنت اتمنى ذلك

[Minamira]

المشاركة الأصلية كتبت بواسطة احمد سعيد11

هو انت مش فاهم؟ هو كمان مش فاهم
أفهمك أنا؟
مش فاهم حاجة
لكن بكرة هنفهم كلنا لما تطلع النتيجة من الكنترول بتاع الوزارة قصدى......................
فهمت حاجة؟
أحسن

شربات شربات شربات شر........ اكيد انت فاهم

[mimi1234]

صفقة مشبوهه بين الوزير والاخوان اللى هو منهم
ان تفسد الاخوان اى مظاهرة للمعلمين والوزير يساعدهم فى انتخابات النقابة الى هى ما يتمناها الاخوان ولا شيئ غيرها
يا معلمين خلوا بالكم كويس الاخوان عايزين النقابات ثم المحليات ثم مجلسى الشعب والشورى ثم الرئاسة
خطة واترسمت ولن يتخلوا عنها مهما كانت التضحيات بباقى المعلمين الشرفاء اللى ملهمش فى السياسة وكل اللى يهمهم لقمة العيش

[teacher_2]

عمر النقابات ما عملت لنا اى حاجه
الوحيدة اللى سمعناها بتنادى وبتتحرك وبتطالب بحقوقنا هى النقابة المستقلة ياريت يعلنو عن مقر لها بالدقهلية واحنا ننضم لهم

[عرفةابومنى]

ايه يعنى معلمين الاخوان
احنا كلنا معلمين مصر

[احمد على2011]

يا خوفى يا بدران ( يكون الوزير واخد ضوء اخضر على عدم احتساب مكافأة الأمتحان وتكون الحسبة كالتالى معلم أول أ ( 25% حوافز +50 بدل اعتماد + 100% كادر + 25% حافز أداء) = 200% ادينا محسبناش مكافأة الأمتحانات وبرضه ملكش فيها ههههههههههه

للمعلم ( 25% حوافز +50 بدل اعتماد + 50% كادر + 75% حافز أداء) = 200%