جروب اللغة العربية (1)

[Osama Saeed]

انا يا جدعان هحاول ابسطلكم البلاغة شوية
وربنا يسهلها وتفهموا ان شاء الله

[Osama Saeed]

فهمنا يعنى بلاغة
طيب
علم البلاغة زى اى علم بينقسم الى اقسام وكلها سهلة ان شاء الله
بينقسم الى

1 - الصور الخيالية
2 - المحسنات البديعية
3 - الأسلوب [خبرى - إنشائى]
4 - التوكيد [أدوات - أساليب]
5 - دلالات الألفاظ

= = = = = == =
الصور الخيالية
تعريفها : الصور التى تعتمد على خيال الكاتب او الشاعر
يعنى الشاعر يتخيل او يكتب حاجة يكون فيها تخيل وصورة من وحى خياله

أسماء الصور الخيالية (هاااااااااام جدا)

1 - صورة [بيانية - خيالية - جمالية - فنية - أدبية - بلاغية]
2 - لون [ بيانى - خيالى - جمالى]

أنواع الصور الخيالية

1 - التشبيه
2 - الإستعارة
3 - الكناية
4 - المجاز المرسل

طبعا كل واحد هيتخض ويقولك كل ده اقسام
متتخضش كلها سهلة بس لو فهمتها
وان شاء الله فى الردود اللى بعد كده هشرحلكم الحاجات دى
يارب اكون افدتكم
يتبـــع ...

[Osama Saeed]

تذكر أن (هاااااااامة جدا) اوعى حد ينساها والله مهمة
سر الجمال = الغرض البلاغى = القيمة الفنية = الهدف = الغرض = القيمة
= = = = = = = = =
التشبيه
تعريفه : تشبه شىء بشىء فى صفة او اكثر
يعنى ايه ؟
يعنى انا عندى حاجة بشبها بحاجة تانية
للدلالة على معنى
مثل مريم كــالقمــر
انا هنا شبهت مريم بالقمر للدلالة على جمالها
طبعا التشبيه ليه أقسام وهى

1 - تام [كامل - مفصل] كلها أسامى لكن المعنى واحد
2 - مجمل أو ناقص
3 - بليغ
4 - تمثيلى
5 - ضمنى

وأركان وهى

1 - المشبه
2 - اداة التشبيه
3 - المشبه به
4 - وجه الشبه

ملحوظة : تختلف هذه الأركان فى وجودها او عدمه حسب نوع التشبيه
[كامل - مجمل - بليغ - تمثيلى - ضمنى]