ضع حلمك او رؤيتك وباذن الله ستجد تأويله هنا

[نور يوسر]

المشاركة الأصلية كتبت بواسطة aleman

بصى يايارا
عامة ده مش حلم دى رؤية
ولو قريتى كلامى فوق هتفهمى ده وتعرفيه
ورؤية خير كمان
واضح انك حاطة موضوع الموت ويوم القيامة فى دماغك كتير وبتفكرى فيه كتير جدا وده قلقك
وربنا بيطمنك ان فى رؤيتك يوم القيامة جالك وانتى كنت ببيت من بيوت الله وهو مسجده
لان المرء يبعث على اخر عمل له فى الدنيا
وانتى فى حلمك كنت بمسجد
لاتقلقى ده خير كبير ليكى

بجد يا دكتوره انا فعلا بفكر فى الموت كتييييييير اوى وحاسه انى هموت قريب اصل الاحساس ده مكنتش بحس بيه خالص قبل كده وعلى العموم طمنتينى وجزاكى الله كل خير

[زهراء السيد]

السلام عليكم
اسفة بجد علي الاطاله
انا حلمت في رمضان ده ان بنت جارتنا هو اصلا جارتنا دي ساكنة في العمارة اللي قدامنا بس في الحلم كانت فوقينا وكانت بتسالنا من البلكونة هي فين بنتها وكده وكانت قلقانة عليها وبعد كده انا واختي كنا وماما كنا واقفين علي حاجة كده بتمشينا اوتوماتيكي بس الحاجة دي كانت بتقف كل شوية واحنا نتسارع وناخد حاجات بتبقي قدامنا وماما تقولنا خدوها يالا والحقوها وبعد كده ماما هي اللي كانت في البيت وجالها بنت خالي وفي الحقيقة ماما كانت زعلانة منها شوي وفي الحلم ماما قالتلها ان انا واختي رحنا الفرح وكانت بنت خالي دي كانت جايبة معها ظروف وفيها فلوس كانت جايه تباركلنا علي نجاحنا واحنا في الفرح الفرح ده كان بتاع قريبة ماما وصاحبة بنت خالي وانا واختي كنا رايحين نسلم علي العروسة لاقيناها بلاستيك وانا قولت لاختي ان هي بلاستيك قالتلي ده عادي بس الصورة بتاعة العروسة بوجع عام كان باين ان ليها ملامح زينا وحقيقية وبعد كده انا شوفت واحدة صاحبتي وانا رايحة اعد واول مرة ماسلمتش عليها وتاني مرة سلمت عليها والبنت دي اسمها تقي وبعد كده كنا احنا رحنا علي البحر بس تحسي ان في ناس بتعمل عمرة واحنا كنا بنط علي الشاطيء وكان في سيوف جوه الموجه كانت بتيجي فينا وتوجعنا بس كان في ست قالتلنا عادي وكده وانا لاقيت حاجة زي العقد مفتوحة اترمي علي الشاطيء كانه من تحت البحر فانا اخدته وربطته في حته كمان وربطت العقد ووريته للست قعدت تعيط وتقولي انتي بتسرقيه ليه كده حرام رحت انا رامياه ااه في الفرح لاقيت بنت جارتنا بترقص

[aleman]

المشاركة الأصلية كتبت بواسطة زهراء السيد

السلام عليكم
اسفة بجد علي الاطاله
انا حلمت في رمضان ده ان بنت جارتنا هو اصلا جارتنا دي ساكنة في العمارة اللي قدامنا بس في الحلم كانت فوقينا وكانت بتسالنا من البلكونة هي فين بنتها وكده وكانت قلقانة عليها وبعد كده انا واختي كنا وماما كنا واقفين علي حاجة كده بتمشينا اوتوماتيكي بس الحاجة دي كانت بتقف كل شوية واحنا نتسارع وناخد حاجات بتبقي قدامنا وماما تقولنا خدوها يالا والحقوها وبعد كده ماما هي اللي كانت في البيت وجالها بنت خالي وفي الحقيقة ماما كانت زعلانة منها شوي وفي الحلم ماما قالتلها ان انا واختي رحنا الفرح وكانت بنت خالي دي كانت جايبة معها ظروف وفيها فلوس كانت جايه تباركلنا علي نجاحنا واحنا في الفرح الفرح ده كان بتاع قريبة ماما وصاحبة بنت خالي وانا واختي كنا رايحين نسلم علي العروسة لاقيناها بلاستيك وانا قولت لاختي ان هي بلاستيك قالتلي ده عادي بس الصورة بتاعة العروسة بوجع عام كان باين ان ليها ملامح زينا وحقيقية وبعد كده انا شوفت واحدة صاحبتي وانا رايحة اعد واول مرة ماسلمتش عليها وتاني مرة سلمت عليها والبنت دي اسمها تقي وبعد كده كنا احنا رحنا علي البحر بس تحسي ان في ناس بتعمل عمرة واحنا كنا بنط علي الشاطيء وكان في سيوف جوه الموجه كانت بتيجي فينا وتوجعنا بس كان في ست قالتلنا عادي وكده وانا لاقيت حاجة زي العقد مفتوحة اترمي علي الشاطيء كانه من تحت البحر فانا اخدته وربطته في حته كمان وربطت العقد ووريته للست قعدت تعيط وتقولي انتي بتسرقيه ليه كده حرام رحت انا رامياه ااه في الفرح لاقيت بنت جارتنا بترقص

التفسير العلمى:

فرح (فرح) هو في المنام إذا كان فيه مالاً يرضي الصدر فإنه يدل على الهم والحزن لقوله تعالى: {لا تفرح إن اللّه لا يحب الفرحين}. وربما دل على التشاغل عن الطاعة فإن كان الفرح لخبر خير كخلاص مسجون أو عافية مريض فإنها انتقالات صالحة وموجب أفراح فإن أخبر في المنام بما يوجب الفرح وهو في نفس الأمر حزن كمن قيل له في المنام أن فلاناً قدم من سفره وهو قد انتقل بالموت دل على زوال النكد بسبب مغرم إلى ربح أو ربح إلى مغرم والفرح في المنام هم فمن رأى أنه فرح فإنه يغتم.

فرح : هو في المنام إذا كان فيه ما لا يرضي الله فانه يدل على الهم والحزن



تفسيرى المتواضع والله اعلم:
ده مش حلم وانما دى اضغاث احلام
الانسان اما يشوف كذا حاجة فى بعض كده يبقى ده تفكيرك الباطن فى احداث كثيرة وقعت عقلك بسترجعها باللى شوفتيه ده
لا تقلقى خير باذن الله
واعتقد ان جارتكم دى بتقلق على بنتها فى الحقيقة جدا ومشغولة بها مع ان بنتها كويسة والحمد لله ولا داعى للقلق عليها
والله اعلم

[aleman]

المشاركة الأصلية كتبت بواسطة يارا علام

بجد يا دكتوره انا فعلا بفكر فى الموت كتييييييير اوى وحاسه انى هموت قريب اصل الاحساس ده مكنتش بحس بيه خالص قبل كده وعلى العموم طمنتينى وجزاكى الله كل خير

اطمنى كمان وكمان
احلامك ورؤياك كلها تبشر بالخير باذن الله
وجزانا واياكم
ولو عوزتى اى حاجة اختك الكبيرة موجوده