اللي سافروا قبل كدة هااام جداا

[احمدمحمدالسيدابومسلم]

طب الدروس هناك وضعهاإيه؟مجزية ولا!
وهل السكن اللي بيوفره صاحب العمل مريح؟
أناعارف اني تعبتكم معايا جعله الله في ميزان حسناتكم

[خيالك واسع]

ان كنت متزوج وعندك أولاد لاتسافر بهذا المبلغ الهزيل وان كنت أعزب ونويت تسافر فعلا شيل مرارتك قبل ما تسافر لأن الطلبة هناك فى منتهى الإستفزاز عندهم استعداد يخلوا لوح الثلج يولع فى نفسه والله أنا مجرب سنة كل اللى استفدته حج و10 عمرات لأنى كنت فى الطائف قريبة من مكة وعلى العموم ربنا يوفقك للى فيه الخير قل آمين

[ايهاب90]

ربنا يوفقك

[آسر على]

ونصيحتى لك ركز هنا احسن

[mollto]

بص ده يرجع لشخصيتك اذا كان عندك استعداد للمرمطه كل يوم من الطلبه من ناحيه ومن الوكيل من ناحيه تانيه اتوكل على الله بس سيب كرامتك ف مطار القاهره

[احمدمحمدالسيدابومسلم]

اشكركم جميعا بس انا الان محتار انا متزوج بس لسه ربنا مكرمنيش بالخلفه يعنى لوحدنا تقريبا وطبعا هروح لوحدى بس موضوع الكرامه ده منتو شايفين احنا كده كده سايبنها فالبيت

[احمد سعيد11]

نصيحة يابن الناس بلدك اولى بيك وان شاء الله الخير جى جى ، اما اذا كنت ناوى تسافر بنية اداء فريضة الحج ربنا يوفقك وتوكل على الله وربنا مش هيخذلك باذن الله ، انا بصراحة شايف المرتب غير مجزى ده غير الغربة عن اهلك واصدقاءك
ده رايى الشخصى واتمنى ان تصلى استخارة قبل الاستشارة

[عبدالله نصر سيبويه]

أنا لم أسافر بعد وأكاد أكون مثلك تماماً من جهة التعيين وأتمنى فرصة في الخارج لكن حقيقة ً لم تتوق نفسي للعمل بمدارس السعودية الخاصة أو الحكومية لأن بها ما بها كما شكا الكثيرون لكن الميزة الوحيدة للعمل بالمدارس السعودية كما قال الزملاء هو حج بيت الله الحرام والعمرة أما إن طلبت رأإيي فلا تسافر وانتظر فرصة أخرى في الكويت أو عمان بالتحديد وهذه النصيحة نصحني بها معلمون من بلدتي يعملون هناك وأسألُ الله لك التوفيق والسداد .

[احمدمحمدالسيدابومسلم]

أشكرأخواني الأساتذة الأفاضل على الإهتمام جزاكم الله كل خير

[الباشانبيل]

سافر وجرب انت لسة صغير واتحمل في الاول لحد ما تأخذ وضعك وكل سنة بتعدي عليك ترتاح في اللي بعدها ولو رجعت مش هتحسر كتير