وصفة سحرية لدخول كليات القمة

[مدعوق]

انا اسمي مريم ده اولاً
وثانياً : شكرررررررررررررررررررررررررررررررررررررررا
وثالثاً واخيراً : ادعولي ادخل طب عين شمس
علي فكرة انا لسة داخلة اولي ثانوي

[مدعوق]

هوه محدش موجود علشان اتكلم معاه

[yasser eno]

معذرة هو اللي سنة اولة سنة عادية ومذاكرة تلات ساعات او اربع ساعات

هو انا لازم انا اطول في المذاكرة كده

انا عن نفسي ممكن اذاكر ساعة افهم كل شيء

بس لازم اسال اهل الخبرة في مجال الثانوي

[esraaaide]

المشاركة الأصلية كتبت بواسطة ahmed ali12345

السلام عليكم ورحمة الله وبركاته

ازيكوا يا شباب احب اعرفكوا بنفسى انا اخت العضو احمد على وانا بشتغل صيدلانية .عايزة اطمن كل واحد منكوا داخل ثانوية واقلوا ان ال3 سنين دول هيعدوا زى شكة الدبوس بس بصراحة دبوس كبير شوية .هقلكوا ان كنت بعمل ايه فى الثانوية ...................................
اولا كنت وخداها سنة زى اى سنة عادية يعنى كنت بتفرج على التلفزيون وكنت بقعد على النت وكنت بعمل كل الى نفسى فيه بصوا يا شباب ..... فى بداية السنة كنت بذاكر 3 او 4 ساعات فى اليوم . بس كنت كل ما اخد درس اجى اذاكره بعديه على طول وكنت بحل عليه اسئلة كتير .على فكرة حل الاسئلة على الدرس اهم حاجة . وبعد ما كنت بذاكر الدروس كنت بعمل كل اللى نفسى فيه. ومع بداية شهر 1 بدأت تذيد عدد الساعات ل6 ساعات فى اليوم .يعنى لما كنت بلاقى نفسى زهقانة مكنتش بغصب نفسى على المذاكرة وساعات لما مكنتش الاقى حاجة اذاكرها كنت بحفظ كلمات انجليزى وفرنساوى
بعد كده لما خلصنا المناهج شديت حيلى وبقيت اراجع المواد مع نفسى ومع الدرس واكيد متنسوش الكتاب المدرسى ودليل التقويم فى حل الاسئلة
وخلوا بالكوا اثناء الامتحانات مكنتش بحضر المراجعات النهائية عند المدرسين .لان الوقت ضيق جداا بين المادة والتانية وعقبال ما اروح االدرس واجى الوقت كان هيضيع ومكنتش هلحق اراجع علشان كدة كنت كل ما اطلع الامتحان سواء كنت حليت حلو او وحش برمى المادة دى من وراء ضهرى وكنت بنام ساعتين وبعدين اقوم اراجع المادة كلها علشان للاسف المراجعة النهائية بتاعة المدرسين بيركزوا على حاجات معينة وممكن ميجيش منها الامتحان وطبعا متنسوش البرامج التعليمية اللى بتيجى على القناة الاولى والتانية والمراجعة النهائية اللى بتيجى فى الجرائد .طبعا انتوا دلوقتى عايزين تعرفوا بعد كل اللى عملتوا ده انا جبت كام ؟؟؟؟؟؟؟؟؟؟؟؟؟؟؟
انا جبت 96,5 . يلا اسيبكوا بقى دلوقتى علشان انا نازلة الصيدلية واى استفسار اخويا بيدخل على الموقع على طول وهكون سعيدة انى ارد عليكوا . وان شاء الله السنة الجاية هشوفكوا وانتوا جايبين 99% .

والسلام عليكم ورحمة الله وبركااته

شكر على النصائح الغالية ده وانا نفسى ادخل كلية صيدلية ادعولى انا ريحة 1ثانوى

[noha y]

شكرا طمنتينـــــــــــــا

[eng.emy ahmed]

تجربة جميلة يا دكتورة بس انا نفسى ادخل هندسة اعمل نفس الخطوات ولا حاجة تانية