ياجماعة انا مش فاهم اى حاجة حد يفهمنا الصح علشان حاطرى لانى هتجنن خلاص

[waleednabil1967]

انا مرتبى الان 720 جنية والاساسى 340 جنية تقريبا
لانى من زمان مطلعتش امتحانات ومعرفشى الاساسى وصل كام بس انا متعين من 1997

من الاخر بقى بعد اللى فهمتوه انا هقبض كام لانى صراحة مخنوق خنقة سوده

لانى مدرس تربية رياضية ومفيش طبعا دروس ولا غيرة

حد فاهم يفهمنا ويقولى يعنى هقبض كاممم


وشكرا

[hany himada]

استاذى العزيز / وليد
انا تعيين 1997 مثلك والاساسى الجديد 345 والخمسة جنية الزيادة دى لانى حصلت على علاوة تشجيعية هذة السنة
اما بالنسبة لمرتب شهر 7 فقد كان 882.5 جنيه
وبالنسبة لحضرتك الاساسى 340 يكون المرتب حوالى 874 جنيه
لذا يجب عليك ان تراجع راتبك مع مسئول الماهيات بمدرستك لتعرف اين ذهب هذا الفرق .

[waleednabil1967]

يبقى انا هاخد كام على الحسابات الجديده دى مع العلم انى بجد هاروح اراجع مع الماهيات الاساسى وكل حاجة

بس متشوق انى اعرف مع الحسابات الجديده هاخد كام؟؟؟

[maru20002000]

ان تعيين 97 واعتقد ان الاساسى قريب من340 لان انا ماعرفتوش زيك وما اخدتش تشجعيية عالتانية والمرتب اللى انت كاتبه ده 720بتاع شهر 7 ولا شهر 6
الزيادة فى شهر 7 حوالى 53 ج وضيفها على مرتب شهر 6 يطلع مرتب شهر 7 هو تقريبا زى الزميل السابق ما قال 880 بس المشكلة فيه ناس عندها زيادة من دفعتنا وصلت 910 ومش عار ف ليه اللخبطه دى
زمان فيه علاوة تخصمت من الاساسى بعد التعيين بكام سنه كده ومش عارف اتخصمت من الناس كلها دفعتنا ولا ايه و 53 جنيه هم زيادة الكادر والحافز عالاساسى اللى بيتحسبوا عليه الكادر متاخر سنه عن الحافز فى الاساسى الجديد تحسب عليه الحافز والقديم تحسب عليه الكادر .