عذراً .... الصورة مش واضحة

[محمود ال الشيخ]

بسم الله الرحمن الرحيم

على المعلم ان يلتمس العذر ولو قليلا للاخرين من غير المعلمين رغم ان المعلم فى النهاية مطحون بمعنى الكلمة ( ادبيا وماديا ) وذلك لان الاعلام المصرى والحكومة السابقة عملت جاهدة وبكل الوسائل على الظهور بصورة المهتم بالتعليم والمعلمين والبحث العلمى وتوفير حياة كريمة للمعلمين وقد نجحت بالفعل فى ذلك والدليل
1- مفيش حد فى مصر ميعرفش مكافأة الامتحانات للمعلمين وكأننا بناخد شوال فلوس كل سنة
2- مفيش حد فى مصر ميعرفش الكادر الخاص للمعلمين
كل الناس ( الجزار / الخضرى / البقال / بواب العمارة ............. ) بيتكلموا فى شهر يونية عن مكافأة الامتحانات للمعلمين رغم ان كثير من موظفى الوزارات الاخرى بياخدوا كل شهر اضعاف مكافأة المعلمين .

والمطلوب
توضيح الصورة للناس
1- يوجد معلمين بالحصة مرتبهم 120 جنيه .
2- يوجد معلمين بالعقد المميز راتبهم 350 جنيه
3- يوجد معلمين ( الراتب + الحوافز + الكادر ) راتبهم 550 جنيه
4- يوجد معلمين دفعات 2000 و 2002 ( الراتب + الحوافز + الكادر ) راتبهم لحد اخر زيادة 660 جنيه

عشان كده بنقول وضحوا الصورة للناس