ليه بكار جدير بتولي منصب رئاسة الجمهوريه ؟

[حاتم مصادف]

1 - من قلبه و روحه مصري : يعني هيحب مصر ويخاف عليها
2 - النيل جواه بيسري : و كدة هتتحل مشكلة مياه النيل لأن النيل جواه و محدش هيقدرياخده
3 - كفه رقيق و صغير : و ده هيتعكس على الظباط في الاقسام و ايديهم هتبقى حنينة على قفانا
4- معزته رشيدة : شوفوا بيحب المعزة ازاى و بيخاف عليها هى صحيح بتضيع منه كل حلقة بس مخلص لها , تخيلوا بقى هيخاف على البلد اد ايه
5 - اصحابه كتير كتير اده و ادهم : يعني هيعرف يسيطر عليهم و يفهمهم و لو كان فيه فساد مش هيقدر يقول ان الناس اللي حواليه ضحكوا عليه
6 - محمد منير غنى له : و طبعا محمد منير عنده خبرة في الأغاني الوطنية و السياسية

[لوجين20]

هههههههه
والله تحفة
نايس توبيك يا حاتم
احيي اختيارك الرائع للموضوعات

وهمك على البلد

[مـــــلك]

جميله جدا ياحاتم
بس مش كنت أستنيت
لغايه ماأقولك انها حلوه
ايه السرعه دى
تكتب وتمشى