حل ( ساخر ) لزيادة مرتبات المعلمين

[مستر بطاطا]

( لزيادة مرتبات المعلمين رغما عن أنف الوزير )

الحقيقة كتبت هذا العنوان لأهمية الموضوع وترغيب جميع المعلمين لمدارسة هذه الفكرة الساخرة
بعد لف ودوران وتفكير عميق لقيت الكل بيدوس علينا بالجزم وبحكم وظيفتى اخصائى اجتماعى

لقيت حل طبعا :
الجميع يتجاهل ثورة المعلمين ورفع الظلم الواقع علينا سواء وزير التعليم الهمام أو وزير المالية أو غيره ......
عندى اقتراح ياريت تفكروا فيه كويس جدا وبلاش تستعجلوا فى الرد
الهدف من الاقتراح :

هو زيادة دخل المعلم المصرى رغما عن أنف الحكومة التى تتجاهل مشكلات المعلمين تماما
الاقتراح هو :
أن يقوم المعلمون فى كل مدارس جمهورية مصر الملوخية بزراعة محصول البانجو فى حدائق المدارس وكمان الحوش بالمرة وندرب الطلاب على رعاية المحصول ونعلمهم يعتمدوا على أنفسهم خلال فترة الدراسة والإجازة الصيفية وندربهم كمان على عملية التسويق والتوزيع ونكون كدا علمناهم صنعة يكسبوا منها عيش ويخفوا الضغط عن أهاليهم من المصاريف ويتم توزيع ربح محصول البانجو على المدرسين حسب الكادر الجديد
( كادر البانجو الجديد )
بدون أى اختبارات
وبهذه الفكرة الرائعة فى بلاد الهبل والعبط اللى احنا فيها نكون أخدنا أكثر من اللى الحكومة بتذل الناس بيه
وكدا يبقى تمام يا سعادة البيه

ملحوظة / أرجو من زملائى الأعزاء معلمى مصر الشرفاء ألا يحزنوا مما نلاقيه من سوء المعاملة التى ستنعكس علينا وعلى المجتمع وحتما سيأتى يوم - حتى وإن تأخر - يرتفع فيه شأن المعلم المصرى

ومن الخطأ الشائع فى مجتمعنا
هو عدم التحرك إلا بعد حدوث الكارثة

كتبت هذا الموضوع للسخرية

لعله ناقوس الخطر يدق أبواب دولة غافلة أهملت معلميها
فأهملها معلموها

وقد نكون مقبلون على منعطف جد خطير لا يعلم عواقبه سوى الله عز وجل
فالأمر لايِِستهان به

أرجو من السادة المشرفين عدم حذف الموضوع

تقبلوا تحيتى

اخصائى اجتماعى

المحلة الكبرى

[mrhamdy89]

والله يا أخى انا ارى ان اى شىء مباح مع هؤلاء حتى لو وصل الامر ل***هم كما ***وا فى داخلنا كل شىء جميل و حطموا نفسيتنا .اللهم دمرهم يارب العالمين

[عماد الحضري]

كل شيء الآن أصبح مباح لنا

[elmester3]

لما البانجو يكبر والنبى عاوزين نودى باكتة بانجو للوزير والمساعدين بتوعة ويلفوا سيجارتين يمكن يفوق من الغيبوبة اللى هو فيها ويا ريت تكون عرانيس عشان يبقى مفعولها قوى
أنا شارب سيجارة بنى حاسس ان دماغى بتاكلنى

[ewaed]

اكيد الوزير عامل كده عنده

[حاتم تاج الدين]

ياعم الوزير دة عامل دمااااااااااااااااااااااغ وعمرة مايسمع لينا ابدا

لفي سجارة يا مستر

[elmester3]

المشاركة الأصلية كتبت بواسطة حاتم تاج الدين

ياعم الوزير دة عامل دمااااااااااااااااااااااغ وعمرة مايسمع لينا ابدا

لفي سجارة يا مستر

ههههههههههههههههههههههههههههه

[توبة محمد]

لو بتكلم جد وعارف التقاوي منين اعمل حسابي معاك

[سلطحكو 2]

- االمدير سبق الجميع ؟؟؟؟ فاتح محلات عصير ((((( بانجو )))) وبيحرسها ابو >>>>>>>>>>>؟؟؟؟؟؟
- كل واحد فيكم بانجو على جانبو ::::: خلاص مفيش كادر يا عبد القادر
- وبيسأل وكيل الوزارة وهو مسطول احنا بشتغل فين : يا باشا :::: رد :::
((((((((( نحن نعمل في وزارة التعميرة والتدخين ))))))))) يا باشا

[مستر بطاطا]

إلى / فتحى فارس
لم أتطاول على شخصك وأقول روح شوف لك مصيبة تروح فيها انت واللى خلفوك زى ما قلت
واضح انك عديم التربية
وبعدين لم تفهم ما سبق
يبقى واضح انك عديم الفهم
وثالثا مش عارف تكتب كل كتابتك أخطاء إملائية يعنى واضح إن انت جاهل
ومندس على هذا الموقع ولديك أعراض مرضية تضر بالبيئة ويجب التخلص منك حفاظا على البيئة من التلوث

نداء
لمشرفى المنتدى الكرام
رجاء حذف المشاركات السفيهة التى تخص فتحى فارس محمد أو حذف عضويته نهائيا وتتبع ip للكمبيوتر ومنعه من دخول المنتدى بشكل أو بآخر
ولا تؤاخذونى فى ردى عليه لأنه يستحق
وأكرر شكرى لكم للإبقاء على نشر الموضوع
فالهدف هو لفت نظر الكثيرين من المسئولين والمتصفحين لهذا المنتدى لأهمية الموضوع وخطورته وقد قمت بعرض الموضوع بأسلوب ساخر لعله يتم فهم المقصود والتدخل العاجل من قبل المسئولين
لأهمية القضية
ولا مجال للسفهاء معدومى الفهم
ملحوظة /
لا ننس أن الإعلام المصرى يقدم لنا من خلال ما يعرضه من مسلسلات وأفلام ومواد إعلامية لها تأثير كبير على قطاع كبير من المواطنين دائما يقدم المعلم المصرى فى صورة سيئة من كونه شديد البؤس والاحتياج ويتطاول عليه الكثيرون بالسخرية والاستهزاء وإهدار كرامته بهدف الفكاهة إلا أن ذلك السفه ينعكس على المجتمع وسيدفع المجتمع بأكمله الثمن غاليا

وللموضوع بقية

دمتم بخير
وكل عام أنتم إلى الله أقرب وعلى طاعته أدوم

[Huda Mohammed 2010]

.............................