اريد توضيح ...

[mostafa_gamal2]

..السلام عليكم ورحمة الله وبركاتة ...
انا الحمد لله دخلت تجارة عربى للاسف كنت جايب 90 وكنت هخش انجلش لولا ان مجموعى الانجلش 39.5 !
الحمد لله ..
لكن انا اخترت حلوان بارادتى..لكن استعجبت ان الدفعة 894 واحد فقط من موقع الاستاذ !!
واستعجبت لان الدفعة عددها قليل جدا مقارنة بالقاهرة اللى فوق 2000 وعين الشمس ..
اشمعنى حلوان ؟؟ هل اتسااع الجامعة محدود ولا صعبة وولا اية ..
طب القاهرة خايد اكثر من 2000 ..
انا مش مضايق طبعا لكن محتار جدا ..

وكمان سمعت ان الدراسة بداخل التجارة حلوان صعبة ويوجد ظلم كبير بداخلها .ودة من ناس ككتتتتتتتتتير اوى وللاسف قلقت جدا .ارجوكم تطمنونى...
لانى محتار جدا ..

شكرا لكم...

[Analyzer.Mn3m55]

يا باااااااااااااااشا ولا تقلق ولا حاجة انا ان شاء الله معاك السنه دى فى الكلية
و سمعت نفس الكلام بس انا ماشى بمبدأ انى لو بتقى الله و مش بغضبه عمره ما هيضيعنى لو الدفعه كلها شالت انا مش هشيل اكيد لانى تعبت و اتقيت الله خليك ماشى بالمبدا ده و سيبها على الله و انا مجموعى زيك على فكره و عندى الانجلش 41.5 و فرقت معايا تجارة انجلش على درجة .. الحمد لله و على فكره تجارة حلواااان احسن واحلى تجارة فى مصر لان فيها اقسام مميزة جداااااا و بالتوفيق
و امشى و انت مركز على هدف معين يعنى مش لعب و كده امتيازات ان شاء الله عشان تثبت وجودك و ده هدفى و ربنا معاااانا

[mostafa_gamal2]

ان شاء الله ..لكن بردة العدد الصغير دة مثير للحيرة شوية ..
ولا اية ؟؟

[usernamo]

يوجد 2475 طالب فى تجاره وإدارة أعمال ج حلوان ده العدد !!!

[dr /nada]

ما شاء الله انت جايب 90 في الميه يعني اوعى تخاف امال اللي جايب 80 وداخلها يعمل ايه

[mostafa_gamal2]

تصدقوا فعلا الرقم زاد ؟؟انا شوفتها قبل نتيجة المرحلة الثانية ..


الظاهر ان نتيجة المرحلة الثانية اضافت ..

على العموم ..شكر ليكو..
لكن هو اللى داخل بمجموع عالى لية افضلية فى حاجة ؟؟
مجرد سوال ..

[dr /nada]

المشاركة الأصلية كتبت بواسطة mostafa_gamal2

تصدقوا فعلا الرقم زاد ؟؟انا شوفتها قبل نتيجة المرحلة الثانية ..


الظاهر ان نتيجة المرحلة الثانية اضافت ..

على العموم ..شكر ليكو..
لكن هو اللى داخل بمجموع عالى لية افضلية فى حاجة ؟؟
مجرد سوال ..

لا انا قصدي انك تقدر تشد حيلك عن اللي جايبين 80