هام لكل صيادلة المستقبل

[DR_MOHAMED_97]

-وانت في صيدليتك بيعدي عليك فجأة " حالة حريق "

لا تقلق واهم حاجه اعصابك هادئة وتهدئ اللي حواليك

- لازم تعرف ايه الحروق دي ...درجة اولي ولا متوسطة ولا شديدة




- لو لقيت احمرار عادي يبقي اولي

لو لقيت فقاقيع يبقي تانية او متوسطة

لو لقيت انتزاع للجلد وتفحم وعميق يبقي ثالثة

-*-*-*-*-*

اوعي تقلق ....يا دكتور

اسأل علي انه اتحرق ازاي

ماء ساخن او شاي ودول غالبا اللي بيجولك الصيدلية ....ويبقي في احدي اليدين او الرجلين

تعمل ايه


اول حاجه .... تحت الحنفية علي طول لمده 5 دقائق



ليه بقي ....علشان حرارة الحريق لا تمتد الي الطبقات الداخلية وتدميرها


الثلج ......اوعي ....لأنك هتتسبب في حرق ثلجي ...وممكن يحصل صدمة

*-*-*-*-*-

خلصت الغسيل كويس


شوف بقي ان كان فيه فقاقيع ...مش تفرقعها لأن ده

بلازما وسوائل مفيدة للجلد والجسم والحروق ...وكمان مش

هيعلم الجلد بعدها يعني لما يخف



احيانا بيقولك المريض هي اتفرقعت لوحدها ....يبقي لا تقص الجلد او تشيله بأي شكل

لأن اللي بنشيله ده جلد ميت وتالف ومحروق .....تمام كده


-*-*-*-*-*-*

مستني ايه ...محلول ملح NACL ....واغسل بيه الحرق ده

مفيش بقي لا بيتادين ولا سافلون .........

-*-*-*-*-*--*-

اوعي القطن تغطي بيه الحرق .....هيسيب الياف

علي مكان الحرق ولما ييجي يلم ....تلاقيك بتشيل القطن

وتجرحه تاني


شاش فازلين هو المستخدم علي طول .....



--*-*-*-*--

هنحط بقي ايه مضاد حيوي بتاع الحروق .....ايوة

السلفارجين او الديرمازين .......


.والجميل بقي لو المدام حامل او مريض من الامراض المزمنة

عليك ....ميبو كريم ....ممتاز جدا




-*-*-*-*-

يبقي الكريم الأول

وبعدين شاش الفازلين

وبعدين الشاش .....

يتم الغيار كل 3 ايام


-*-*-*-*-

العلاج بقي

- غالبا الاحمرار البسيط بيسبب الم لتهيج نهايات الاعصاب ...يبقي

المسكنات

-*-*-*-*-*-*

- المضاد الحيوي

يبقي غالبا

مجموعة السيفالوسبورين ....

زي سيفادروكسيل وسيفرادين .....

او

الامكسيسللين ومشتقاته

يعني بسيطة ان شاء الله

-*-*-*-*-*-*-*-

الحلقات القادمة


معلومات عن الحروق وتنبيهات

لازم نعرفها كويس


تحياتي



الموضوع منقول للامانة

[dr /nada]

يعني لو في فقاقيع نعمل فيها ايه نسيبها وبس ولا ايه وشكرا عل الموضوع وياريت تحط موضوعات من دي كتير

[homs tareek]

الموضوع دة جميل جداً وممتع

[ندى نيدو]

موضوع جميل جدا
وانا في انتظار باقي المعلومات
وجزاك الله كل خير

[kemohero22]

شكرا يا دكتور على المعلومات المهمة دى

[منى واصف]

شكرا يا دكتور معلومات جميلة

[Dr\3beer]

ميرسى جداااا
فى انتظار المزيد من المعلومات القيمه