هام جدا جدالمعلمى المنيا

[ayman3body]

على فكرة الكلام ده مظبوط وغير مخالف للقانون لان المعلم إجمالي حوافزه وبدلاته 208% يعني أزيد من 200% والمعلم الأول أزيد وهكذا .. أما المعلم المساعد فلا يصرف بدل الاعتماد وهو يصرف فقط 150% بدلات وحوافز .. أما موضوع الحافز الجديد اللي اقره مجلس الوزراء للمعلمين فده غير الحد الأدنى خالص .. ده حافز زياده اسمه حافز أداء .. وده قيمته 25% للمعلم الأول فاعلى .. و50% للمعلم .. و75% للمعلم المساعد ---> غير الـ40%اللي قبضها ..

يبدو من كلامك إنك مش معلم أساسا
لأنك مش حاسس بمشاكل المعلمين
كلامك فعلا فزلكه فارغه
مع الإحترام ليم فزلكه فارغه

[د.عبدالرحمن المنياوي]

المشاركة الأصلية كتبت بواسطة ayman3body

يبدو من كلامك إنك مش معلم أساسا
لأنك مش حاسس بمشاكل المعلمين
كلامك فعلا فزلكه فارغه
مع الإحترام ليم فزلكه فارغه

وانت منين تعرف إذا كنت أنا معلم والا لأ ..

وبعدين هو لما أقول وأوضح نص القرار يبقى ده معناه إني مش متضامن مع مشاكل المعلمين ؟؟؟؟

انا بس حبيت أوضح ليه محمود وهدان عمل كده .. وانا باقول طبعا إن هناك ظلم واقع ولازم نفرق بين التوضيح والهجوم ..

وانا بقى عاوزك تقوللي لما أنا أحط نص القرار تبقى فذلكة فارغة ؟؟؟ وبالمناسبة تكتب هكذا وليس فزلكة !!!

انت عاوز أي حاجة تفرحك وبس .. لأ ياسيدي .. احنا لازم نعرف الأمور ونتكلم عن وعي علشان لما نطالب بحقوقنا ..

ومع احترامي برضه كلامي لم يكن فذلكة ولم يكن فارغا وإنما الفارغ أن أتكلم بعاطفة دون وعي فإن الحق لن يأتي لمن يضع يده على خده يا سيدي .. وأرجع وأقول لك المعلمين اللي واقفين بيتظاهروا أمام الوزارة اليوم هم من يملك الوعي والقدرة والكلام خلافهم هو الفارغ !!!!!!!!