لطلبة كلية التجارة - جامعة القاهرة (ضع استفسارك هنا)

[vampire1188]

بلييييييييييييييييييييييييييييييييييييز ارجو الرد انا خلاص هتجنن كل شوية حد يقولى كلام شكل على تجارة انجلش انا داخلة تالتة ثانوى جبت 85.4 علمى وهحول ادبى لانى عاوزة تجارة انجلش جامعة القاهرة او حلوان او عين شمس ومجموع الانجليزى بتاعى كان 19.5 من 25 ربنا يسامحك لانى بجد كنت بذاكر كويس اوى بليييييييييييييييييييييييييز حد يرد عليا بسرعة

ماقدرش اقولك غير كلمة واحده

موتى نفسك فى تالته وحاولي تجيبي اعلى مجموع

لانك زي مانتى شايفه اهو الناس بتجيب مجاميع وبتتزنق ي التنسيق

فانتى دايما افتكري الموقف دا واعملي حسابك عليه من دلوقتى

وحاولي تتجنبيه عن طريق انك تجيبي مجموع يخليكي فى دايرة الامان

واللى غالبا بيبقى بين الـ 90 والـ 92%

انتى السنة دي جايبه 85.4% يعنى تقريبا 175 من 205

اذن انتى محتاجة في تالته تشدي حيلك وتجيبي فيها ان شاء الله 190 او 195

عشان يزود مجموعك الكلى في تانية وتالته ويوصلك للـ 90%

ونصيحة .. لو انتى منشنه على تجارة انجليش من دلوقتى يبقى خدي مستوي رفيع انجليش

لان في تجارة انجليش لما بيحسبو المجموع الاعتباري بياخدو المستوي الرفيع الانجليش بس

واي مستوي رفيع تانى مش بيتحسب ..

وانتى فى حالتك دي محتاجة اي درجات زيادة ترفع من مجموعك عشان تزود فرصتك فى دخول الكلية