طلب من طلاب كلية حاسبات ومعلومات

[الاميرة المرحة]

انا طالبة فى 3 ثانوى وعاملة الموضوع كبحث او دليل لطلبة ثانوى
انا كنت عايزة اتعرف ع الكلية والاقسام بتعاتها ومن وجهة نظركم ايه احسن الاقسام
ومدى صعوبة الكليه او الاقسام بس ياريت ياجماعة تركزوا ع الاقسام شوية انا عايزة اعرف كل الاقسام
وكمان عايزة اعرف بعد ما اتخرج من كليةحاسبات ومعلومات قسم ... هشتغل ايه وايه الفرص اللى قدامى

ملحوظة ضع فى النقط اى قسم

[badnamef4]

عاجباني الفكرة جداً
و هابدأ بشوية معلومات عن حاسبات القاهرة:
مدة الدراسة فيها 4 سنين
فيها 4 أقسام حالياً : computer science و information technology و decision support و information system
التخصص بيبقى من سنة تالتة و مابيبقاش على حسب التقدير (على الأقل لحد وقت كتابة المعلومات دي)
و أحسن قسم في رأيي بيحددها حاجتين : ميولك و مجال الشغل
مدى توافر مجال الشغل بيتغير كل شوية
السلام عليكم و رحمة الله و بركاته

[الاميرة المرحة]

شكرا ع الرد
ولو عندك معلومات تانى ياريت تكتبها
لتعم الفائدة

[ananoo]

السلام عليكم

انا بس عاوزة اقول حاجة الاقسام مش مهمة دلوقتي خالص والواحد مش هيقدر يحددها غير لما يدخل الكلية ويبدا يدرس فيها
فبلاش تشغلوا بالكم فيها دلوقتي
مفيش غير قسم واحد اللي هوة (bioinformatic) في عين شمس اللي بيبقى من سنة اولى وهوة بيبقى زي الاقسام التانية بس بيبقى في زيادة مادة احياء وهوة قسم خاص شغال بنظام الساعات المعتمدة وبيبقى في حدود 12 الف في السنة او اكتر

بالنسبة للشغل بعد التخرج يقال انه كله ممكن يشتغل زي بعض في الاخر لانه بيبقى الناس كلها تقريبا زي بعض بس كل قسم بيبقى فاهم في حاجة زيادة