إقتراح هام لأخذ حقوقنا الضائعة

[عمومحمد]

الإضراب داخل الدراسة هو الحل

تفادياً لوجود معلمين سلبيين وهيقلولك يحسن يغيبونا أنا بقدم الاقتراح المتواضع نروح المدارس ونمضى حضور علشان متتغيبوش وبعدين تقف فى فناء المدارس ومندخولشى فصول المدير هيصرخ وهيتصل بالإدارة تفاجئ الإدارات أن معظم المدارس هتعمل كده أقولكم مميزات الأقتراح ده : -
1- هيكون أسرع جداً من إننا نعمل إضراب ومنرحشى المدارس هيقولوا محدش يعرف ميعاد الدراسة هيجوا بكرة لكن ده أسرع المديرين هيتصلوا بالإدارت أن المدرسين ممتنعين عن دخول الفصول ثم وكلاء والوزارة ثم الوزارة .
2- عواقب ترك التلاميذ داخل الفصول هيدبحوا بعض وده هيكون ضغط جامد جداً سواء من مدير المدارس أو من أولياء الأمور
3- تفادياً لكل معلم جبان هيخاف على الوظيفة أو عنده شك يحسن أكون أنا اللى مرحتش المدرسة لما هيروح هيلقى زمايله كلهم عاملين إضراب .
يلا يمعلم يا صاحب رسالة يلى معاك تشكيل عقول ولادنا ناخذ حقنا علشان مترحشى تدى دروس ولاتشتغل فى محل أخر اليوم يلا نضغط عليهم أزاى دولة بلا علم دولة بدون صاحب الرسالة خليك راجل وخليكى جدعة متخفيش مش هيحصل حاجة وهناخد حقوقنا زى معملوا غيرنا إحنا اتهنا ومش هنتهان بعد كده تانى أرجوكم كلمونى وقلولى رأيكم إيه يا معلمين مصر

[tsbeeh]

كلام معقول

[mmm6666]

كلام جميل كلام معقول

[ola saad]

نسيب الطلاب يدبحوا بعض ازاى؟ حرام علينا
معلش ناخد حقنا من غير دخول طلبه لو انت عاوز الاقتراح ده يمشى