|
منتدى معلمى الأزهر الشريــــــــــــف ملتقى معلمى التعليم الأزهرى |
![]() |
|
أدوات الموضوع | انواع عرض الموضوع |
#1
|
|||
|
|||
![]() حوار بين معلم متعاقد ومدير العمل: ------------------------------------- يخرج المتعاقد من بيته صباحا فى تمام الساعة السادسة والنصف صباحا مكدر الوجه, يلهث جاريا ليلحق وسيلة مواصلات تقله الى المعهد الذى يبعد ما يقارب الـ 10 كيلومترات يصل "المتعاقد" الى عمله..ومن فرط حنقه وغضبه على سوء أوضاعه المتردية لم يسلم على أحد.. شيخ المعهد: أهلا يا أستاذ "فلان" تعالى امضى بالدفتر.. ويتجه ال "المتعاقد" نحو الدفتر فى صمت ويمسك بالقلم ليوقع على الحضور.. شيخ المعهد: مالك يا استاذ مكشر ليه؟ المتعاقد: لا ابدا مافيش ثم يجلس منتظرا موعد بدء عمله ليدخل الفصل ويقوم بأداء عمله..وهو جالس يأتى العامل "الفراش" وهو من المعينين.. العامل: بيقولوا انهم طبقوا حافز 200% للعمال والاداريين هاهاهاهاها..والله الحكومة دى حكومة اولاد حلال..ربنا يخليلنا الببلاوى بيه شيخ المعهد: مبروك يا حاج محمود عليك الحافز..انت كدة بقيت تاخد مرتب اكتر من المتعاقدين بقى هاهاهاهاهاها ويجلس المتعاقد وهو يستمع الى تلك الاشارات ويزداد حنقه وغضبه.. وفجأة..يدخل أحد المتعاقدين ويقول لزميله المتعاقد: انت ماسمعتش؟ النهاردة بداية العام الدراسى الجديد..وفى اضراب عن العمل.. المتعاقد: إضراب؟ ليه؟ هو مبارك والحزب الوطنى رجعوا يحكموا البلد تانى ولا ايه؟ الزميل المتعاقد: لا يا أخى..دى دعوات كانت موجودة فى الفايسبوك فى صفحة جبهة معلمى الأزهر المتعاقدين عشان لسة ماتثبتناش ولا اخدنا حد أدنى للأجور..وكمان الكادر اللى امتحنا فى 2009 لسة ماخداناهوش.. ويأتى بقية الزملاء المتعاقدين وينتشر الخبر بينهم..ويعقدون النية على الدخول فى الاضراب عن العمل.. وصل النبأ الى شيخ المعهد.. شيخ المعهد: اتفضلوا يا أساتذة .. جرس الحصة ضرب. المتعاقدون: مش قايمين "ويجلس الجميع بمكتب شيخ المعهد وكل شخص "حاطط" رجل على رجل" شيخ المعهد: ازاى يا بهوات؟ انتم كدة بتعطلوا العمل ودى فيها تحقيق المتعاقدون: تحقيق تحقيق..هايحصل ايه يعنى؟ شيخ المعهد: هايتم فصلكم عن العمل ثم يتدخل أحد المعلمين المعينيين ويقول: بلاش شغل العيال اللى انتم فيه ده يا متعاقدين..قوموا اشتغلوا اوحمدو ربنا انكم شغالين بالعقد..غيركم مش لاقى شغل.. ملاحظة: المعلم المعين ده معاه "دبلوم معلمين" وبيتكلم مع شباب متعاقد حاصل على ليسانس وبكالوريوسات وبتقديرات تبدأ من جيد جدا وهنا نظر المتعاقدون الى بعضهم البعض وتكلم أحدهم..وقال: ضربوا الأعور على عينه..قال خربانة خربانة.. ايه رأيكم يا جماعة..انت يا استاذ احمد مش متجوز..وانت يا استاذ محمود عايش لوحدك من غير اسرة..وتقريبا كدة كل المتعاقدين اللى هنا ماعندهمش حاجة يخسروها..نقوم نتذل أكتر من كدة ونسكت ونشتغل ونرضى بشوية الملاليم اللى بناخدها؟ وننسى حقنا فى التعيين؟ أحد المتعاقدين: على جثتى متعاقد أخر: يبقى أخر يوم فى عمرى متعاقد ثالث: دا انا اولع فى المعهد باللى فيه.. ثم تنتشر حالة من الفوضى والهرج والمرج ويقوم شيخ المعهد بالاتصال بالمنطقة الأزهرية ليبلغ عن حالة العصيان هذه.. . . . . . . . . . والى هنا تم قطع الارسال ولا نعرف للقصة بقية..على أمل أن يأتى أحد المعلمين المتعاقدين ليقص علينا ما حدث فى "الاضراب عن العمل" هل تم الاستجابة لمطلب التثبيت؟ هل تم تطبيق الحد الأدنى للأجور؟ هل تم صرف استحقاق الكادر الذى لم يصرف منذ 2009؟ ![]() هذا ما سنعرفه مع بداية العام الدراسى القادم...وكل عام أنتم بخير --------------------------------------------------------------------------- بقلم: معلم متعاقد أزهرى..ليس لديه ما يخسره وعلى استعداد أن يقوم بأى عمل من شأنه أن يأتى له بحقه.. حتى وإن كان بطريقة غير مشروعة.. |
#2
|
||||
|
||||
![]()
ان شاء الله البارى فى هذا الشهر المبارك قبل ان ينتهى يكون قرار التثبيت وصل ان شاء الله .
وعلى فكرة اقول هذا الكلام والله شهيد على كلامى اننى يوم الخميس اتصلت بشئون العاملين فرد على احدهم وقال لى اننا منتظرين رد جهاز التنظيم والادارة بشأن التثبيت وقال لى بالحرف الواحد ان هناك فعلا محافظات صدرت لها قرارات وتم سحب هذه القرارات بسبب أن هذه القرارات كانت واحدة فقط لكل الناس مع العلم ان هناك مدرسين وعمال واخصائيين وكتبة ومحفظين وكل شخص له مؤهله وقراره الخاص به ولهذا تم سحب القرار وكذلك لعدم صدور بلبلة بين المحافظات |
#3
|
|||
|
|||
![]()
ههههههههه
شر البيلة مايضحك |
#4
|
|||
|
|||
![]()
كلام جميل وكلام معقول مقدرش اقول حاجه عليه سدقوني حتي لو صدر قرار تثبيت لمعلمي الازهر المتعاقدين وانا واحد منهم هيه دي الاهانه لانهم حسسونا ان معلم الازهر second handودي كفايه انها تترك جرح عميق في نفوسونا لان صناع القرار في الازهر شويه 00000000مش عارفين قيمه معلمي الازهر واحنا كمان ضيعنا هيبتنا بقولنا للوضع الراهن فلازم يكون فيه اتحاد ومش مجرد كلام
|
![]() |
العلامات المرجعية |
|
|