وضاع....الامل تتتااااااااااااااااااااااااااااااا

[شيشانا]

المشاركة الأصلية كتبت بواسطة gogo_hero14

بصي يا شيشانا انت بتسالي ايه اللي علا المجاميع السنة دي ان بجد الغش و محترفين الغش خدو حق مش حقهم و خدو حقنا احنا كمان و محدش يقولي ان بقول كلام و السلام و الله و الله و الله مدرس الاحياء بتاعي و الفيزيا قالو لما جولي طلابهم بيقولو ايه و شافو ايه بجد الموبايلات و كمان الميكروفونات ف الشوارع و اللي ينزل م اللجنة و يكون معاه كتاب ولا حاجة و والله و حصلت ف لجنتي ان بنت قاعدة ف امتحان المستوى حطة سماعة ف ودنها و عمالة كانها بتقرا السؤا و تقولو لللي معاها ع التليفون و محدش لاحظ و نرجع نقول ان البلد دي مش بتشوف غير النتيجة النهائية و مش بتشوف اللي جوا الطالب نفسة في طلبة و بجد انا اعرفهم شخصيا ممتازين بمعنى الكلمة ف ث عام وكل دة علشان بجد ف ناس غشو و خدو حقهم ف دخول الكليات و احنا اصلا عايشين ف مكان بيموت المواهب يعني مش بيبص غير للمجموع و الدرجات رغم ان ممكن يكون ف حد ف طب حاليا ميستحقاش و يمكن بتاع تجارة احسن منه بس ف الاخر صدقيني حت لو ملحقناش علوم ربنا مش بيضيع تعب اي حد حتى لو حسيتي ان حقك مش هييجيلك الوقتي بس هييجي ف وقت تاني و هتشوفي " ان الله لا يضيع اجر من احسن عمل " و زي ما قلتلك زي ما كلهم قالولي ربنا ليه حكمة ف كل حاجة بتحصل لنا مين عارف لو كنت اتكتبلك كليه تانية و كدة و انت فاكراها الحلم ممكن تبقى كابوس بعد كدة " عسى ان تكرهوا شيئا و هو خير لكم " فباذن الله ارضي بقدرك و باذن الله ربنا مش هيضيع تعبك ابدا و ادخلي اي كلية و ابرزي نفسك فيها زي ما قلتلك و طبعا دة كلام كل اللي كانو حواليا

اه انا متفقه معاكى بس الغش مكنش السنه دى بس والغشاشين موجودين فى كل سنه
بس انا ممكن اقوللك ان امتحانات السنه دى كانت اسهل شويه من امتحانات السنه اللى فاتت
انتى عارفه فى ماده المستوى الرفيع غالبا كل الطلبه الى معايا فى اللجنه دخلوا الحمام وليه علشان الحمام كان مليان مذكرات المستوى الرفيع بقولهم ازاى قالولى المس تفتشنا قبل ما ندخل ونخش جوه نقرا اللى احنا عايزينه ونخرج تانى يا سلام وبالنسبه لبلدنا فربنا يسترها فى المرحله الجايه ونشوف بقا التغييرات والاصلاحات بس بصى سيبك من الكلام الموزون وخلينا فى الجد شويه انا فعلا هزعل لو مدخلتش علوم دى حقيقه وهو اه فعلا ربنا مش بيضيع تعب حد بس الواحد هيكون فعلا زعلان انا بعد ما جبت مجموع تانيه كنت بفكر كتير اوى بيطرى واحلم بيها عشان جنب بيتى وكمان ماما دكتوره فيها وفلا الاخر مكنتش فى نصيبى وعلوم بقا هتبقى الصدمه الاخيره وبعديها معتقدشى انى ممكن احس بحاجه وهمشى فى كل حاجه بدون احساس حتى ولو قالولى خشى زراعه او حقوق وخلاص مش هتفرق
طبعا انا متاكده ان الله لا يضيع اجر من احسن عملا بس باردو مش هكدب عليكى واقوللك انى كنت بذاكر ال24 ساعه زى اوائل الثانويه العامه وانا عارفه ان ربنا هيدينا على اد عملنا
بس باردو يعنى انتى لما عرفتى مجموعك مزعلتيش خالص لو قلتى اه هقوللك انتى بتضحكى عليا
على العموم ربنا يوفقنا كلنا
انتى قلبتى عليا المواجع متسيبيها فى حالها
هههه
وربنا يوفقك يا رب
هى نتيجه التنسيق ممكن تطلع الحد باليل ولا لا على النت