احنا عملاء لشعب مصر

[غاربله]

اول الحكايه أعضاء حركة شباب 6 ابريل (الجبهة الديمقراطية) مجموعة من الشباب المتعدد الأيدلوجيات والأفكارمنهم الليبرالى والإسلامى واليسارى والاخوانى وغيرهم، لكن السؤل إيه اللى يجمع كل دول فى مكان واحد وإزاى يقدروا يتعاملوا مع بعض برغم كل الإختلاف ده . هقول...ك إزاى: عشان احنا مصريين وكل همنا حاجة واحدة بس هى إن مصر تكون دولة قوية متقدمة عن طريق محاربة الفساد والمفسدين مهما كانوا واصلاح مصر غصب عنهم . أزاى ده يحصل هقولك بردوا : احنا مش هنقدر نعمل كل ده لوحدنا لاننا امكانيتنا محدوده جداً وقوتنا مش فى عددنا قوتنا فى اقتناع الناس بينا والتفاعل معانا . وعشان امريكا مبتديناش فلوس زى ما الناس بتقول (احنا محتاجينكم معانا) لان وبكل صراحة لو امريكا بتدينا فلوس ايه اللى يخلينا نترمى فى الشارع 22 يوم (اعتصام 8 يوليو الشهير) وعلشان مين وهنستفيد ايه . حد أدنى وأقصى للإجور وإحنا مالنا ما أمريكا مظبطانا 100 فل وعشرة، محاكمة قتلة الثوار مش شغلتنا، علنيه محاكمة مبارك والعادلى وإية اللى هيعود علينا، تغير محافظين مصلحتنا مع بتوع مبارك، زيادة معاشات على أساس إن بتوع امريكا بيهمهم الغلابه والكبار فى السن، تطهير الاعلام اللى بيمجد امريكا طيب ازااااااااى، وكل مطالب يوم 8 يوليو اللى احنا نزلنا عشانها بزمتكم تخص امريكا وتخدمها ولا لما يكون فيه نظام حاكم فى مصر سليم وغير مدعوم من امريكا وغيرها، وكل واحد فى البلد دى يرجعلوا حقه اللى ضاع وكرامته، يبقا احنا متفقين إن احنا بنفذ مخطط معين، بس بنفذه لمين. هتقولى ما انتم عملاء : هنقولك وبكل صراحة ودا اعتراف صريح بنعترفو على نفسنا احنا عملاء لمصر وللناس الغلابه،عملاء للفلاح اللى بطل يزرع قمح علشان مبيكسبش منه، (أه بالمناسبه خططنا اللى جايه إن نضرب امريكا اللى بتمولنا في مقتل ((بالشغل والتنميه مش بالرصاص)) ونضغط علشان نعمل اكتفاء ذاتى للقمح ونوفر فلوس الاستيراد)، نكمل بقية الناس اللى احنا عملاء ليهم،عملاء للعمال اللى بقوا ولا مهاره ولا فلوس، عملاء للفقراء اللى بيتزلوا فى مستشفيات الحكومة، عملاء لكبار السن اللي المعاش مبيكفيهمش علاج ولا عيش حاف، باختصار عملاء لكل واحد حقه ضاع 30 سنة ومش عارف يجيبه، من الأخر احنا عملاء لشعب مصر. امال ايه حكاية الآيات القرآنية اللى إبتديتوا بيانكم الاخير بيها جبتوا ورا من المجلس العسكرى وبتهدوا الجو مع السلفين والإخوان. اولا احنا مش اعداء المجلس العسكرى كل الحكايه خلاف على شكل إدارة الأمور ولما حصل تحقيق لجزء من مطالب الاعتصام 8 يوليو وهى : 1. علانية المحاكمات وتفريغ الدوائر لها وده حصل وكلنا شوفنا أول محاكمه تاريخية لرئيس مصر (المخلوع) وكلنا فخر ان احنا بنصنع تاريخ مصر الجديد. 2. تفعيل صندوق الشهداء والمصابين وده حصل وتولى شرف الموضوع بنفسه. 3. تحويل النشطاء الى المحاكمات المدنية وده حصل بالنسبه للمعتصمين اللى تقبض عليهم فى أول يوم رمضان وتم إخلاء سبيلهم. 4. نقل مبارك من مستشفى شرم وده حصل ونتيجة النقل ممكن تسئلوا أهل شرم عليها وإزاى شرم هترجع فيها السياحه تانى وبقوة وعجلة الإنتاج هتلف. 5. وضع حد أدنى للأجور 1200 يتم دراسته الان بجديه لتحقيقه الان وليس بعد خمس سنوات كل المطالب دى تم تحقيقها بعد الاعتصام وما ينفعش حد يقلل من الإنجازات اللى حققها المعتصمين وشارك فيها معاهم شباب 6 ابريل. وعشان كده علقنا المظاهرات والاعتصامات علشان ندي فرصة للناس تشتغل ولو الوضع متعدلش هننزل الشارع تانى، اما موضوع تهدئة الجو مع السلفين والإخوان فاحنا اصلاً مش فى حرب معاهم كل الحكاية إن الناس بتتهمنا من غير محد يجي ويسأل انتوا كفره ولا مسلمين ، طيب ازاى بنحاربهم وواحد من ضمن صناع القرار عندنا إخوانى والتانى سلفى بس من غير دقن، كمان رحنا قدمنا بلاغ فى نفسنا للنائب العام للتحقيق معانا والكشف عن مصادر تمويلنا اللى هى عباره عن الاشتركات والتبرعات بتاعت الاعضاء. لسه مش مصدقين إننا مش عملاء ومش خونه لو لسه مصدقتوش الايام اللى جاية هتثبت مين اللى بيحب البلد دي ومين العميل والخاين

[osama_mma14]

شريط رهيب لعضو بـ6ابريل يتحرش بالجيش يوم 30يناير


لماذا يهاجمون الجيش ولصالح من يعملون
ليس الموضوع شهداء
ليس الموضوع تباطؤ




بل الموضوع قبل ذلك بكثير حتى قبل التحنى سجل سائح ايطالى هذا الشريط القنبله يوم30 يناير

الموضوع هو تدمير الجيش واسقاط مركزية الدولة تمهيدا لحرب اهلية يعقبها تقسيم الوطن

[Zoka18]

ggggggggggg

[Zoka18]

ffffffffggggg

[Mr.Salama]

اللهم ولي من يصلح و ارفض التخوين بشدة و طبعا الاصل ان اثق بكلامك حتي يثبت العكس و هو الذي لم يحدث حتي الان و ربنا ييسر لكم خدمة هذا الوطن و جزاكم الله خيرا
ملحوظة ( انت ذكرت في كلامك اسلامي و اخواني فهل هناك فرق؟؟؟؟؟)