#1
|
|||
|
|||
![]() هجرة مصر إلحقوا مصر معزله ( قصه بقلمى الخاص ) 0000000000000000000000000 يقف امير وصديقه محمود أمام التلفاز الموجود داخل المقهى البسيط الموجود داخل الحاره وعلى كل منهما علامات التعجب فينظر إليهما صاحب المقهى المعلم دومه ويقول 0000000000000000000000000 المعلم دومه / فى ايه ياض انت وهو ، مالك متنح كده ليه ؟ محمود / يانهار اسود المعلم دومه / سودته ليه ياابن الفقريه !! فى ايه ياض انت وهو ؟؟ أمير / مش ممكن طيب واحنا هنروح فين بس لما هى تعزل المعلم دومه / هى مين دى اللى هتعزل ياض !! امير / مصر يامعلم ،، مصر خلاص هتعزل المعلم دومه / نعم يااخويا !! هو انت علشان متعلم ومتنور قولت تضحك على المعلم الجاهل دأنا أفهمها وهى طايرة ،وبعدين هى مصر دى ايه هتنصب ، هتعزل كده من غير متدفع اللى عليها لأمريكا ، ده حتى البوليس بتاع كل الدول يجبها من قفاها ، امال ايه انتوا فاكرين الدنيا سايبه محمود / يعم احنا مالنا هما اللى بيقولو ا كده فى النشره !! هو احنا جبنا حاجه من عندنا وبعدين بصراحه احنا زودناها قوى معاها يامعلم ، عيب برضوا كل دقيقه نغلط فيها ونعيب فيها وكأنها هى السبب فى كل بالوينا ومصايبنا المعلم دومه / طيب احنا دلوقتى لما هى تعزل هتاخد حاجتها معاها يعنى النيل ده خلاص مش هيبقه عندنا والاهرمات دى خلاص هتروح طيب افرض انا دلوقتى عاوز اروح اسكندريه لأخويا المعلم زلطه ،، اعمل ايه انا !! ماهى اكيد هتاخد اسكندريه معاها !! محمود / الله اكبر متأكد يامعلم من الكلام ده المعلم دومه / كلام ايه ياض محمود / صحيح مصر لما هتعزل وهتاخد إسكندريه معاها ؟ المعلم دومه / وهى هتفرق معاك يعنى إذا كانت هتاخد اسكندريه معاها ولا لاء محمود / اصل بينى وبينك مراتى غضبانه عند اهلها فى اسكندريه وبقول يعنى ادام مصر هتعزل فايريت تريحنى من مراتى وحماتى وتخدهم معاها وانا مستعد ادفعلها مصاريف سفرهم امير / الله يخرب بيوتكم ، شوفوا احنا فى ايه وانتوا فى ايه ، بقولكم مصر هتعزل وهتسبنا ، احنا لازم نتصرف ونمنعها ولو حتى بالقوة محمود / ماتسبها ياامير برحتها هى حرة وبالمرة تخلصنى من حماتى المعلم دومه / انا معاك ياض ياامير ، يالا بينا نروحلها ونشوف مالها الست مصر دى كمان !! محمود / وانا كمان معاك ياامير ، عمرى ما هضحى بمصر علشان مصلحتى الشخصيه مهما كانت ضروريه ، وربنا بقه على المفترى والظالم ، ربنا يهدك ياحماتى 000000000000000000000000000000000000000 ويمشى المعلم دومه وامير ومحمود يروحوا على مصر وهناك يلاقوا مصر بتلم حاجتها فيقولها امير 000000000000000000000000000000000000000 امير / فى ايه بس ياست الكل مالك ؟ مصر / مالى انت تقصد فين مالى !! محمود / ايه بس ياأمنا دول حبه زعل وهيروحوا لحلهم ، ماإنت ياما سمحتينى المعلم دومه / وبعدين ياست الكل إحنا من غيرك ولا حاجه مصر / مش هتفرق كتير يامعلم دومه ، ماانتوا برضو معايه كنتوا ولا حاجه امير / بس اسمنا معاك وفى حضنك محمود / اوعدك يااما انى هروح طوالى اصالح مراتى وابوس ادين حماتى ، بس خليكى معانه المعلم دومه / وانا اوعدك ياست الكل ابطل نصب ومحطش نشاره الخشب تانى فى الشاى امير / وانا خلاص والله مش هاخد رشوه من اى حد وهعيش بشرف ، بس مش بشرف قوى يعنى يامصر ، ماانتى عارفه الظروف ، وعارفه الحاله بقت صعبه ازى مصر / إنتوا فاكرنى زعلانه منكم علشان الحاجات اللى بتعملوها دى ، هى صحيح مصايب بس كانت حنينه عليا ومكنتش بزعل منكم وكنت بدعلكم ربنا يهديكم امير / تبقى زعلانه علشان الفقر والبطاله اللى ولادك عايشين فيها !! المعلم دومه / ولا تكونيش زعلانه علشان الكوسه اللى بقت بتتباع عالنى فى كل حته محمود / إنتى أكيد زعلانه من اللى بتعمله بناتك فينا بطريقه لبسهم وكميه الميك اب والموضه العجيبه اللى طلعلنا فيها ، قال ايه لازم يكون للبنت بوى فرند ، مسخرة وقله ادب ، خلاص نسينا قيمنا وعادتنا وتقالدنا ، نسينا اننا كنا فى يوم اعظم امه 0000000000000000000000000000 وساعتها يرن جرس موبيل محمود فيقول محمود وهو بيبعد عنهم علشان ياخد حريته فى الرد على الموبيل 0000000000000000000000000 بعد ازنك يامصر أرد على الموبيل الوووو مين معايه بنت / انا ساره محمود / ساره مين ؟ ساره / اه انا اسفه اظاهر طلبت الرقم غلط محمود / ولا يهمك ياجميل انا ممكن ابقه ساره علشان عيونك ساره / هههههههه انت اسمك ايه ؟ محمود / انا اسمى محمود واصحابى بيقولولى ياحوده بس انتى ممكن تسمينى اى اسم لو اسمى مش عجبك أكيد هيكون جميل زيك ساره / ههههههههه ماشى ياحوده انا هقفل معاك دلوقتى علشان ماما بتنده عليا وهكلمك بليل ، انت بتسهر لحد الساعه كام ! محمود / انا علشان عيونك اسهر ومش انام ابدا ساره / هههههه هكلمك بليل ، سلام بقه ، بااااااى 00000000000000000000000000000 محمود / اسف يامصر إتأخرت عليكى كان الرقم غلط ، إحنا كنا بنقول إيه أه نسينا عادتنا وتقالدنا ونسينا إننا كنا اعظم امه وكنا امه رائده بتقود العالم كله مصر / وايه اللى حصل خلاكم بقيتوا كده ؟؟ المعلم دومه / انا سمعت مرة الواد عرفه بتاع الجرايد بيقول ان السبب هو الفول قال ايه الفول بوظ موخنا وخلانا بقينا زى العجول ناكل ومانشبعش ونشوف ومنتكلمش امير / وبعدين يامصر لو انتى عزلتى وسبتينى احنا هنبقه ايه ؟؟ مصر / طيب ما انا كنت معاكم قولى بقه بقيتوا إيه !! امير / بلاش السؤال ده انتى لو سبتينا دلوقتى هنبقه جيش من غير وطن مصر / وانتوا من امته كنتوا بتهتموا بالوطن امير / فى ايه يامصر بقه انتى هتعقدينى ليه !!! محمود / بصى يامصر انتى برضوا غلطانه ماينفعش نبقه ولادك وخيرك يروح لغيرنا امير / وكمان ماينفعش نبقه ولادك ونتهان واحنا جواكى وكمان واحنا براكى لمجرد إننا على إسمك مصر / وعلشان كده بتستعروا منى وفى الغربه بتخافوا تقولو انكم مصرين وعمركم ماوقفتوا مع بعد فى الغربه المعلم دومه / ما المصرى بيتهان بره يامصر وانتى كمان مايرضكيش نتغرب ويطلع سلسفين اللى جابونا علشان لقمه العيش واخرتها نرجعلك نلقيكى مصدرلنا وشك الخشب مصر/ وعلشان كده كرهتونى ؟؟ امير / مين يقدر يكرهك ولا يهينك ونسكتله المعلم دومه / انا كنت شربت من دمه محمود / كلنا كنا وقفناله وعلمناه الادب مصر / انتوا ليه عايزنى افضل ومش اعزل ؟؟ امير / لاننا من غيرك ولا حاجه محمود / لانك لو عزلتى كل الدول العربيه هتنهار وراكى المعلم دومه / علشان لو مت أندفن فيكى مصر / علشان كده بتخربوا فيا ، وكل شويه طلعين فى مظاهرات فرديه وكل اللى همكم ازى تقطعوا من لحمى وتخدوا ، ومش عايزين تداونى ومن السرقه إللى طحنتنى تشفونى المعلم دومه / إنتى تقصدى المظاهرات بتاعت 25 يناير دى تصدقوا يارجاله انا مش فاهم لحد دلوقتى هما عملوا المظاهرات دى ليه ؟ بس كان لازم اعرف وافهم أمال إيه ،، روحت سألت الواد عرفه بتاع الجرائد فقالى إنهم هينضفوا البلد !!! فضلت مستنى بتاع شهر إنهم يجوا ويشيلو الزباله اللى غطت الشارع عندنا ، ملقتش حد جه ، عرفت ساعتها إنهم إشتغلونا ولاد الإيه امير / هههههههههه زباله ايه يامعلم !!! عرفه كان يقصد بينضفوا البلد ،، انهم هيرموا الحرميه والفاسدين بره منا صبهم ،، ويسجنوا كل اللى خربوا البلد وخلونا مش لقين حتى الرغيف محمود / يعنى من الاخر يامعلم هيدلعونا المعلم دومه / يدلعونى ايه ياجدع ،، انت شايفنى عايل صغير ولا عيل فرفور من بتوع اليومين دول ،، انا امى بس هى اللى تدلعنى ، وتدينى بالجزمه كمان امير / معلش يامصر النظام السابق خلوا نصف الشعب مش فاهم حاجه ولا عايز حاجه من الدنيا غير اللقمه والنومه وأى حاجه تانيه متفرقش معاه المعلم دومه / وإحنا عايزين ايه غير كده !! محمود / والظلم اللى كنا بنشوفه على ادين اصغر مخبر فى القسم او فى الشارع المعلم دومه / ومال النضافه ، ومال المظاهرات ، ومال المخبر ، انتوا لخبطونى ياجدعان مصر / انا هفهمك يامعلم انا ابقه ايه ليك ؟؟ المعلم دومه / بلدى وأم الدنيا مصر / وكل الناس على ارضى يبقولك ايه ؟؟ المعلم دومه / منهم قرايبى ومنهم جيرانى ومنهم اصحابى ومنهم ناس مااعرفهمش مصر / الناس دى كلها ليها حق فى كل خير جوايه وانا جوايا خير كتير بس للاسف مسروق ومنهوب المعلم دومه / قوليلى بس يامصر مين اللى سرقك وانا اطلع عين اهله او حتى ابلغ الناس الكبيرة فى البلد ولو مسمعونيش هطلع على وزير الدخليه ولو ممسكهش الحراميه دول وطنش هطلع على رئيس الجمهوريه مصر / للاسف يامعلم كل الناس اللى هتروحلهم دول هما اللى سرقونى وحرموا باقى اولادى من خيرى المعلم دومه / يانهار اسود حتى رئيس الجهوريه امير / ده بقه المعلم الكبير محمود / اللى اكلها ولعه وضيع هيبتنا وكرامتنا وسط العالم وخلانه مانسويش تعريفه مصر / ومن هنا يامعلم ظهر اولاد اولادى ونزلوا ميدان التحرير وطالبو بحريتى من سجنى وطالبو بسقوط كل ظالم وكل حرامى ، قعد على كرسى سلطه وسرق من لحمى وإدى للغريب وداس على اولادى بالجزمه وماهموش ، طالبوا بسقوط نظام فاسد وفاشل خلى اولادى تبيع عيالها لجل لقمه العيش ، خلى الغنى من اولادى يدوس على الفقير ، خلى صاحب المنصب يأمر فيطاع ، خلانى بقيت جسد من غير روح المعلم دومه / يعنى المظاهرات دى كانت علشان كده والله رجاله و أولاد رجاله ايوة كده خلوا البلد تنضف بقه امير / انتى حيرتينى معاكى يامصر مادمتى فرحانه ب اولادك الثوار ، اللى حرروا ولادك من قهرهم وخلوا لسانهم ينطق ويقول كفايه ظلم ، يبقه ليه معزله وسيبانه بعد ماخلاص اولادك طردوا كل الفاسدين مصر / لانى دلوقتى شايفه اولادى اللى حررونى هما نفسهم اللى بيدمرونى منهم اللى بيتخانق على السلطه وعايز حقه ،، ومنهم اللى عايز يقطع من لحمى تانى وياخد لوحده وبيقول يالا مصلحتى الاول ومنهم اللى بيخرب فيا ومش عايزنى اقوم تانى ولا عايزنى افرح بنصر اولادى وكل همه ازى يثبت للكل انه فوق القانون ولا حد يقدر يقوله بتعمل ايه فى بلدك خايفه اولادى بعد ماحررونى من استعمرار شويه من اولادى يضيعونى بطشهم وإستعجلهم محمود / ماهما معزورين برضو يامصر كانوا خايفين ومحرومين سنين طويله وفاجاه لقوا نفسهم احرار وعايزين حقهم بقه حتى لو بدمارك بس اوعدك يامصر من النهارده مفيش مظاهرات على الفاضى والماليان ،، من النهارده فى إستثمار مش دمار ، فى عزة وكرامه وجيش قوى يدافع عنك ضدد اى معتدى من النهارده هنبنيكى يابلادى ومش هنستنى حد غيرنا يجى من بره يبنى فيكى وياخد خيرك امير / من النهارده يامصر هتكونى امنا بجد هتكونى بلادى اللى اتمنى اشوفها اعظم بلاد الكون واتباهى بيها فى اى مكان اروحه واقول ،،، انا مصرى ، انا مصرى المعلم دومه / من النهارده يامصر هفهم واعرف كل حاجه علشان ماينضحكش عليا وأكون إبنك إللى تفرحى بيه 0000000000000000000000000000 00000000000000000000000 وساعتها يدخل محمود صديق امير على امير يلقيه نايم وبيتكلم وهو نايم وبيقول 0000000000000000000000000000 000000000000000000000 امير / من النهارده مش هتعزلى يامصر محمود / تعزلى يامصر الواد بيتكلم وهو نايم ،، واله ياامير اصح ياله ، انت بتتكلم وانت نايم الله يخرب بيتك امير / مين ، فين ، ااااااااه اما كان كابوس يامحمود محمود / اه ماانا سمعتك ، بقه مصر هتعزل يامجنون قوم قوم خلينا نطله نتفسح شويه ونفك عن نفسنا امير / هنروح على فين ؟؟ محمود / على فين يعنى ، على ميدان التحرير انا سامع ان فى مظاهرات دلوقتى والضرب والسرقه على ودنه تعاله نروح يمكن ينوبنا من الحب جانب امير / عايزنا ندمر بلدنا يامحمود بعد ماحررناها انت نسيت اننا كنا من اوائل الثوار اللى كانوا فى ميدان التحرير يوم 25 يناير دلوقتى وبعد ماخلينا بلدنا فاخورة بينا عايزنا ننزل نسرقها وندمرها بلدنا امانه فى ادينا يامحمود وربنا هيسألنا عنها يوم القيامه وهيقولنا ازى دمرتوها بطمعكم وجشعكم وانا مخليها نعيم ليكم انا من النهارده هبنى بلدى وهداوى جروحها من النهارده مصر مش هتعزل ومش هتسبنا وتمشى النهايه بقلم تامر على الطويل امير الجروح
__________________
![]() رجعتلى بسمه كانت رقيقه ضايعه منى ![]() |
#2
|
|||
|
|||
![]()
بجد روووووووووووووووعه اوي
احداث جميله ومشاعر فياضه بجد كتاباتك روعه مشكور جدااااااااااااا |
#3
|
||||
|
||||
![]()
فكره حلوا اوي و خياليه جدا
و حلو ان الواحد يستخدم مواهبه علشان قضيه مؤمن بيها لكن هو ليه ديما بطل الرويات بتاعتك بيكون اسموا امير ؟؟؟؟؟؟؟؟؟؟ |
#4
|
|||
|
|||
![]() اقتباس:
اقتباس:
اسم امير ده بحبه جدا وبعدين انا اسمى امير الجروح وعيب لما اخلى بطل تانى يبقه بطل قصصى وانا اسمى الكودى موجود ده حتى امير يزعل منى هههههههه بجد نورتينى وسعيد ان قصتى نالت اعجابك
__________________
![]() رجعتلى بسمه كانت رقيقه ضايعه منى ![]() |
#5
|
||||
|
||||
![]() ياريت بجد نحافظ عليها
بلاش كل شويه اعتصامات ومطالب فئوية البلد مش ناقصة كفايه اللى بيحصل فى سينا والعريش كفاية الشهداء اللى راحو من غير تمن كفايه البلد هاتضيع ارحموها لانى مش هالوم غير شباب الثورة الاصليين لك الله يامصر انا بارفع شعار مش عايزة حد ادنى ولا زفت انا عايزة البلد تستقر
__________________
ان صمتي لا يعني جهلي بما يدور حولي |
#6
|
|||
|
|||
![]() اقتباس:
معاكى حق يالوجين ويارتنا نفهم بقه
__________________
![]() رجعتلى بسمه كانت رقيقه ضايعه منى ![]() |
![]() |
العلامات المرجعية |
|
|