نفسى حد يقولى اعمل ايه

[حلم وضاع]

انا طالبة بالمرحلة الاولى من الثانوى العام ومتفوقة فى دراستى الحمد لله ولما جائت فترة الامتحانات وقربت كنت مش بنامخالص وكنت عايشة على لقهوة والنسكافيه
ولما بروح لجنة الامتحان بستعين بربنا سبحانه وتعالى وبدعيه انى اكون مركزة فى ورقتى ومليش دعوة بالناس اللى بتبكى او بتغش واركز فى ورقتى والحمد لله ده حصل وكنت بشوف امام عيونى المراقبين بيساعدوااااااااااااااااااا الطلاب ع الغش وكنت بقول مليش دعوة وربنا اكيد مش هيساوى اللى غش بواحد ذاكر واجتهد وطلع عينه واهله تعبه ازاى فى الفلوس بتاعت الدروس ولما طلعت النتيجة اتاكدت بنفسى ان كل طالبة كانت بتغش واقسم بالله يمين احاسب عليه كل الطلبة اللى كانوا بيغشوا جايبين مجاميع فوق ال90%وانا اللى رفضت الغش واعتمدت على نفسى ورفضت انى اخالف مبادى فى النهاية جيبت كام 75.12% وانا علمى علوم وكنت خارجة من الامتحانات كنت بقول انى مش هقل عن 95% وكنت براجع مع المدرسين بتوعى وكانوا بيقولولى انى طالبة ملهاش زى لكن لما طلعت النتيجة واتصدمت كنت معرضة للموت وكانت حالتى خطيرة جداااااااا وجالى انهيار عصبى وكنت مش بكلم ودموعى لا تفارق عينى ودعيت ربى ان يخرجنى من تلك المحنة
انا عاوزة حد يقولى اعمل ايه ؟؟؟؟؟؟؟؟؟؟؟؟؟؟؟؟؟؟؟
فى مدرسين قالولى انى افضل علمى ولكن علمى متادب وانا مفهمتش يعنى ايه علمى متادب ممكن حد يقولى عنه اى حاجة لو يعرف يعنى المواد ايه اللى بتدرس والكليات ايه لو كلية ادبية هتكون من نظام علمى يعنى اعلى من الادبى بنسبة 2%
ارجواااااااااااا الافادة بالله عليكم وجعله الله فى ميزان حسناتكم

[ساعدونى]

حبيبتى " حلم وضاع "
اولاً ولا ضاع ولا حاجه
تانى حاجه احب اقولك ان اللى انتى عملتيه ده هو الصح
واللى غشوا دول خدوا ايه .. هتلا قيهم دكاتره ومهندسين فاشلين
لازم تعرفى انك انتى عملتى اللى يرضى ربنا
واعرفى ان اللى ربنا كاتبهولك هو الخير ليكى
يعنى قوليلى هو انتى مثلاً تعرفى فين الخير اكتر من ربنا .. طبعاً لأ
وحكاية علمى متأدب ديه انا معنديش معلومات عنها
لكن هسأل واقولك ان شاء الله
وفرفشى كده الدنيا متستاهلش انك تعزلى على اى حاجه فيها

[ساعدونى]

شوفى اللينك ده ممكن يفيدك

http://www.thanwya.com/vb/showthread.php?t=98021

[ساعدونى]

علمى متـــــــــــــادب هو
اول سنة من سنوات الثانوية العامة تكون اخذت فيها الكيماء يعنى تكون اول سنة علمى ثم

فى سنة ثاثة تختار الجولوجيا مع الاحياء بدلا من الفيزياء وباقى المواد واحدة يعنى تكمل علمى بس بدل الفيزياء جولوجيا

التنسيق
كلية الزراعة و جميع المعاهد الصحية وكل كليات الادبى
بس مفيش له صيدلة ولا طب بأنواعه

مبيلحقش تدخل كليات علميه غير كليات معينه وبتدخل كليات ادبيه بمجموع العلمي يعني مثلا الادبي يدخلوا السن ب 90 % انت تدخلها ب 92% كده يعني



يارب اكون افدك

[Saifallah]

اعتقد والله اعلم علمي متادب
هو ان انتي كنتي علمي وحولتي ادبي وليكي في التنسيق كليات ادبي فقط بمجاميع ادبي
يعني انتي واخدة في تانية كيمياء
في تالتة تاخدي علم نفس وتاريخ وفلسفة


وانصحك تحولي ادبي بدل ماتندمي في علمي

[sir.isra]

بصراحة مش قادر اصدقك اولا ربنا مش بيضيع مجهود حد ابداااا انا عن نفسي كنت بزاكر لدرجة اخواتي بيقولو عليا حمار مزاكرة وكنت دايما بكتب علي كل كتبي جملة efforts never go in vain او allah never let your efforts down فكان عندي امان جامد بربنا والحمد لله جبت السنة دة 97 ودخلت اعلام القاهرة ...انا اعرف ال بيتظلم بيتظلم في حاجات بسيطة مش حاجة كبيرة كدة.
بصي هو من طريقة كلامك باين انك انسانة كويسة ممكن اكون معاكي في حاجة واحدة بس هي ان لو انتي بجد كنتي بتزاكري اكيد ربنا شيلك حاجة احسن بكتير من الجامعة بلاش تقولي حلم وضاع لان دة مش بايدك.
اما انا لو منك احول ادبي علي طول انا كنت في تانية علمي وجبت 88 بس حولت ادبي وجبت مجموع محلمش بية ابدااا حولي ادبي واختاري علم نفس وفلسفة وان شاء الله تقفليهم وتعدلي مجموعك

[هدير 2012]

حبيبتي .....احب اسالك سؤال بس انتي ازاي حكمتي ان الحلم ضاع وهو اصلا لسه محدش شافه ......الحلم ياحبيبتي بنشوفه يوه ظهور نتيجة ثالثة او بمعنى اصح يوم ظهور التنسيق.....انا كنت في سنة ثانية جايبة اقل واحدة بين صحباتي البنات لكن حولت ادبي وحطيت هدف قدام عيني وفعلا انا السنة دي زايدة عنهم 3%على الاقل وانا مرحلة اولى ...والحمد لله هدخل الكلية الي انا عايزاها وهم بيتمنوا كلية والسلام والله انا مش بشمت فيهم بالعكس انا عيط لما شوفت نتيجتهم لانه مكنش متوقع....ياريت اكن عرفت اوصلك نصيحة

[حلم وضاع]

بجد والله العظيم اشكركم كلكم لانك ردتوا عليا وافدتونى بجد بس بالله عليكم ادعولى انا هتوكل على الله وهدخل ادبى وربنا ان شاء الله مش هيضيع تعبى اكيد (عسى ان تكرهوا شى خير لكم وعسى ان تحبوا شى شرا لكم)
وربنا يوفقنى انى اجيب مجموع كلية سياحة وفنادق لانى كنت بتمناه ليا بس كنت بتمناه بعد الكلية العلمى ولكن ربنا مش رايد والله اعلم الخير فين
جزاكم الله كل خير وجعله فى ميزان حسناتكم وبارك الله لكم فى اعماركم وادخلكم جنته مش اوسع ابوابها