كل سنة و أنتو طيبين ممكن مساعدة

[فهف]

سلام عايكم ورحمة الله و بركاته :
أنا الحمد لله جاتلى كلية حاسبات و أنا عايز منكم كام خدمة لو سمحتم:
1- اللاب توب هحتاجه من أول تيرم ولا لأ؟ و إيه الأمكانيات المطلوبه فيه؟
2- إيه البرامج اللى هحتاجها فى الكلية عشان أنا عايز أدرب نفسى من دلوقتى عشان لما أدخل الكلية يكون عندى فكره
3- إيه الكورسات اللى هاحتاجها
4- المواد اللى هدرسها أول سنه هتكون عملى ولا نظرى
بصراحه أنا معنديش خبرة جامده فى مجال البرمجه بس فى إعدادى أخدت دورة visual basic & html hعلى بسيط و شدنى المجال البرمجى جدا و كنت عايز اجهز من دلوقتى عشان لما أدخل الكليه أمشى فيها كويس
و كل سنه و أنتوا طيبين

[the spider mido]

انا جايب 91.5 ممكن الحق حاسبات اسماعيليه
ارجو الرد

[فهف]

الردود فين؟

[eng.ahmed55]

المشاركة الأصلية كتبت بواسطة فهف

سلام عايكم ورحمة الله و بركاته :
أنا الحمد لله جاتلى كلية حاسبات و أنا عايز منكم كام خدمة لو سمحتم:
1- اللاب توب هحتاجه من أول تيرم ولا لأ؟ و إيه الأمكانيات المطلوبه فيه؟
2- إيه البرامج اللى هحتاجها فى الكلية عشان أنا عايز أدرب نفسى من دلوقتى عشان لما أدخل الكلية يكون عندى فكره
3- إيه الكورسات اللى هاحتاجها
4- المواد اللى هدرسها أول سنه هتكون عملى ولا نظرى
بصراحه أنا معنديش خبرة جامده فى مجال البرمجه بس فى إعدادى أخدت دورة visual basic & html hعلى بسيط و شدنى المجال البرمجى جدا و كنت عايز اجهز من دلوقتى عشان لما أدخل الكليه أمشى فيها كويس
و كل سنه و أنتوا طيبين

وعليكم السلام ورحمة الله وبركاته
اللاب توب مش هتحتاجه خالص ف اولى ممكن على خفيف بس مش ضرورى خالص
دايما ف الاول هتاخد رياضة كتير وفيزياء واحصاء عشان دماغ الطلبة تشتغل شوية ويبعدوا عن الحفظ ومواد عن مقدمة ف الكمبيوتر ومجال تكنولوجيا المعلومات هتشتغلوا بس ف اولى برمجة سواء سى شارب او اى لغة حسب الجامعة ..صحيح انت ف جامعة ايه؟؟
وف المنصورة هتدرسوا html وتاخدوا فكره ف اولى عنها

[ananoo]

السلام عليكم

انا مش عارفة انت جامعة ايه بس عامتا يعني
اللاب توب مش لازم اوي في اولى , لو عندك كمبيوتر في البيت احسن تاجل موضوع اللاب لسنة تانية ان شاء الله
البرامج اللي احتجتها في سنة اولى الترم الاول كان الاوفيس بس وبعد كدة على حسب لغة البرمجة اللي هتدرسها ان شاء الله هتنزل البرنامج بتعها
بالنسبة للكورسات مش لازم تاخد اصلا تقدر تشتغل مع نفسك وتقري حاجات من النت لان حتى الكورسات مش بتديك كل حاجة
المواد اللي هتدرس في اولى اغلبها ملهاش علاقة بالكمبيوتر مفيش غير مدة مثلا كل ترم الباقي بيبقى مواد برده مهمة جدا وممكن تحتجها بغد كدة بس الواحد مبيبقاش حاسس اوي زي الفزيا والرياضة

لو حابب تبدأ من دلوقتي تذاكر برمجة ممكن تشوف الدروس دي بجد فرقت معايا جامد لما دخلت الكلية
دي المقدمة
http://www.thanwya.com/vb/showthread.php?t=69497
دي الدروس
http://www.thanwya.com/vb/showthread.php?t=71843

وبالتوفيق ان شاء الله

[فهف]

شكرا يا جماعه و أنا جامعة أسيوط

[the pop]

ياااااااااااااااااا ناااااااااااااااااااااس أنا جايب 383 لحقها ولا ؟؟؟؟؟؟؟؟؟؟

[the pop]

جايب 93.4 ؟؟؟؟؟

[ahmed abobakr]

eh ya pop kol el nas 3arfa enk gayeb 383 w kolina bend3ilak wallahi

mafesh 7ad ye3raf 7aga 3n elkalam dah ghir rabina

wafar as2ltak dih w ed3ilooo

rabina m3akom kolkom