جروب طلاب الصف الاول الثانوى

[تيتو توتى]

المشاركة الأصلية كتبت بواسطة asmaa232

دا كمان كتبته السنة اللى فاتت بعد الثورة شوفوا كدا

الحكاية حكاية شعب مصرى عسول

بقاله 30 سنة بياكل فول

وناس تانية بتعمل شوبينج وبتروح المول

وكان كل دول حاكمهم حاكم بس مش مسؤل

وكان شوية مش معدول

فجينا للحظة صدق وإصلاح مأمول

قلنا نعمل حاجة جديدة مهو بردو التغيير مطلوب

وأهو نرجع حقنا اللى بقاله سنين مسلوب

عبرنا وقلنا لأ

لأ لكل فاسد واللى من الخيانة معمول

مر يوم _ يومين _ اسبوع

فصلوا عننا النت والمحمول

بس بردو أصرينا على الحرية الحصول

وبالفعل قدرنا الوصول

للى احنا عايزينه واللى الحق عليه يقول

ودلوقتى بقى اسمه الرئيس المعزول

مش هقولكم إزاى

أصلها حكاية وممكن عليكم تطول

بس احب اقولكم انه دلوقتى فى السجن ومذلول

وأتارى الفول عمل عمايله

وبقى المصرى من القوة معمول

اكثر من الرائع اسماء ننتظر المزيد ويبقى الاصل وعلى فكره انتى لازم تهتمى بالموهبه اللى عندك دى لانها بجد رائعه مش زى غيث كل لما تيجى تكتب حاجه تكتبها غم معلش بقى يا غيث انا بهزر والله وبجد مبدعه يا غيث واستمرى على كده

[asmaa232]

المشاركة الأصلية كتبت بواسطة تيتو توتى

اكثر من الرائع اسماء ننتظر المزيد ويبقى الاصل وعلى فكره انتى لازم تهتمى بالموهبه اللى عندك دى لانها بجد رائعه مش زى غيث كل لما تيجى تكتب حاجه تكتبها غم معلش بقى يا غيث انا بهزر والله وبجد مبدعه يا غيث واستمرى على كده

ميرسى يا محمد دا من زوقك
وبالنسبة لغيث عايزة اقولك انه بردو لازم التنوع انا كتبت كمان حاجات حزينة وغم كدا ف الاول خالص اول ما بدأت اكتب اصلا ما علينا المهم يعنى كنت عايزة اوصلك انك لما تكتب حاجة بتكون عبارة عن إحساسك وقتها ...