ادخل وقول رأيك

[aah2006]

انا طالب جايب 97 فى المية علمى علوم ومش مؤيد للمظاهرات رغم انه مجموع يودى ورا الشمس بس خلينا نعترف ان الامتحنات السنة دى لا تقيس الفروق بين الطلاب وكمان كان فى غش شبه جماعى على مستوى الجمهورية لان المراقبين كانوا واخدين تعليمات انهم مايشددوش اللجان وده للاسف ظلم ناس كتير وكمان ظلم البلد لان فى ناس كتير حيخدوا اماكن فى كليات لا يستحقوها و حسبى الله ونعم و الوكيل فى كل مدرس سيب لجنة وربنا يوفق كل طالب لجتهد وذاكر و جاب مجموعه بمجهوده ... وشكرا

[issac-newton]

الحمد لله بكل فخر واعتزاز كل ربع درجة في مجموعي بعد توفيق ربنا فهي باسمي حتى في الدين حتى في التربية الوطنية
و الي يتكلم عليا يوريني عينه

[amr ali yasser]

انا فعلا سمعت ان فيه لجان معينه كان فيها غش جماعى السنه دى وبالذات فى المرحله الاولى

انا والله جايب مرحله تانيه 98.78 بمجهودى ومش مؤيد للمظاهرات بسبب واحد بس

مش هتودى ولا تجيب

[العم الكبير]

[quote=aah2006;3741268]انا طالب جايب 97 فى المية علمى علوم ومش مؤيد للمظاهرات رغم انه مجموع يودى ورا الشمس بس خلينا نعترف ان الامتحنات السنة دى لا تقيس الفروق بين الطلاب وكمان كان فى غش شبه جماعى على مستوى الجمهورية لان المراقبين كانوا واخدين تعليمات انهم مايشددوش اللجان وده للاسف ظلم ناس كتير وكمان ظلم البلد لان فى ناس كتير حيخدوا اماكن فى كليات لا يستحقوها و حسبى الله ونعم و الوكيل فى كل مدرس سيب لجنة وربنا يوفق كل طالب لجتهد وذاكر و جاب مجموعه بمجهوده ... وشكرا[/quote]
انت تكلمت كلام عقلانى علشان كده انا احب ارد عليه على بلاطه انت متضرر من اللى جايبين اكتر من 98.5 لان عددهم 7000 طالب و انا حب اسالك سؤال و انت مخك كبير اللى جاب السنة دى 100 يبقى علشان يوصل للمجموع ده لازم يكون جاب فى تانية ثانوى 97 و اعتقد ان ده مجموع كويس اوى بالنسبة للسنة اللى فاتت و نسبة الغش ضعيفة و الامتحانات معقولة اذن يستحق و بالكامل دخول طب-انا رياضة بالمناسبة-ده رايى و اتمنى انى اشوف اراءك على طول

[vito123]

انا راي ان في ناس مش تستحق انا عموما جايب 97.68 في الميه يعني لحد دلوقتي في فرصتي في الطب ضعيفه لكن مش مستحيلة وعندي امل في ربنا اني ادخل طب وحاسس اني هدخلها لكن كل الي يجيبوا ربنا كويس ولتاني مره بقول ان في ناس اتظلمت و يا ريت محدش يقول اني بحقد علي حد او حاجه بس بقول ان كل واحد لازم يرضي بالي ربنا كتبه ليه

[aah2006]

انت تكلمت كلام عقلانى علشان كده انا احب ارد عليه على بلاطه انت متضرر من اللى جايبين اكتر من 98.5 لان عددهم 7000 طالب و انا حب اسالك سؤال و انت مخك كبير اللى جاب السنة دى 100 يبقى علشان يوصل للمجموع ده لازم يكون جاب فى تانية ثانوى 97 و اعتقد ان ده مجموع كويس اوى بالنسبة للسنة اللى فاتت و نسبة الغش ضعيفة و الامتحانات معقولة اذن يستحق و بالكامل دخول طب-انا رياضة بالمناسبة-ده رايى و اتمنى انى اشوف اراءك على طول[/quote]


انا بالنسبة لى مش فارقة كل اللى يجيبه ربنا كويس وطبعا فى ناس متفوقة ودماغها كويسة ويستحقوا المجموع الكبير لكن بردو للأسف اللجان مكنش فيها تشديد زى السنة اللى فاتت بس الحمد لله على كل شئ وربنا يوفق اللى اجتهد و ذاكر وجاب مجموعه بمجهوده

[ArabianPDA2]

المشاركة الأصلية كتبت بواسطة aah2006

انا طالب جايب 97 فى المية علمى علوم ومش مؤيد للمظاهرات رغم انه مجموع يودى ورا الشمس بس خلينا نعترف ان الامتحنات السنة دى لا تقيس الفروق بين الطلاب وكمان كان فى غش شبه جماعى على مستوى الجمهورية لان المراقبين كانوا واخدين تعليمات انهم مايشددوش اللجان وده للاسف ظلم ناس كتير وكمان ظلم البلد لان فى ناس كتير حيخدوا اماكن فى كليات لا يستحقوها و حسبى الله ونعم و الوكيل فى كل مدرس سيب لجنة وربنا يوفق كل طالب لجتهد وذاكر و جاب مجموعه بمجهوده ... وشكرا

أولاً اعلم انك انسان عاقل بعدم تأييدك للمظاهرات "مع انهم 100 عيل اصلا هناك"

وبجد اشكرك وهنئك علي موقفك ده يا دوك

ثانياً مجموعك بيس ويدخلك صيدله don't worry

ثالثاً دي كلمه لجيمي (شكلك فاهم يا نصه)
فيها ايه لو جبت امتحان فيزيا زي 2008 مش كنا دلوقتي
بنلعب ف95 حد ادني للصيدله
يلاااااااااااااا اشرب بقي

[دكتورة منة]

ده الغش كان ظاهرة فعلا بقى ؟
مش فى المنصورة بس اصل كل الطلبة برده كانت بتشتكى من الحكاية دى فى المنصورة
بس الظاهر انها طلعت على مستوى الجمهورية
عموما انا مش عارفة اقول ايه الحكاية دى مستفزة الظاهر هما فاكرين ان الطلبه المصريين كلهم غشاشين
او هيفرحوا لما يسيبوا اللجان ساببة

وفى النهاية ربنا عمره مابيضيغ حق حد ماحدش عارف الخير فين
وان شاء الله تدخل صيدلة لو مجموعك ماجبش طب
المهم انك رضيت ربنا وعملت اللى عليك واللى غش ده عمره ماهيوصل لحاجة صدقنى حتى لو دخل طب
انا سمعت عن نماذج كتير من الغشاشين وعمرهم ماكملوا فيها

بتمنالك التوفيق ان شاء الله

[نؤنؤة...]

ممممممممم انا حاسة فعلا ان المظاهرات دى مش هاتغير حاجة ومالهاش اى لزمة انا برضو جايبة زيك بس 97.2 ومش عارفة اذا كنت هالحق صيدلة ولا لا بس الحمد لله ع اى حاجة والخير ديما فيما اختاره الله وف الاول ف الاخر ده نصيب وانا املى ف ربنا كبير وواثقة ان تعبى ومجهودى مش هايروح ع الفاضى وان ربنا ان شاء الله هاينولهالى

اهم حاجة انا فرحاااااااااااااااااااااااااااااااااانة اننا خلصنا الثانوية دى كفاية اووووووووى

[mostafahero]

دلوقتى بنندمم ان الامتحانات سهله وكنا بتقول هتروح على التحرير لو جت صعبه والله الناس الشاطره اتظلمت لان لو كانت الامتحانات اصعب كانوا هيجيبوا نفس المجاميع والفاشلين الغشاشين هيسقطوا وللاسف الشاطرين ما بيعرفوش يغشوا حتى ولو ورقه الاجابه قدامهم على العموم انا جايب 404.5 وربنا يستر والحق طب المنصوره ويارب يحقق حلم كل من تعب ويستحق بجد يارب يارب