وجهة نظر (معلم.طالب).......!

[psychology]

بصفتى مدرس لمادة علم النفس وقرأت كل الردود السابقة من الطلاب الاعزاء ممكن اقول
العلاقة بين الطالب والمعلم يجب أن تغلف بالاحترم والادب أولا لأن المعلم هنا حامل للعلم والطالب مستقبل لهذا العلم ولا يوجد شئ اسمى من العلم وأشرف منه فيجب أن يتحلى المعلم والطالب بأخلاقيات هذا العلم
ممكن الطلبة تقول ده كلام دبلوماسى طيب فى الواقع دلوقت العلاقة شكلها عامل ازاى؟!!
عشان يكون فيه حيادية
هناك نوعين من المعلمين
الاول: يحب المادة جداً ويستمتع أثناء الشرح ولايشعر طلابه بالملل منه أو من المادة ينظر الى طالب على انه أخوه الاصغر منه يخاف على مصلحته يتابع الطالب أول بأول ويصل بالطالب الى بذل اقصى مجهود فى مادته ليحصل على مجموع كبير فيها وده ثمرة تعب المعلم والطالب معاً . فهو لا يشرح المادة فقط بل يكسب الطالب معها بعض القيم الجميلة وده مش هاينفع الا اذا كان المعلم نفسه يتحلى بهذه القبم.
النتيجة هنا ان الطالب هيحترمه ويحبه ويقدره ويراه مثل اعلى يقتدى به
الثانى: لاأريد التحدث عنه بس الامر لله اكلم بقى لأنه جعل العلم سلعة يتغير ثمنها حسب احوال السوق الطالب عنده يساوى كام؟!
نسى انا رسول الله صلى الله عليه وسلم قال (انما بعثت معلماً)
لا يشرح بضمير فى الفصل ويظلم الطلاب اللى مش بياخدوا عنده درس فى أثناء التصحيح الامتحانات ودرجات أعمال السنة ويعطى درجات غير مستحقة للى بياخدوا عنده درس
بالاضافة انه لايهتم بشكله وسلوكياته امام الطلاب والاخرين شكلها ايه
النتيجة هنا
هانوا على انفسهم فهانوا على الاخرين