الاعتصام ام الاضراب ؟

[أ/مصطفى محمود]

دائما اسأل نفسي هذا السؤال
واتمنى تفكروا معايا
طبعا انا متعاقد بالازهر وتعقدت منه تقريبا
السؤال : هل الاعتصام ام الاضراب هو الانفع لنا؟
وتعالوا افهمكم وجهة نظري
طبعا اغلبنا هيروح الاعتصام يوم الاربعاء 27/7 باذن الله ( اتمنى ذلك..الكل وليس بعضنا)
ولكن..تفتكروا هيكون في نتيجة ولا هنقف و هنقف وهنقف..و مفيش حد يسأل فينا كالعادة..
شيخ الازهر مش عارف ..هل هو حاسس بينا ومطنش ولا مش عارف يتصرف ولا ايه بس..
دلوقتي الامتحانات خلصت والنتايج طلعت والامور ارتاحت فممكن يقول شيخ الازهر / سيبوهم يعتصموا زي مسمعنا قبل كده - انه متضامن معانا" قمة المهزلة والمسرحية الكمودية " - وخلاص خلصنا امورنا هيزهقوا..
وهل سننتظر طول فترة رمضان و عيد وبعدين امتحانات الشهادة الدور التاني اغلبنا مش بيطلع..يعني تعب بالكدب...
السؤال لماذا تساهلنا وكانت بيدنا القوة في الاضراب عن الامتحانات ووقفناها ، ولا خفنا وبعدين ليه ما أضربنا عن التصحيح في الدور التاني وكانت هتبقى اسلوب ضغط قوي معانا..ناس هتقول حرام.. مش ذنب الناس ان ولادهم تتاخر نتيجتهم..و نا هرد واقول تفتكروا اصلا ان امتحانات الازهر دي امتاحانات..دي اكبر مسرحية ..الطلاب داخلين واغلب اولياء الامور عارفين وسمعة الازهر معروفة انه الازهر في غش صريح جدا جدا..فبلاش نتكلم وخلينا ساكتين احسن.
طيب لو وصلت العملية للدراسة وجه وقت التجديد للعقود ( لبعضنا طبعا ) هل هنجدد ؟ - ههههههه قمة المسخرة -
وهل لو جددنا هنعرف نشتغل ؟
انا هقولكم على اللي و صلت له :
1- طبعا ضيعنا من ايدينا اكبر وسائل الضغط.
2- طبعا ممكن يطنشوا واحنا هنبهدل بس
3 - لو جه وقت التجديد..انصحكم بالتجديد فورا وبعدين.
4- تروح تمضي زي الباشا الصبح و متدخلش حصص و نروح كلنا نقف حداد على ارواح العقود قدام كل منطقة..وخلي الثابتين - واللي مفروض يقفوا معانا - وشيخ الازهر واعوانه يجوا يشرحوا للطلاب..
وهكذا كل يوم.بس تفتكروا انها هتوصل لبداية الدراسة..وهنبقى قاعدين
انا واحد مثلا بالتاكيد هزهق من الاعتصام....ومن الازهر..ومن مصر..و ممكن امشي وسيبها.وربنا يستر

[يارب عفوك]

كلامك مضبوط انا ارى ان الاضراب افضل ولكن الناس خايفه وبتقول لازم كلنا نضرب مش معهد يضرب والتانى لا
بس لازم نعمل مظاهرات ونعمل لهم قلق يمكن يكسفوا على دمهم