جبت 99.3 % و محتار ما بين ...

[medozoro]

يا جماعة ....... انا طالع من تانية ثانوى و جبت 99.3 % الحمد لله .......... و مش عارف ادخل علمى علوم

ولا علمى رياضة ....... ؟؟؟؟؟؟

بصراحة انا كان حلمى من زمان ادخل هندسة بترول .... و ده كان عشان انه مجال سهل و كنت فاكر ان

الشغل متاح و المرتب عالى ...... بس اتصدمت لما كلمت مهندس بترول و قالى يا ريتنى ما دخلتها ....... قالى ان

مجالات شغلها تعبانة خالص ..... بمعنى ان كل طالب ما لوش مكان محجوز خصوصا لو حكومى ........ لان الكليات


الخاصة الطلبة اللى فيها ولاد ناس يا اما ليهم شركة بترول او ليهم علاقة جامده باحدى الشركات ..... واسطة يعنى م


الاخر .... و ضامنين لاولادهم انهم يشتغلو ......... اما الطلبة الحكومية اخر ناس يتفكر فيها ........ و فى كذا دفعة


متخرجة و مش لاقية شغل لولا الاحتجاج اللى عملوه و اللى خلى الحكومة تتضغط ع الشركات انها تشيل فوق طاقتها


...... و قدرت تعين قلة قليلة جدا ....... ده حتى الباش مهندس ده مش لاقى شغل مع انه طالع الاول ع الدفعة و الله


.. و كان 12 ع الجمهورية ف الثانوية ..... اللهم الا الشغل اللى جاله بعد """""""""""" سنه """""""""""" من التخرج


"""""""" سنه """"""" و كان اشراف ف الصحرا ....... المهم

شغل مقرف ما عجبهوش .... سابه و كمل ف الجامعة


البريطانية .... """ محظوظ ان الكلية هتاخد معيدين ... يعنى انا ما اضمنش زيه """ .... و هو رشحلى طب اسنان .....


يعنى علمى علوم ...



.... المهم عشان ما اطولش عليكو ......


ده كان حلمى "" هندسة بترول "" و للاسف ضاع ..... و دلوقتى

بفكر ف كليه تجيبلى وظيفة و مرتب كويس بعد التخرج ان شاء الله .......



تفتكرو ادخل ايه ؟؟؟؟ يا ريت حد يقولى بسرعة لان انا هموت من القلق ..... و الحيرة ...

[MOSTAFA ASHOUSH]

بص انا كنت ف تانية جايب 97.3 و كملت رياضة وانا هدفى ان انا اخش هندسة عادية خالص عشان فعلا فيها اقسام حلوة كتير
عندك مدنى وميكانيكا وعمارة وطيران ...................
والحمد لله جبت ف مجموع تانية وتالتة 99.1 والناس قعدت تقولى روح بترول بس برضو ناس قالتلى الكلام اللى انت قولته ده فشلتها من دماغى خااااااالص
وعشان ما اطولش عليك بص
اذا كنت بتحب الرياضة اوى وما بتحبش الاحياء اوعى تعمل حاجة ما بتحبهاش عشان مش هتبقى مستريح
وعلى فكرة شغل الهندسة متوفر جدا وبمرتبات مجزية خصوصا الاقسام اللى قولتلك عليها

ومعلش يا سيدى طولت عليك ويا رب اكون افدتك

[Eng. Mahmoud Zizo]

أولاً :- شيل حكاية الناس قالوا والحاجات دي من دماغك .. وبالنسبة لهندسة بترول فهي كلية محترمة جداً لكن يمكن شغلها مش متوفر اوي فى مصر

بالنسبة للهندسة العادية فدي بقى مش هوصف لك فيها ولا هقولك هتحس بإيه وأنت فى هندسة ... بجد كل مجالات العمل قدامك

يعني مهندس الميكانيكا ... متاح قدامه كل قطاعات البترول .. والسيارات ... والغلايات وتوليد الكهرباء ( وانا قسم ميكانيكا على فكرة )

وفي أقسام تانية جميلة كتييير زي مدني وكهرباء والحاجات دي الشغل فيها متوفر وكويس جداً


نصيحتي ليك إتك تختار اللى بتحبه ... لو بتميل للفهم يبقى علمي رياضة بدون تفكير ... لو قدراتك على الحفظ كويسة وعندك مقدرة انك تقعد فترات كبيرة على الكتاب ... وعامل حسابك انك هتخل الكلية تذاكر بنفس المستوي يبقى علمي علوم

نصحتي ليك كشاب بقى

إتك تدخل هندسة عادية عدد سنينها مش كتير اوي ولا قليل اوي يعني 5 سنين
وكمان بإذن الله شغلها موجود فى كل حتة وإبداعك متوقف على ذكائك يعني مفتوح قدامك اي حاجة ... وكمان هتتخرج صغير مش كبير وده مهم

ربنا معاك بإذن الله

[FirstMan08]

بسم الله الرحمن الرحيم انا كنت جايب 99% في سنة تانية ومفيش حد مقالش ادخل علمي علوم و لما أي حد يعرف إني جبت 99% و دخلت علمي رياضة يبقي مستغرب بس انا اخترت لاني بحب الرياضة و انت لازم تشوف انت بحتب ايه اكتر وايه اللي هتمفمه احسن و متسمعش من حد و اديني كملت و جبت مجموع السنتين 99.8% ومش عارف أدخل بترول ولا لأ و بنسبة 70% شيلتها من دماغي و هدخل هندسة عادية
بردو هتلاقي الناس بتقولك خسارة مجموعك ده ومتدخلش هندسة بترول أو علمي علوم
الناس دي فكك منها خالص و اعمل اللي انت عايزه و في النهاية استخير ربنا و ربنا يقدم اللي في الخير بإذن الله

[shimaa gooda]

لا الاحسن بترول انا شايفه كده انا بابايا بترول وتمام اوى الحمدلله ما اشتغلش بواسطه كذلك واحد قريبنا فى بترول ومدخلش بواسطه وشغال والحمدلله اهم حاجه اللى انت عاوزه مش اكتر وانا فى 2 ث وهكمل رياضه باذن الله وهخش هندسه عادية