اكمل علمي علوم ولا احول رياضيات 2 ؟ ساعدوني

gedo58 · #1 22-07-2011, 02:26 PM

انا جبت السنة دي 94% وانا اصلا علمي علوم بس بعد المجموع ده كل الناس واهلي قالولي حول رياضة وانا مش بحب الرياضة بس كلهم قالوا ان انا لو كملت مش هلحق حتى صيدلة والاحسن اني احول عشان الحق هندسة انا مش عارف اعمل ايه حايف اكمل وخايف احول حد يساعدني

amr ali yasser · #2 22-07-2011, 02:32 PM

طب انا جايب 98.5% ونفسي حد يقولي اكمل ايه وانا مش بحب الأحياء بسبب اولي ثانوي والرياضة 2 مخدتهاش قبل كده ياريت حد يقولي

هارى12345 · #3 22-07-2011, 02:40 PM

اقتباس:

المشاركة الأصلية كتبت بواسطة gedo58

انا جبت السنة دي 94% وانا اصلا علمي علوم بس بعد المجموع ده كل الناس واهلي قالولي حول رياضة وانا مش بحب الرياضة بس كلهم قالوا ان انا لو كملت مش هلحق حتى صيدلة والاحسن اني احول عشان الحق هندسة انا مش عارف اعمل ايه حايف اكمل وخايف احول حد يساعدني

ان شاء الله لو كملت علمى علوم ممكن تجيب 97% بس دى عايزاك تشد حيلك على الاخر وفى الحاله دى بأذن الله ممكن تلحق صيدله او علاج طبيعى
ولكن الاضمن انك تحول رياضه وتشد حيلك بردو ولو مثلا جبت 96 فانت هتدخل هندسه او حاسبات ومعلومات مرتاح جدااا
بس فى الاول والاخر يرجع ليك انت شوف الكليه اللى حاببها اكتر
من رأيى خليك فى رياضه 2
محدش يعرف الظروف... ممكن التنسيق يبقى عالى علشان المجاميع عاليه اوى السنادى
ربنا يوفقك

karimadel7 · #4 22-07-2011, 02:41 PM

اقتباس:

المشاركة الأصلية كتبت بواسطة gedo58

انا جبت السنة دي 94% وانا اصلا علمي علوم بس بعد المجموع ده كل الناس واهلي قالولي حول رياضة وانا مش بحب الرياضة بس كلهم قالوا ان انا لو كملت مش هلحق حتى صيدلة والاحسن اني احول عشان الحق هندسة انا مش عارف اعمل ايه حايف اكمل وخايف احول حد يساعدني

أنا مش عايز أحبطك بس انت محتاج حوالي99٪ في تالته عشان تلحق حاجة كويسة
بس انت ما بتحبش الرياضة و ديه مشكلة كبيرة خاصة ان الامتحانات غالبا هتيجي صعبة

أنا في رأيي انك تشد علي نفسك جامد جداً و توكل علي الله علمي علوم و لو ملحقتش حاجة طبية ممكن تدخل تجارة أنجلش و هي كلية محترمة جداً علي فكرة

هارى12345 · #5 22-07-2011, 02:46 PM

اقتباس:

المشاركة الأصلية كتبت بواسطة amr ali yasser

طب انا جايب 98.5% ونفسي حد يقولي اكمل ايه وانا مش بحب الأحياء بسبب اولي ثانوي والرياضة 2 مخدتهاش قبل كده ياريت حد يقولي

انت مش فارقه معاك طب او هندسه؟؟؟؟؟؟؟
مفيش حاجه اسمها مش بحب الاحياء علشان اولى.انت اكيد ما ذاكرتيش فى اولى علشان كده استصعبتها
وكرهتها
بس بص لغيرك اللى بيجيبوا 50 و 49
اكيد فيه ناس كتير مكنتش بتحب الاحياء بس هيعملوا ايه يضيعوا نفسهم علشان بحب ومبحبش؟؟؟
اهى ماده زى كل المواد اللى هتذاكره هتمتحن فيه .
ورياضه 2 الناس كلها مخديتهاش قبل كده بس المستر قالى انها سهله جدا
قوانين هتحفظها وتحل الاسئلة ومع السلامه .
ومادة جديدة بالتأكيد لازم تكون صعبه على الكل بس اللى بيشد حيله بيلاقيها انها سهله جدااااا
مجموعك ما شاء الله الف مبروووك
هتكمل احياء كملى ........عايز رياضه 2 براحتك
ده مستقبلك انت