الزبالين احسن من مدرسى الأزهر المتعاقدين ولا ايه رأيكم؟؟؟؟؟؟؟؟؟؟؟؟

[مصطفى1234]

تثبيت 2694 "زبالا" بالجيزة ومذكرة للمالية لاعتمادهم بشكل نهائى

قال المهندس عمرو أبو السعود رئيس الهيئة العامة للنظافة والتجميل بمحافظة الجيزة، فى تصريحات خاصة، أنه تم تثبيت 2694 عاملا من عمال الهيئة العاملين فى قطاع النظافة بشكل دائم ونهائى بعد مرور 3 سنوات على تواجدهم فى العمل.

وأوضح أبو السعود أن العمال الذين تم تثبيتهم منهم من قضى 13 عاما وآخرون 10 أعوام، متعهداً بتثبيت جميع العمال التى ستقضى فى عملها داخل الهيئة خلال الفترة القادمة ثلاث سنوات.

وكشف أبو السعود عن إعداده مذكرة الآن سيتم إرسال نسخة منها إلى الدكتور على عبد الرحمن، محافظ الجيزة، لاعتمادها ثم مخاطبة جهاز التنظيم والإدارة لإنهاء الإجراءات واعتمادها، ثم يتم إرسال نسخة منها إلى وزارة المالية لاعتمادها بشكل نهائى.

يأتى ذلك بعدما تظاهر المئات من عمال الهيئة العامة للنظافة والتجميل بمحافظة الجيزة أمام مقر الهيئة بشارع الأنصار بمنطقة بين السريات بالدقى، احتجاجاً على ضعف مرتباتهم والجزاءات التى يتعرضون لها وسوء الخدمات المادية والصحية المقدمة لهم، وعدم تثبيت جميع العاملين فى ظل قضاء آلاف منهم أكثر من عشر سنوات داخل الهيئة.

اليوم السابع

http://www.youm7.com/News.asp?NewsID...97&IssueID=168

[تحيامصر777]

طبعاً احسن واحسن كمان بس احسن من مدرسين الازهر لاني مدرسين التربية والتعليم اغلبهم اتثبتوا مش ذي ما بيقولوا ده تثبيت شكلي ومفيش اي مدرس اتثبت احنا فعلاً اتثبتنا واتثبتنا جامد كمان والله لو كان في عدل اللواحد مكنش هيزعل بس ليه مدرس التربية والتعليم يتثبت ومدرس الازهر ميتثبتش المساواة في الظلم عدل العيب منين ياتري من الازهر ولا التنظيم والادارة ولا صفوت النحاس ولا شيخ الازهر ولا المناطق الازهرية ولا حسني مبارك وصي علينا ههههههههههه

[محمد ابراهيم عبد الباقى]

تحية وتقدير لكل المعتصمين ودعوة لكل معلم للإنضمام للمعتصمين
لازم وزارة الكلاب دى تتضرب بالجزمة هى والعاملين فيها ووزيرهم الذى يعد أحد أهم رجال أمانة السياسات التى تم إنشاؤها خصيصا لجمال مبارك ومشروع التوريث *علشان يسرقوا وينهبوا أموال المعلمين والوزارة وياخدوا مرتبات بالملايين حسبى الله ونعم الوكيل فى الفساد والفاسدين

[omda2008]

فعلا الزبالين احسن لانهم طالبوا بحقوقهم وما ضاع حق وراؤه مطالب

[ايادممدوح]

المشاركة الأصلية كتبت بواسطة تحيامصر777

طبعاً احسن واحسن كمان بس احسن من مدرسين الازهر لاني مدرسين التربية والتعليم اغلبهم اتثبتوا مش ذي ما بيقولوا ده تثبيت شكلي ومفيش اي مدرس اتثبت احنا فعلاً اتثبتنا واتثبتنا جامد كمان والله لو كان في عدل اللواحد مكنش هيزعل بس ليه مدرس التربية والتعليم يتثبت ومدرس الازهر ميتثبتش المساواة في الظلم عدل العيب منين ياتري من الازهر ولا التنظيم والادارة ولا صفوت النحاس ولا شيخ الازهر ولا المناطق الازهرية ولا حسني مبارك وصي علينا ههههههههههه

والله العظيم انتوا لسة مش عارفين العيب فين


انا مش متخيل والله ان فيه ناس بالشكل ده



انت بتال بجد ولا بتهزر




انت فعلا مش عارف العيب في مين في دول



احنا ولا الازهر ولا التنظيم والادارة



دي تبقي مصيبة لو ما تعرفوش

[John.thmith]

برضو كدا يامولانا ياشيخنا ياللى بصراحة ثقتنا فيك اهتزت
لانك لم تفى بوعدك فى تثبيت العقود
الواحد خلاص مل ليه كدا ؟؟؟؟؟؟؟؟؟؟؟؟؟؟
دا حنا كنا متوقعين ان تثبيت الازهريين سيكون قبل التربية والتعليم بسنوات
وذلك لتفوقنا عليهم ف عدة اشياء وأهمها اننا كلنا داخلين بمسابقات رسمية وبعيدا ع الكوسة
والمحسوبية كلنا معينين بناءا على التقادير والاقدميات والاعلى مؤهلات
لكن للاسف لقد خذلنا واصبح الذين هم تعاقدوا بالكوسة وباعضاء مجلس الشعب من فلول الحزب الوطنى
هم الان معينين ونحن مازلنا عقود اين انت ياشيخ الازهر اين انت؟؟؟؟؟؟؟
هو احنا اتغيرنا ليه؟؟؟؟؟؟؟؟ ولا هو كان موت وخراب ديار وبس بالنسبة للشهداء والناس اللى قامت بالثورة بصراحة حرام حرام حرام
على فكرة اى عامل فى اى قطاع له ضماناته وحقوقه حتى ف السياحة اللى احنا بنقول عليها حرام
الواحد منهم لو استقال من الشركة او الفندق او اى شىء كان .......بعدها بيقدر يشتكى وياخد تأمين
او معاش وما الى ذلك ........لكن احنا لو اتفسخت عقودنا فالى اين يكون مصيرنا ؟؟؟؟؟؟؟؟؟؟؟؟؟
نحن نفتى ونقول حرام العمل ف السياحة ونسينا انه ع الاقل هناك بأن مدير الفندق لو وعدهم بالتثبيت لثبتهم فورا فما بالنا الى الازهر يعد ويخلف ويتباطىء العاملون فيه .............اين نحن الازهريون
اين الفتاوى وعدم التطبيق وصدق الشيخ الشعراوى حين قال (زهبت الى بلاد الغرب فوجدت الاسلام بلا مسلمين ولما رجعت الى المسلمين فوجدتهم خاليين من الاسلام)

[ابو مريومة]

يا جماعة لو سمحتم كل واحد يتكلم على نفسه بلاش تجريح او غلط الزبالين بني ادميين على راسنا من فوق وعملهم عمل شريف محدش مسلم ينكر ده بس الاعمال درجات مفيش اى وجه مقارنة بين التدريس ولم الزبالة
ياريت متصغروناش كفاية كده
انا على نفسي مش شايف بشر
عيب
انا اسف لاسلوبي الجاف بس المقارنة دي نرفزتنى حريتك تنتهي عند بداية حرية الاخرين

[أبوجنة]

ربنا يصلح حال الجميع
الاخ الفاضل برجاء انتقاء الالفاظ
أنت قدوة ومربى ومعلم
أتق الله فى ما تقول
أنت تحمل أشرف رسالة
رسالة الانبياء