لا جديـــــــــــــــــــد

[إبراهيم الهادى]

لحد دلوقتى ما فيش متعاقد فى الأزهر أتثبت لسه مكلم موظف فى المشيخة وقاللى كله إشاعات ودى مجرد كشوف وقاللى أعماو مظاهرات عشان تتثبتوا يعنى ما فيش قرار وما فيش تاريخ للقرار ولا توقيع شيخ الأزهر عالتعيين ولا أى حاجة خالص تثبت أن ال3 محافظات أتثبتوا ولو أتثبتوا فعلاً مش كانوا بيقولو على موقع الأزهر التعليمى هننشر الأسماء فى صوت الأزهر وأدى أهى نزلت وما فيهاش حاجة ما الحل إذاً.

الإعتصام هو الحل
أناشد جبهة معلمى الأزهر ( أشرف منصور ، محمد صحصاح ، عبد الباعث ) أن يحددوا ميعاد للإعتصام أمام المناطق والمشيخة

أخوكم إبراهيم الهادى
منطقة الشرقية
0128405584

[ostaz_yasser83]

انا خلاص مش قادر ايه الذل دةةةةةةةةةة حرااااااااااااااااااااااااااام

الملك النائم عضو جديد

هام وعاجل للمتعاقدين اخر اخبار التثبيت الحقيقى</STRONG>

بسم الله الرحمن الرحيم

الاخوة المتعاقدون

تحية طيبة وبعد

اولا : اقسم لكم هذا ما حصل
اتجهنا 28 فرد الى الدكتور احمد الطيب فى منزله بالاقصر ( ساحة الطيب ) يوم الجمعة و قد قابلناه و عرفنا كل شىء حقيقى عن موضوعالتثبيت و هذه خلاصة ما حصل
1- لم يتم تثبيت اى متعاقد فى الازهر الى الان
2-انه خاطب وزير المالية السابق( سمير رضوان ) فى موضوع تثبيت متعاقدى الازهر وقد ابلغه وزير المالية ان اعداد الازهر كبيرة جدا ولن يستطيع تثبيت كل هذا العدد
3- اقترح الدكتور احمد تثبيت دفعتين وهم 2005 و 2006 حتى يطمئن باقى المتعاقدين فى بقية الدفع و يجدد التعاقد لباقى الدفع ورد عليه الدكتور سير رضوان ان هذا الام سوف يستفرق شهرين ثم بعد الضغط على سمير رضوان قال له هنشوف ممكن نقدر نعمل ايه بعد اسبوع وهرد عليك فى امكن والا مفيش لو فى كان بها لو مفيش جدد العقود تانى
4- تم اقالة الدكتور سمير رضوان بالامس ( وضاع معه وعده لشيخ الازهر )
5- الدكتور احمد قال بالحرف الواحد انه لم يتم تثبيت اى متعاقد فى الازهر الى الان و عن الشائعات التى تنتشر كل يوم فى الجرائد والازاعات عن تثبيت متعاقدى الازهر قال بالحرف الواحد انا مش مسئول عن اى تصريح لا يخرج على لسانى و لو حصل و كان فى تثبيت انا اول واحد هعلن الخبر فى كل مصر لان دا شىء اتشرف به
6- ردا على احد الزملاء فى سؤال موجه للدكتور احمد ان متعاقدى الازهر سوف يقومون بعما اضراب عن التجديد فى حالة عدم التثبيت رد بالحرف الواحد بصراحة مش عارف اقلكم ايه هوا حقكم بس مقدرش اقلكم حاجة و انا والله متضامن معاكم و عارف ان فيه ظلم واقع عليكم

خلاصة الكلام ان الاخوة اللى بيقولوا فيه تثبيت و بيجيبوا ورق غير صحيح ارجو منهم عدم اللعب بمشاعرنا لاننا فهمنا الحقيقة كاملة و ذلك لعدة اسباب
الاول : لو كان فى تثبيت اصلا كان صدر قرار عام و له صيغة معلومة لدى الجميع و له رقم و على الاقل كان وصل لجميع المناطق
الثانى : ان يس الشيخ حينما قال ان الاسماء سوف تعلن فى جريدة الازهر الخاصه به
الثالث : كان شيخ الازهر فعلا عمل مؤتمر اعلن فيه التثبيت
طيب اسؤال اللى بيطرح الان ليه الازهر عمل الكذب والخدع دى ؟
الاجابة واضحة زى الشمس الازهر كل اللى يهمه الان هو الانتهاء من جميع اعمال الامتحانات و بعد كدا اخبطوا راسكم فى الحيط

الحل

الحل انه لابد من تنظيم اكبر اعتصام للمطالبة بحقوقنا و اظن انتم رايتم ماذا فعل شباب الثورة فى الايام اللى فاتت بس الوقفات لابد ان تكون صحيحة يعنى اما جهاز التنظيم والادارة و جهاز التنمية الادارية و كمان المناطق بتعتنا
لابدللجميع ان يشارك لانه ليس هناك ما نبكى عليه
ملحوظة هامة : هناك بعض من الاعضاء من العاملين فى الازهر مسجلين هنا باسماء وهمية للحد من الاعتصامات و لفض التجمعات و هى مهمتم الاولى وانا اعرف ناسى شغالة فى منطقتنا موجودين هنا للمتابعة و نقل الاخبار
ارجو الرد بعقل وعدم الاستعجال فى الرد و التدقيق فى كل كلمة واى واحد مشككك فى نقلى للحوار او اللقاء اللى تم انا هقله كلمة وحدة بس هات عكس الكلام و انا نفسى هصدقك
وشكر لحضراتكم

الملك النائم متعاقد 2005

[محمد77777]

الاعتصام هو الحل

[teacher120]

انا مصدق بس انا مبسوط ونفسى الناس تروح تجدد عقود عشان تفهم وتحس وتطالب بحقها بدل ما هما نايمين فى العسل

[ياسر الحصاوى]

انا مصدق بس انا مبسوط ونفسى الناس تروح تجدد عقود عشان تفهم وتحس وتطالب بحقها بدل ما هما نايمين فى العسل

[مستر / وائل الفايد]

الاعتصام هو الحل الوحيد

[محمد77777]

اعتصااااام والكل يعتصم عشان الضغط يزيد مش واحد معتصم و 10 فى المعهد بيشربوا شاى

[ابو رفاعي همام]

علشان متظلموشى اللى يقول كله مسكنات بعد كده