ادريين ومعلمين التربية والتعليم بالمنيا يهددون بقطع السكة الحديد

[HassanAbouzied]

المشاركة الأصلية كتبت بواسطة منار على

عشان الناس كلها تريح دماغها للاسف احنا اكتر فئه جبانه وسلبيه فى المجتمع دا والدليل واضح ومن سنين طويله جدا اشمعنى دلوقت اللى جايين نطالب بحقوقنا وكمان بنطالب بحقوقنا بتخريب بلدنا انا مش عارفه الناس بتفكر ازاى هى بلد الحكومه لوحدها ولا بلدنا كلنا كانوا فين الناس دول من زمان ايام امتحانات الكادر المهينه ايام ماكانوا قاعدين فى البينجات زى الطلبه وبيمتحنوا وغيرها وغيرها للاسف انا من الناس اللى لما اشتغلت كرهت اليوم اللى فكرت اشتغل فيه فى المجال دا لانى لقيته ماليان سلبيات اكتشفت ان اغلبنا جبنا وانانيين كل اللى يهمهم نفسهم وبس وياريت كدا وبس دول كمان بيخربوا عقول ولادنا تبعا لمصالحهم الشخصيه وبيربوا ولادنا على الغش وانعدام الضمير والنفاق واللى يضحك ان دى الصفات اللى بنعانى منها دلوقت لان فعلا كما تدين تدان وكما تزرع تحصد احنا اللى شوهنا صورتنا بايدينا واحنا اللى عملنا فى نفسنا كدا واحنا نستاهل كل اللى بيحصلنا صحيح ان فيه فينا كويس لكن للاسف الكويس دا قليل جدا منتظرين ايه من فئه اغلبها بالشكل دا
المدرس اللى بيدى دروس وبيجبر الطلبه ياخدوا عنده عشان اعمال السنه
المدرس اللى بيغشش ويربى ولادنا على الغش وانعدام الضمير رغم انه تربويا ودينيا عارف خطوره الغش دا
المدرس اللى مش بيراعى ضميره فى الفصل
المدرس اللى بينجح ويسقط الطلبه بمزاجه وتبعا لاهواءه الشخصيه
المدرس اللى بيظلم الطالب ايا كان اشكال الظلم دا
المدرس اللى بيعمل حساب لاولياء الامور وبيخاف منهم ويعملهم حساب ويجاملهم فى مقابل اغضاب ربنا
كل دول بيسيئوا لينا وبيشوهوا صورتنا وبيساعدوا فى تربيه اجيال منعدمه الضمير ومنافقه وبيساهموا فى اللى احنا بنعانى فيه ووصلناله دلوقت كلنا نسال نفسنا كام واحد مننا كدا اراهن ان النتيجه هتكون كارثه عشان كدا بقولكوا ريحوا دماغكوا و عمر ماكان تخريب بلدنا هو السبيل لاخد حقوقنا ابدا

شكلك ...... مش كويس وانتى بتهاجمي زمايلك وكانهم كلهم لون واحد ..... اسود ... شغل النظام القديم ....اللي عفي علية الزمن وراحت ايامة..... البلد فعلا مش ناقصة لكن لما مرتبات الناس اللي مش محتاجة تزيد .... يبقي لازم نزيد.......... ولا البلد مش ناقصة لما احنا بس نطالب بحقوقنا ... وبعدين كل مهنة فيها الكويس وفيها الردى ... لكن مافيش حد بيشرشح لزمايلة زينا .... بس يا استاذة

[منار على]

المشاركة الأصلية كتبت بواسطة hassanabouzied

شكلك ...... مش كويس وانتى بتهاجمي زمايلك وكانهم كلهم لون واحد ..... اسود ... شغل النظام القديم ....اللي عفي علية الزمن وراحت ايامة..... البلد فعلا مش ناقصة لكن لما مرتبات الناس اللي مش محتاجة تزيد .... يبقي لازم نزيد.......... ولا البلد مش ناقصة لما احنا بس نطالب بحقوقنا ... وبعدين كل مهنة فيها الكويس وفيها الردى ... لكن مافيش حد بيشرشح لزمايلة زينا .... بس يا استاذة

اولا لو حضرتك قريت كلامى كويس هتعرف انى معممتش الموضوع دا علينا كلنا مقلتش ان كلنا اسود لان ابسط مثال انا والحمد لله مش كدا لاعمرى غششت ولا ظلمت اى طالب باى شكل من الاشكال لانى مؤمنه انى لازم ابتدى بنفسى مش زى ناس كتير بتجارى التيار ومش انا وبس دا فيه نماذج افضل منى لكن قليله للاسف ودا اللى اقصده لان زى مابيقولوا الحسنه تخص والسيئه تعم

ثانيا انا مش بشرشح انا اتكلمت عادى جدا وقلت رايى بناءا على الواقع اللى بشوفه كل يوم قدام عنيا ومن خمس سنين بس واعتقد ان من حقى انى اقول رايى

ثالثا لو حضرتك شايف انى غلطانه ومش بتشوف دا كل يوم فى مجال عملك ومن زمايلك قولى انى غلطانه
ابسط حاجه قولى كام واحد تعرفه طلع ثانويه عامه او حتى راقب فى مدرسته ومغشش خوفا من الاهالى مثلا
كمان ياريت تقولى من خلال خبرتك هل كلامى صح ولا غلط وان فعلا الغالبيه كدا ولا لا واتمنى اجابه بمنتهى الصدق ؟