مدرس في حوار مفتوح الجزء 3

[الاستاذ محمد سرور]

المشاركة الأصلية كتبت بواسطة *هبة الرحمن*

انا دلوقت ممكن اسال مستر محمد كام سؤال؟؟؟


اه طبعا ممكن

مستر حضرتك كان ليك اصدقاء وعرفت انهم مكنوش يستحقوا انهم يكونوا اصدقاء ؟؟؟

يااااااااااااااه كتير ...بس انا باتعامل معهم بما انا اهل له وليس بما هم اهل له

حضرتك عملت ماجستير ولا لسة ؟؟
لو الاجابة اه
بتحضر في الدكتوراة ولا لأ ؟؟

للاسف حصلى ظروف صعبة شوية الفترة اللى فاتت خلتنى اوقف كل حاجة واركز فى شغلى بس
والحمد لله خلصت على خير ...صحيح كان فيه شوية خساير جامدة
بس الحمد لله والفضل لله قدرت امر من الفترة دى بنفس الاصرار اللى ذكرته فى اول الموضوع

حضرتك كملت نصف دينك ولا لسة برده ؟؟

يعنى بقولك ظروف وجوابات صعبة وتقوليلى نص دينك ..دة لو حد شاف اللى شوفته الفترة دى
كان لبس جلابية مقلمة وطاقية مقلمة ووقف يشحت فى ميدان التحرير

يلا كفاية كدة وبعدين اعاود الحديث مرة اخرى
لان اذان العصر خلص عيزة اقوم اصلي

دعيتيلى معاكى فى صلاة العصر

منتظر استكمال الاسئلة
فى امان الله

[*هبة الرحمن*]

المشاركة الأصلية كتبت بواسطة الاستاذ محمد سرور

دعيتيلى معاكى فى صلاة العصر

منتظر استكمال الاسئلة
فى امان الله

اكيد بدعيلك
بس مش فاكرة سعتها دعيتلك ولا لأ

1-مستر ممكن نعرف الظروف الصعبة اللي مرت بحضرتك
2- ممكن نعرف ليه بتفلسع من الاسئلةيعني مش بتجاوب بــ اه او لأ
عيزين اجابات صريحة مفهومة
يعني نفهم من الاجابات السابقة انك محضرتش الماجستير
وانك متجوزتش مش كدة ولا ايه

[الاستاذ محمد سرور]

المشاركة الأصلية كتبت بواسطة *هبة الرحمن*

اكيد بدعيلك
بس مش فاكرة سعتها دعيتلك ولا لأ

1-مستر ممكن نعرف الظروف الصعبة اللي مرت بحضرتك
هاقول بس من غير حسد ماشى
1- كان عندى مشروع فى وسط البلد فى قلب ميدان العتبة صرفت فيه كل المعايا ...وبتأشيرة من احمد نظيف الله يحرقه اصدر قرار ازالة للمكان كله بما فيه مشروعى علشان مشروع مترو الانفاق ...وطبعا كان لازم اعوض الخسارة دى
2- الحمد لله ربنا اكرمنى واستطعت بناء شقة بفضل الله تكلفت مبلغ محترم
ولكن الحى استملنى قضايا حوالى 4 قضايا كان اجمالى الغرامات بتاعتهم 99 الف جنية + هدم الشقة
فطبعا الموضوع دة اخد من وقتى حوالى 3 سنوات فى المحاكم
بخلاف خساير وصلت حوالى 25 الف جنية والحمد لله ربنا نجانى من ال 99 الف جنية اللى كانوا فى الاول
والان انا رافع قضية عليهم لاسترداد 10 الاف جنية من هذه الخساير ثم ساتبعها بقضية تعويض على الاضرار التى لحقت بى ...دعواتك معايا
2- ممكن نعرف ليه بتفلسع من الاسئلةيعني مش بتجاوب بــ اه او لأ
واحد حبيبى بيقولى انت دبلوماسى فى ردودك
بفضل اتكلم معاك وفى الاخر مش بوصل لمعلومة منك
عيزين اجابات صريحة مفهومة
حاضر
يعني نفهم من الاجابات السابقة انك محضرتش الماجستير

لأ

وانك متجوزتش مش كدة ولا ايه

قريبا ان شاء الله ..واكيد هتحضرى الفرح