ll - أول يــــوم جـــامعة .. انا راي

[Mohamed.Helmy]

السلام عليكم و رحمة الله و بركاته

اولا وحشني القسم العام
أقصد قسم النقاش الهادف

و بجد فرحان للتغير اللى بيحصل فيه و ان شاء الله من تقدم لتقدم باذن الله

----

ثانيا

التوبيك واضح من عنوانه ..

باذن الله النتيجة فاضلها يومين بالكتير 3 ايام و باذن الله خير
و ربنا هيوفقنا جميعا ان شاء الله

---------


طبعا التوبيك ده او يعنى ل عجبتكم ممكن نعملها حملة فى المنتدي و اتمني ذلك

التوبيك للطلبة اللى لسه هايدخلوا 1 جامعة و كمان للطلبة اللى فى جامعة ان شاء الله
" علما باني لسه مادخلتش بس هنستفيد من خبرة اللى في الجامعة باذن الله "

..........

اول يوم الجامعة

شاب " جان " لبس شياكة عضلات شعر نظارة اخر روقان ..

بنت " ---- " زي ما الشباب بيقولوا عليها

" و يستثني من ذلك الشباب و البنات المحترمين "

طبعا باذن الله هنروح الجماعة علشان نتعلم ..
واحد يقولك يا عم ذاكرهم اخر اسبوع و ريح دماغك " بيس يا بوب "

و البنت بقى عاوزة تتعرف على الولد اللي راكب البي ام او الهامر

و هكذا ..


كلام كلنا شوفناه فى افلام و مسلسلات و سمعنا عنه من الناس اللى نعرفهم فى جامعة

--------------

احنا بقى

عاوزين نغير كل ده ..

عاوزين نروح نغير المفاهيم الغلط اللى بنشوفها و بنسمعها عن الجامعة
نفسنا نروح نخلينا فى التعليم و بس ملناش دعوة بقى بدي و لا لينا دعوة بـ " مهند " و الكلام ده
فى بعض الكليات بيبقى فيها علاقات " زمالة " (( بعض الكليات العملي ))
و دي انا مش مقتنع بس اهو برضه عاوزين يبقى فى حدود للتعامل
وخاصة ان احنا " بعد الثورة "
اتمني تكون فكرتي وصلت علشان مش عاوز اقول كلام كتير و كده
و اتمني التوبيك يعجبكم

و اتمني من الطلبة الجامعيين يقولولنا ارائهم و نصايحهم لينا


و تبقى الصورة

" اول يوم جامعة "

شاب " شيك اه و كل حاجة بس محترم و غرضه الاساسي رضا ربنا و التعليم "

بنت " محترمة عارفها هي رايحة تعمل ايه ملهاش علاقة باي ولد ولا كلام من ده "